Te fundit
OSBE rrëzon Metën: Gati të negociojmë për reformën zgjedhore, palët duhet të kenë vullnet për bashkëpunim
8 Gusht 2019, 09:42Politika
TEMA
OSBE ka rrëzuar pretendimet e Presidentit Ilir Meta sa i takon situatës politike në vend. Pak javë më parë Meta dërgoi një letër duke kërkuar që OSBE të vijë dhe të negociojë mes palëve për zgjidhjen e krizës, ndërsa sulmonte shumë fort kryeministrin Rama dhe e akuzonte se ka kapur të gjitha pushtete, shkruan sot.
Por OSBE i ka kthyer përgjigje Metës, duke i bërë të ditur se ata janë gati të negociojnë për të mbyllur reformën zgjedhore.
“Ju lutemi na lejoni të shprehim mirënjohjen për letrën tuaj dhe vlerësimin e plotë të situatës në Shqipëri, datë 26 korrik. Ne e vlerësojmë thellësisht besimin, të cilin ju vazhdoni t’i kushtoni OSBE-së dhe, duke ecur përpara, shpresojmë të ndërtoni më tej në bashkëpunimin shumëvjeçar të shkëlqyer midis OSBE-së dhe vendit tuaj.
Rëndësia e bashkangjitur nga OSBE për situatën në Shqipëri reflektohet së fundmi në vizitat e njëpasnjëshme të Kryetarit të OSBE-së dhe Sekretarit të Përgjithshëm të OSBE-së në Tiranë këtë vit, si dhe vizitën e planifikuar të Presidentit dhe Sekretarit të Përgjithshëm të Asambleja Parlamentare në shtator.
Gjatë vizitave të mëparshme, ne i nxisnim të gjithë aktorët të angazhohen në dialog pa parakushte, të ndjekin një zgjidhje të pranueshme për të gjithë, të respektojnë proceset dhe institucionet demokratike të vendit dhe të inkurajojnë kufizimin në ligjërimin civil”, thuhet në letër.
Më tej bëhet e ditur se lehtësimi i dialogut, mund të jetë i suksesshëm vetëm me pëlqimin dhe pjesëmarrjen e të gjitha palëve përkatëse përmes një procesi të gjerë kombëtar.
“OSBE-ja dhe institucionet e saj, brenda mandateve të tyre, do të jenë të gatshëm të ofrojnë mbështetje për një proces të tillë gjithëpërfshirës.
Një mbështetje e tillë mund të përqendrohet për shembull në propozime për reforma konkrete, siç është reforma zgjedhore. Prandaj, ne inkurajojmë të gjitha palët të hulumtojnë së bashku me strukturat ekzekutive përkatëse për ndihmë teknike të synuar, përfshirë në bazë të rekomandimeve të ODIHR-it lidhur me zgjedhjet”, thuhet në letër.
Në fund OSBE shprehet se do mbeten të angazhuar e në mirëbesim dhe do të ketë parasysh interesat më të mira të Shqipërisë.
1 komente në “OSBE rrëzon Metën: Gati të negociojmë për reformën zgjedhore, palët duhet të kenë vullnet për bashkëpunim”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Degjova kete gazetarin e urte e te bute qe thoshte qe OSBE do na e zgjidhi problemin etj etj ca gjera imagjinare me qetesine e tij .. Krize nuk ka.. Ti thuash kundershtarit nuk garoj me ty se ti me vjedh ne nje vend demokratik, eshte nje krize fallco. Sa do blesh?!?! Sa do besh njerzit e thjeshte te votojn per ty nepermjet militanteve?!?! Ka marifete krahinore (qe sduhet te kete) por sa e kthejn ato rrezultatin?!?! Zgjedhje pa Edi Ramen nuk ka thote Lulzim Basha.. A thua qe po morri ne telefon mafjozet e droges Rama, ata s’do ti binden Rames njesoj sikur mos te ishte kryeminister.. Ceshte kjo fantazi!!?! Eshte krize fallco. Krize e sajuar. Cfare do te beje OSBE-ja kur sja heq dot veshin mazhorances sepse mazhoranca po justifikohet duke thene: Le te vijne ne tryeze.. Nuk ka krize kur nje ane do ti permbushen pretekset e saj.. Kur populli te do, te voton.. E dominon dallaveren.. U vertetua midis Edi Rames dhe Sali Koleres ne zgjedhjet e pergjithshme kur ky I fundit kishte pushtetin.. Nuk ka krize ne mazhorance qe ta challenxhosh me zgjedhje te parakohshme. Humbet.. Dhe opozita ne krize e di.. Opozita thote krize, krize, krize dhe kazani hap jorganin per teleshikuesit per market.. Me shume ka lufte mediatike midis kanalesh televizive se sa vet “kriza” ne vetvete per rating.. Ska krize per qytetarin kur vet Banka Boterore ta konfirmon rritjen ekonomike. Te thote kujdes ketu e aty por ste thote je ne krize ekonomike.. Kjo ka rendesi per qytetarin e thjeshte..