Te fundit
Dy izraelitë të dyshuar për lidhje me krimin qëllohen për vdekje në Meksiko
27 Korrik 2019, 21:10Bota
TEMA
Një grua me një parukë bjonde dyshohet se ka qëlluar për vdekje dy izraelitë të lidhur me krimin në një restorant në qytetin e Meksikos.
Alon Azulay, 41 vjeç, dhe Benjamin Yeshurun Sutchi, 44 vjeç, u qëlluan për vdekje të mërkurën.
Gruaja, e cila u arrestua teksa përpiqej të largohej, i tha policisë se ishte një krim pasioni.
Por policia tani po heton nëse në të vërtetë krimi ishte një “larje hesapesh” midis bandave rivale kriminale.
“Motivi i pasionit është hedhur poshtë. Të dhënat na çojnë në lidhjen e ngjarjes me larje hesapesh mes grupesh kriminale”, u tha gazetarëve Ulises Lara, zëdhënës i prokurorëve në qytetin e Meksikos.
Ambasada e Izraelit në Meksikë tha se personat e vrarë kishin precedent kriminalë si në Izrael ashtu edhe në Meksikë, ndërsa media vendase izraelite ka pohuar se Sutchi ishte shumë i njohur me rrethin kriminal në Izrael.
Megjithatë, sipas mediave meksikane, gruaja e quajtur Esperanza N, 33 vjeç, i tha policisë se ajo kishte sulmuar burrat për shkak të një marrëdhënieje romantike që filloi në mediat sociale.
Policia, që po heton lidhje të mundshme me trafikun e drogës, shitjen e armëve apo pastrimin e parave, dhe gjithashtu beson se ajo po punonte së paku me tre bashkëpunëtorë.
Lini një Përgjigje
Më të lexuarat
24 oret e fundit
Javen e fundit
Blog Tema
