VIDEO/ Rama: Ilir Meta nuk e ka mbushur kupën por e ka derdhur, i ka kërcyer shtetit si tank armik me firmën si bombë për ta hedhur në erë

Kryeministri Edi Rama tha nga foltorja e Kuvendit se presidenti Meta e ka treguar armiqësinë e egër që ka ndaj shumicës qeverisëse.

Shefi i qeverisë u shpreh se presidenti duhet shkarkuar pasi sipas tij, “nuk e ka mbushur kupën, po e ka derdhur”.

“Kurrë mos e ndalo kundërshtarin që po gabon” thotë Napoleon Bonaparti

Sot nuk jemi mbledhur të ndalojmë një kundërshtarin  tonë.

Si kundërshtari i kësaj shumice Ilir Meta nuk duhet ndaluar në qorrmashrimin e tij vetëshkatërrues sa unikal aq edhe të trishtueshëm në historinë politike të këtij vendi.

Politikisht ai na e bën më të lehtë pozicionin tonë në sytë e popullit. Njerëzia e shohin krejt lakuriq të vërtetën e armiqësisë së egër të Ilir Metës ndaj shumicës tonë qeverisëse.

Është një armiqësi e ushqyer nga dëshpërimi prej disfatës së turpshme të planit antikombëtar të hedhjes në erë të zgjedhjeve, që synonte pengmarrjen e drejtësisë dhe pengimin e celjes së negociatave në BE.

I kam ndjekur në një ndjenjë mëshirë budallallëqet e fallxhores Monikë dhe akrobacitë e artistit Lul, së bashku me mufkat e haxhiut Ilir.

Që nga shfajësimet e hatashme për disfatën e tyre  deri tek fajësimet e dëshpëruara në adresën tonë lidhur me pjesëmarrjen e ulët në zgjedhje dhe me raportin paraprak të misionit të ODIHR”, tha Rama.

Ai u shpreh se “Ilir Meta duhet ndëshkuar deri në fund në Kuvend dhe reagimi ynë si deputetë duhet të jetë frontal, në emër të Kushtetutës.”

“Në këtë pikë, graviteti i parimeve themelore të Kuvendit është një emërues që duhet të na bashkojë. Ilir Meta nuk është më thjesht kundërshtari i njohur i Qeverisë, por armiku i hapur i Kushtetutës.

Ai sot është armiku i deklaruar i Parlamentit të Shqipërisë. Nuk është më thjesht vetëm politikani i frikësuar deri në palcë nga reforma në drejtësi, ai është shëmbëlltyra i të tremburve nga drejtësia, i cili edhe mbi shtrirjen e rrezes së agresionit ndaj partnerëve, na dëmton ne si deputetë, si qytetarë, si popull, si shtet”, u shpreh Rama nga foltorja.

Ai komentoi edhe kritikat e Metës ndaj ambasadave të huaja në Tiranë, duke theksuar se presidenti “e mendon Ambasadën amerikane si topin që i vendos gjoksin e trupit me kostum banjo.”

“Presidenti u kthye në përfaqësuesin e lëvizjes Haxhiqamiliste. Unë i bëj thirrje të reflektojë e të mbledhë veten brenda kornizave institucionale”, tha Rama.

Rama ndër të tjera tha se presidenti duhet të ndërpresë sulmin ndaj parlamentit, “të ndërpresë aktivitetin e tij të paligjshëm ndaj Republikës, si dhe të ndalojë dhe përgojimin e figurave historike, sepse paralelizmi me to keq-informon brezin e ri, sigurisht kjo mbetet një vërejtje miqësore”.

(TemA)

Blendi Klosi: Ndjehem mirë që njerëz si Berisha kanë ikur nga Parlamenti, vendosën kapitullimin

17:44 Politika

Çdo të bëjë PD-ja pas shkarkimit të Metës?

17:35 Politika

Baza kushtetuese për shkarkimin e Metës, Ulsi Manja: U ftua në komision por u përgjigj me një gjuhë ironike dhe fyese

17:31 Politika

Nga ish-drejtoresha e LSI, tek kushëriri doganier i ish-deputetit të PD: Kush e organizoi protestën e shqiptarëve në SHBA, që ekzaltoi Metën

17:30 Politika

FOTOT: "Bandat shqiptare të kokainës në Britani u formuan nga trafikantët kryesorë të prostitucionit"

17:20 Politika

Shkarkimi i Metës: Kuvendi voton për Komisionin Hetimor Parlamentar

17:14 Politika

Nis seanca plenare: Ndryshon numri i anëtarëve të Komisionit Hetimor për shkarkimin e Metës

17:02 Politika

Deputetja e PS, kundërpërgjigje juridike për Ilir Metën

16:52 Politika

Shqipëria anulon pjesëmarrjen në Samitin e Sarajevës për shkak të Kosovës, por Ilir Meta merr pjesë

16:01 Politika

Sali Berisha karikon militantën para protestës: Super cunami po afron, kakistokracia po dridhet

14:57 Politika