Mospjesëmarrja e shqiptarëve në Samitin e Sarajevës/ Daçiç: Prishtina dhe Tirana po punojnë për të krijuar "Shqipërinë e madhe"

Ministri i Jashtëm serb, Ivica Daçiç, ka akuzuar sot qeveritë në Tiranë dhe Prishtinë se po punojnë në krijimin e “Shqipërisë së madhe”.

Daçiç, derisa po merr pjesë në samitin e Procesit të Bashkëpunimit të Evropës Juglindore (SEECP) organizuar nga Bosnje-Hercegovina, ka thënë se është e dukshme që Kosova dhe Shqipëria kanë nisur të zbatojnë politikën e përbashkët të jashtme. Ai përkujtoi se Ministri i Jashtëm Bexhet Pacolli tha me këtë rast se marrëveshja për një politikë të jashtme të përbashkët përfaqësonte Shqipërinë dhe e vetë-deklaronte Kosovën si një komb, raporton “Blici” serb. 

“Pacolli thotë se marrëveshja për politikë të përbashkët të jashtme i paraqet Shqipërinë dhe Kosovën si një komb të vetëm. Çfarë duhet të ndodhë tjetër që të vërtetohet se në prag e kemi krijimin e Shqipërisë së madhe”? Imagjinoni nëse Serbia tani do të nënshkruajë një marrëveshje të tillë me “Republikën Sërbska” (në Bosnje)? A është atëherë një shkelje e integritetit territorial të BiH apo me ndonjë interes? Ndoshta të gjithë do ta dënojnë atë”, tha Daçiç para gazetarëve të cilët kërkuar nga ai të komentojnë vendimet e qeverive të Kosovës dhe të Shqipërisë që të mos marrin pjesë në samit.

Shefi i diplomacisë serbe tha se Beogradi, ndonëse nuk e njeh pavarësinë e Kosovës, nuk ka asgjë kundër pjesëmarrjes së Kosovës në iniciativa ndërkombëtare siç është kjo e SEECP-së, por nuk do të lejonte që të paragjykohej zgjidhja e statusit.

“Për Kosovën s’ka zgjidhje përderisa nuk merret vesh me Beogradin. Ndoshta dikush ia premton këtë, por kjo nuk është reale”, tha Daçiç.

Ai thotë se mosshkuarja e delegacionit të Kosovës në Bosnje ka për qëllim t’i bëjë presion Bosnjës që të njohë pavarësinë e Kosovës.(TemA TV)

Ditmir Bushati uron kryeministrin e ri grek, mesazh edhe për Tsipras e Kotzias

14:37 Rajoni

Integrimi në BE, Majlinda Bregu: Shtyrja e mëtejshme për hapjen e negociatave është rrezik

14:15 Rajoni

Arratisje nga Srebrenica: Udhëtimi i tmerrshëm i tre vëllezërve

14:03 Rajoni

Protestat e PD frymëzojnë anarkistët grekë, rrëmbejnë kutitë e votimit dhe djegin votat

10:13 Rajoni

Mitsotakis fitoi: Rikthim i pushtetit të familjeve në Greqi

09:17 Rajoni

Qeveria e re në Greqi, zbulohen emrat e ministrave të kabinetit "Mitsotakis"

08:57 Rajoni

Gara elektorale në Greqi, fituesi Kyriakos Mitsotakis: Do jem kryeministri i të gjithëve. Ja mesazhi i Tsipras

08:50 Rajoni

Agimi i Artë mbetet jashtë Parlamentit grek

21:57 Rajoni

Exit Poll-et e para: ”Demokracia e re” fiton zgjedhjet në Greqi

18:51 Rajoni

Marrëveshja: Ulen tarifat e roaming, ja se si do të jetë reduktimi

18:20 Rajoni