Te fundit
Nga “ushtria europiane”, tek “forca” ndaj Rusisë e Kinës, e deri te martesat gay: Çfarë mendon shefja e re e BE-së
9 Korrik 2019, 17:31Politika
TEMA
“Qëllimi im janë Shtetet e Bashkuara të Europës,” tha njëherë kandidatja për presidente e Komisionit Europian.
Ursula von der Leyen ka qenë shumë e heshtur që kur u propozua për presidencën e Komisionit Europian të martën, me përjashtim të një përshëndetje të shpejtë të mërkurën pasdite.
Megjithatë, si një drejtuese e hershme e Ministrisë së familjes dhe ministrisë së çështjeve sociale përpara se të bëhej ministre e Mbrojtjes në vitin 2013 – ajo ka dhënë mjaft intervista gjatë viteve.
Këtu, ajo shprehet me fjalët e saj për tema që variojnë nga politika e jashtme, deri tek barazia gjinore.
Integrimi europian
“Qëllimi im janë Shtetet e Bashkuara të Evropës – modeluar në shtete federale si Zvicra, Gjermania apo SHBA”, tha ajo për Der Spiegel në vitin 2011.
Ajo përsëriti thirrjen e saj për një BE federale në një intervistë me Die Zeit në 2016, duke shtuar:
“Imagjinoni Europën e fëmijëve apo nipërve të mi si një bashkim të lirshëm të shteteve, jo të bllokuar nga interesat kombëtare”.
Si ministre e Mbrojtjes, ajo ishte nxitëse për bashkëpunim më të madh të sigurisë në BE, duke kërkuar një “bashkim të mbrojtjes” dhe duke bërë thirrje për krijimin e një “ushtrie të europianëve”.
“Europa duhet të jetë në gjendje të veprojë në mënyrë të pavarur” tha Ursula von der Leyen, kandidate për presidente e Komisionit Europian.
Mbrojtja dhe politika e jashtme
Von der Leyen gjithashtu ka punuar me Francën për një bashkëpunim më të ngushtë ushtarak.
Ideja e saj për forcat e armatosura europiane është disi ndryshe nga ajo e presidentit francez Emmanuel Macron – një “ushtri e europianëve” dhe jo një “ushtri e BE”.
Nëntorin e kaluar, ajo tha se përgjegjësia për trupat europiane duhet “të mos jetë e centralizuar”, por të mbetet me qeveritë e tyre përkatëse.
Ajo ka theksuar se bashkëpunimi ushtarak europian nuk qëndron në konkurrencë me NATO-n, duke thënë se në çështjet e mbrojtjes “duam të mbetemi transatlantik, por gjithashtu duam të bëhemi më europianë”.
Ajo ka bërë thirrje gjithashtu për t’i dhënë fund kërkesës së unanimitetit të BE-së në çështjet e politikës së jashtme dhe tha se blloku duhet të jetë i aftë për ndërhyrje ushtarake të unifikuar, kur të jetë e nevojshme.
Rusia, Kina dhe SHBA
Ndërsa von der Leyen ka paralajmëruar për “shpërthimin” ushtarak kundër Rusisë, duke refuzuar në 2014 furnizimin e Ukrainës me armë, të cilat ajo tha se mund të përshpejtonin konfliktin, ajo ka mbajtur një qëndrim të ashpër ndaj Moskës.
“Presidenti Putin nuk e vlerëson dobësinë, por indulgjenca nuk e bën atë të jetë më miqësor”, tha ajo vitin e kaluar, duke shtuar se dëshironte një marrëdhënie më të mirë me Rusinë dhe është e hapur për dialog.
Ajo “i sheh faktet:
“Rusia ka aneksuar Krimnë, ajo është duke shtrypur Ukrainën lindore.
Aleppo është varrosur nën një qilim bomash nga aeroplanët rusë. ”
Në janar, ajo paralajmëroi se Evropa nuk i kushton vëmendje të mjaftueshme Kinës, duke thënë:
“Kur Rusia sulmon ushtarakisht në zonën kibernetike, Kina sulmon me mjete ekonomike…
Kina ia arrin qëllimit “miqësisht””.
Ajo gjithashtu kritikoi autoritarizmin kinez dhe kontrollin mbi qytetarët, duke shtuar:
“Jam e bindur se liria përkufizon njerëzimin”.
Si ministre e Mbrojtjes, ajo gjithashtu ka qenë e zëshme në goditjen e presidentit të SHBA, Donald Trump pas akuzave të tij se Gjermania nuk po i plotësonte premtimet e saj në NATO.
Vitin e kaluar, von der Leyen – e cila ka jetuar në SHBA – i tha Die Zeit:
“Një pjesë e shoqërisë amerikane ka harruar atë që e bëri Amerikën e madhe … optimizmi, fryma e pionerëve”, duke shtuar: “Amerika është shumë më shumë se presidentët e saj”.
Brexit
Von der Leyen, si dhe shumë politikanë europianë, e pa vendimin e Mbretërisë së Bashkuar për të lënë BE-në si tragjedi.
Në një intervistë me gazetën “Berliner Morgenpost” vitin e kaluar, ajo tha:
“Është fakt që me Brexit ne të gjithë humbasim.”
Ajo gjithashtu kritikoi “premtimet e urta … të fryra nga populistët përpara referendumit”.
Megjithatë von der Leyen, e cila studioi në Londër për një vit, nuk është Donald Tusk, i cili ka mbështetur një referendum të dytë me shpresën se Britania do të zgjedhë të qendrojë.
“Edhe pse do të doja shumë t’i shihja britanikët të qëndrojnë në BE, ata votuan për ta lënë atë,” tha ajo në intervistën për “Morgenpost”.
