REPLIKAT/ Macron-Putin përplasen live gjatë konferencës së përbashkët

Presidenti rus Vladimir Putin në një kundërpërgjigje të shpejtë e kritike të hënën i tha homologut francez se ai nuk dëshironte që protesta të ngjashme me ato “jelekëve të verdhë” në Francë, të shfaqeshin edhe në Rusi.

Kjo, si reagim ndaj thirrjes së bërë ndaj tij nga presidenti Emmanuel Macron që Rusia t’i përmbahet parimeve demokratike, duke iu referuar protestave disa javore në Moskë.

Presidenti Macron, i cili e priti zotin Putin në rezidencën e tij verore në jug të Francës pesë ditë përpara takimit të Grupit të 7-shes, synon t’i tregojë Moskës se nuk po injorohet pavarësisht se është përzënë nga ky grup, pas aneksimit të Krimesë në 2014-n.

Megjithëse bisedimet u përqendruan tek krizat ndërkombëtare, zoti Macron u përpoq të trajtojë me zotin Putin edhe situatën e brendshme në Rusi.

Prej më shumë se një muaji Moska është tronditur nga protesta që u nxitën pasi autoritetet ndaluan kandidatët e opozitës që të konkuronin në zgjedhjet për qytetit që mbahen në shtator.

“Këtë verë ne bëmë thirrje për liri për të protestuar, për liri të fjalës, mendimit e për të konkuruar në zgjedhje, gjë që duhet të respektohet plotësisht në Rusi si për çdo vend tjetër anëtar të Këshillit të Evropës”, tha zoti Macron gjatë një konference të përbashkët për shtyp përpara takimit.

Ndërsa fillimisht, presidenti Putin u duk sikur e injoroi komentin, ai e kundërshtoi menjëherë zotin Macron pas një pyetjeje vijuese rreth protestave në Moskë.

Ai tha se gjërat po trajtoheshin në përputhje me ligjin, duke shtuar se nuk donte që situata të përfundonte si në Francë.

“Ne të gjithë i dimë ngjarjet e lidhura me të ashtuquajturit ‘jelekët e verdhë’, gjatë protestave të të cilëve, sipas llogaritjeve tona, u vranë 11 persona dhe 2500 u plagosën”, tha zoti Putin.

“Ne nuk do të dëshironim që ngjarje të tilla të ndodhnin në Moskë dhe do të bëjmë gjithçka mundemi për të garantuar situatën e brendshme politike dhe çdo veprim ka qenë në mënyrë rigoroze brenda kuadrit ligjor”, shtoi ai.

Por presidenti Macron tha që krahasimi me Francën ishte i pasaktë, pasi siç tha ai, protestuesit e “jelekëve të verdhë” mund të marrin pjesë në zgjedhje.

Të dy presidentët bënë të ditur se do të diskutojnë një seri problemesh ndërkombëtare sikurse çështjen e Iranit, Sirisë si dhe atë të kontrollit të armëve.

Megjithatë, interesi kryesor i Parisit duket të jetë çështja e Ukrainës, për të cilën shpreson të shohë përparim, pasi Presidenti i ri i vendit i ofroi zotit Putin një shans për paqe.

“Shpërthen” Vasili i LSI: Mirënjohje për horrat në Shkodër që dolën fytyrëzbuluar. Rama do t’i shesë si legena

19:52 Politika

Kush është biznesmeni me 310 milionë euro pasuri që u sulmua nga Mihal Kokëdhima?

19:14 Politika

“Stalingradi” PD ra, po tani?

17:05 Politika

Ish- deputeti i PD kërkon status të veçantë për Shkodrën: Duhej tranzicion me marrëveshje, me Voltanën në pushtet

18:29 Politika

VIDEO: Momenti kur Tom Doshi sulmohet me shishe e gurë nga PD, ja si reagon deputeti

17:10 Politika

Konstituimi i Këshillit, PD Shkodër: Ne nuk iu përkulëm komunizmit e kurrsesi nuk do ta pranojmë as përkuljen ndaj Edvin Ramës

15:05 Politika

Ish-kreu i PD: 10 gabimet e Bashës që rrënuan partinë, bashkëfajtorë dhe Berisha e Nishani

14:35 Politika

Konstituimi i Këshillit Bashkiak të Shkodrës, Ademi s'ka ndërmend të lirojë zyrën: Do jem në detyrë deri në zgjedhje të vërteta

13:26 Politika

FOTOT e projektit, Rama: Kantieri i Rilindjes Urbane në vijën bregdetare të Durrësit

13:19 Politika

“Qëndruam në anën e ligjit dhe të interesit publik”, Balla: Ndjesë shkodranëve për situatën e krijuar pas dorëheqjes së Valdrinit

13:03 Politika