Te fundit
Rritja e turizmit, Braçe: Fitoi Shqipëria, humbi edhe një herë “molotovëria”
24 Korrik 2019, 16:20Politika
TEMA
Zv/kryeministri Erion Braçe deklaroi sot se “27% më shumë të huaj kanë hyrë e kanë qëndruar në Shqipëri, në muajin e flakës dhe tymit, bllokimit të rrugëve dhe sulmit kriminal mbi imazhin e vendit, në qershor”.
“Në 6 muajt më të vështirë që ka kaluar ky vend që pas 21 Janarit 2011, pra nga janari në qershor, 11,3% më shumë të huaj kanë hyrë e kanë qëndruar në këtë vend. Shumica dërrmuese e tyre për qëllime turistike. Por mbi 9 mijë prej tyre edhe për biznes e arsye të tjera profesionale, edhe këta më shumë se një vit më parë”, tha Braçe.
Po ashtu, zv/kryeministri u shpreh se është rritur turizmi, por është rritur edhe transporti ajror, detar e tokësor”. “11,2% më shumë në rrugë ajrore, 11,3% më shumë në rrugë detare, 20,8% më shumë në rrugë tokësore vetëm këtë qershor. 10% më shumë në rrugë ajrore, 14,6% më shumë në rrugë detare, 9,5% më shumë në rrugë tokësore vetëm në 6 muajt e parë të vitit”, tha Braçe.
Sipas tij, “mund të ishte edhe më shumë se kaq, shumë më tepër, por u godit pa mëshirë nga politika e dhunës”. “Thjesht kanë penguar maksimumin, por jo rritjen edhe në të tilla kushte. Këtë vend e besojnë dhe e duan! Politika e linçimit të këtij vendi për interesa banale pushteti, politika e goditjes mbi ekonominë për interesa banale politike, edhe në këtë rast humbi, mbaroi. Tani edhe më shumë punë për të rikuperuar imazhin e këtij vendi. E kanë në dorë operatorët ekonomikë, ata që presin, shërbejnë për turistët, ata që prodhojnë e furnizojnë për këtë sektor! Forca”, tha ai.
1 komente në “Rritja e turizmit, Braçe: Fitoi Shqipëria, humbi edhe një herë “molotovëria””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Eri se gjoja je economist…a u rritem te ardhurat tatimore 27%? Jooo atehere? O jane vjedhur nga tatimoret militants ose genjeni. Dhe tjetra juve thoshit qe mitingjet do ulnin turizmin ndaj mos protestoni….e tani? Me mire hesht.