Si ministre e Mbrojtjes, ajo theksoi se Britania dhe BE do të bashkëpunojnë ende për çështjet e sigurisë në të ardhmen.
Por ajo nuk do të lejojë trajtim të posaçëm për Britanisë pas përfundimit të Brexit.
Në një intervistë me tabloidin “Bild” një ditë pas referendumit, ajo tha:
“Ne duam një partneritet të mirë me Britaninë e Madhe në të ardhmen.
Por nëse përcaktojmë një rrugë të veçantë për Britaninë e Madhe, partnerë të tjerë si Norvegjia do të kërkojnë të njëjtën gjë.
Rregullat duhet të jenë të njëjta për të gjithë.”
Në kulmin e krizës së migrimit të vitit 2015, von der Leyen kritikoi Hungarinë që përdorte gaz lotsjellës kundër azilkërkuesve, duke thënë:
“Kjo nuk është e pranueshme dhe është kundër rregullave europiane që kemi, prandaj është shumë e rëndësishme që ne të qëndrojmë respektues në situatat ku dinjiteti njerëzor dhe të drejtat e njeriut janë të përfshira…
Refugjatët kanë të drejtë të trajtohen në mënyrë të denjë “.
Dhe në vitin 2017, ajo hasi polemika në Poloni kur tha se “rezistenca e shëndetshme demokratike e brezit të ri në Poloni duhet të mbështetet”.
Në një intervistë të gjatë për lindjen e populizmit për “Der Spiegel” në vitin 2016, ajo mendonte:
“Ndoshta ne si demokratë kemi besuar për një kohë të gjatë që demokracia është kaq e fuqishme, aq bindëse, kaq e shkëlqyeshme dhe se marshimi i fitores së saj nuk mund të ndalet…
Tani ne e kuptojmë se demokracia mund të shkojë dëm nëse nuk na intereson, nëse humbet gjëja më e çmuar, respekti për të tjerët dhe aftësia për të bërë kompromis”.
Ajo shtoi: “Demokracia nuk duhet të ndryshojë, por duhet të ngrihemi përsëri dhe të luftojmë për kauzën tonë … ndoshta populizmi është shansi ynë … sepse thjeshtësia e tij e shurdhër e bën që të bindë edhe me një gjuhë të qartë dhe të kuptueshme: një shoqëri tolerante, e hapur dhe demokratike brenda Europës “.
Në vitin 2014, von der Leyen përkohësisht priti një refugjat të ri sirian në shtëpinë e saj dhe e ndihmoi të gjente një profesion.
“Ai e pasuroi jetën tonë,” tha ajo.
“Kaq shumë refugjatë duan të gjejnë vendin e tyre në Gjermani dhe të bëjnë diçka në Gjermani.
Ne duhet të marrim dhe mbështesim këtë nismë, sepse atëherë integrimi do të jetë i suksesshëm”.
Në vitin 2016, ajo njoftoi planet për të trajnuar refugjatët në Bundesëehr në fusha të tilla si mjekësia dhe teknologjia.
“Ideja është që një ditë ata do të kthehen në Siri dhe do të ndihmojnë në rindërtimin e vendit të tyre”, tha ajo në atë kohë.
Barazia gjinore, politika familjare dhe të drejtat LGBT
Për një kohë të gjatë, politikanja më e lartë gjermane, përveç Merkel, von der Leyen, ka kaluar eksperiencat e saj lidhur me seksizmin – një kohë shtypit i pëlqente t’i referohej asaj si “super mama” (ajo ka shtatë fëmijë) dhe një politikan bavarez e përqeshi atë për zbatimin e lejes prindërore për baballarët, duke thënë se burrat nuk kishin nevojë për një “trajnim të ndërrimit të pelenave”.
Ajo ka qenë prej kohësh e zëshme në lidhje me nevojën për barazi gjinore dhe pagë të barabartë, duke shkruar në Handelsblatt këtë vit:
“Përderisa burrat dhe gratë nuk fitojnë të njëjtat para për të njëjtën punë, është shumë herët të flitet për vetëkënaqësi” lidhur me arritjet në barazinë gjinore.
Ndërkohë ajo ka mbështetur zbatimin e kuotave për gratë në bordet e kompanive dhe në forcat e armatosura përballë kundërshtimit të ashpër nga partia e saj konservatore, përfshirë edhe Merkelin.
Ajo gjithashtu ka qenë nxitëse për një politikë më të drejtë familjare, duke thënë:
“Për mua, barazia arrihet kur burrat nuk ofendohen më si fëmijë, nëse kujdesen për foshnjën apo beben e tyre të sëmurë”.
Ajo bëri fushatë për martesat e çifteve LGBT (të cilat Gjermania i legalizoi në vitin 2017) dhe mori reagime të zemëruara të kolegëve konservatorë të partisë, pasi bëri thirrje që çiftet LGBT të lejohen, duke thënë:
“Nuk di asnjë studim që thotë se fëmijët që rriten me prindërit e të njëjtit seks duken ndryshe nga fëmijët që rriten në martesat heteroseksuale “.
Politico.eu-Përshtati në shqip për TemA: Diona Çeço
2 komente në “Nga “ushtria europiane”, tek “forca” ndaj Rusisë e Kinës, e deri te martesat gay: Çfarë mendon shefja e re e BE-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Paska dhe kjo dosa shkollen e George Soros me nje fjale ajo do ta beje Eurpoen te mbushur plot me afrikane, myslimane dhe bytheqiree… Po pse moj dose nuk i dashke shqiptaret, maqedonasit, kosovaret apo serbet e malazezet te vinje e europe por doni kete race?
Ne jemi rrace e forte ata duan majmun te ulin nivelin e inteligjences