Te fundit
Sherr me thika në Tiranë, plagoset rëndë një 56-vjeçar
11 Gusht 2019, 14:38Kronika
TEMA
Një ngjarje e rëndë ka ndodhur në orët e para të mëngjesit në Tiranë, ku një person ka mbetur i plagosur pasi është qëlluar me thikë.
Burime nga policia thanë se ngjarja ka ndodhur në zonën e Kodër Kamzës në kryeqytet.
Në pranga është vënë 68-vjeçari me inicialet J. V., i cili akuzohet për plagosjen e 56-vjeçarit me inicialet F. L.
Njoftimi i Policisë së Tiranës:
Shërbimet e Komisariatit të Policisë Nr. 3 Tiranë, parandalojnë përshkallëzimin e mëtejshëm të një konflikti për motive të dobëta mes dy shtetasve.
Shërbimet e Policisë, pas njoftimit të marrë se një shtetas kishte shkuar në një banesë në Kodër Kamëz dhe kishte plagosur rëndë me thikë të zotin e banesës menjëherë kanë shkuar në vendngjarje, duke arrestuar në flagrancë për veprën penale ‘Plagosja e rëndë me dashje’, dhe ‘Prodhimi, mbajtja, blerja apo shitja pa leje e armëve të ftohta’ ‘shtetasin J. V., 68 vjeç banues në Kodër Kamëz.
Shtetasi J. V., rreth orës 01.15 të mëngjesit kishte shkuar në banesën e shtetasit F. L., 56 vjeç, dhe pas një konflikti për motive të dobëta, e kishte plagosur me mjet prerës (thikë).
Shtetasi F. L., pas ndërhyrjes mjekësore ndodhet jashtë rrezikut për jetën.
Materialet procedurale i kaluan Prokurorisë së Rrethit Gjyqësor Tiranë për veprime të mëtejshme.
4 komente në “Sherr me thika në Tiranë, plagoset rëndë një 56-vjeçar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PUNE MALOKESH…
Skiptari este koka kari tyrkie
gezuar kurbon bajromin o muslims ”toleranta”………..!
Ne koder Kamez jo ne Tirane or taj.