Te fundit
Nëse...
30 Gusht 2019, 20:15Blog
TEMA
Nga Lutfi Dervishi
Nëse kritikon qeverinë do të thonë se të paguan opozita,
Nëse kritikon opozitën do të thotë se je shitur te qeveria,
Nëse i kritikon të dy do të thonë bën lojën e oligarkëve…
Nëse i kritikon oligarkët do të thonë i shantazhon për t’u marrë para!
Nëse i kritikon të gjithë do të thonë…ky është i çmendur.
Nëse përdor emra në shkrim do të thonë e ke personale
Nëse nuk përdor emra do të thonë…ke frikë të përmendesh emra!
Nëse merresh me gazetari investigative do të thonë: gjobvënës
Nëse nuk merresh do të thonë: pse nuk investigon?
Nëse ke mbetur pa shtëpi e katandi do të thonë: ti nuk bën hajër për vete
Nëse ke shtëpi e katandi do të thonë: aaaa edhe ti si gjithë të tjerët, i korruptuar.
Nëse merresh me një ngjarje të aktualitetit do të thonë: ku ishe ti më 1991? 1996? 2006? 2016?!
Nëse shkruan për të shkuarën do të thonë: po pse nuk shkruan për këto që ndodhin sot?!
Nëse kritikon një lider do të thonë: po pse nuk e kritikon tjetrin.
Nëse i kritikon të dy (apo të tre) do të thonë: e bën për snobizëm.
Nëse shkruan për sportin do të thonë…nuk ta mban të shkruash për politikë.
Nëse shkruan për politikë do të thonë të gjithë merren me këtë sport!
Nëse shkruan për liderët, do të thonë: pse nuk shkruan për njerëzit.
Nëse shkruan për “njerëzit” do të thonë nuk ta mban të shkruash për “liderët”
Nëse shkruan për zjarret në Amazonë do të thonë pse nuk shkruan për zjarret në Shëngjin.
Nëse shkruan për zjarret në Shëngjin do të thonë: bota digjet dhe ky e ka mendjen te Shëngjini
Nëse shkruan humor do të thonë: seriozisht e ka ky?
Nëse nuk shkruan humor- do të thonë: po ky me ne tallet?
Nëse flet për një çështje do të thonë: pse nuk hesht?
Nëse hesht do të thonë: pse nuk flet?
Nëse shkruan të vërtetën do të thonë: këto i dinë të gjithë na thuaj zgjidhjen.
Nëse shkruan për zgjidhjen do të thonë: avash, avazh. U bëre ti.!
Nëse nuk shkruan të hakërrehen…. pse nuk shkruan.?!
Nëse shkruan, gjithsesi ti do të jesh fajtor për…
për 13 tetorin, 30 qershorin, për negociatat, për zjarrin në Amazonë, për faktin që ka dy muaj që nuk bie shi, për krizën e refugjatë, për Brexit, dhe padyshim edhe për krizën në detin e Kinës.
Por do të jesh fajtor edhe pse ai/ajo është pa punë, pse ai/ajo nuk del në televizor, pse nuk i ka dalë llotaria amerikane, pse nuk ka fituar llotarinë kombëtare dhe pse tani…. bën kaq shumë vapë!
8 komente në “Nëse…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hera e pare qe shkruan dicka reale ,duket se ngordhja politike e Sali Berishes po ndikon te jesh me njeri!?
No Coment, Bravo, shume shume bukur, nisem dhe nga fakti se jam familje me gazetar brenda dhe te gjitha çka thote z. Dervishi jane te sakta dhe te perjetuara thuajse te gjitha nga keto, por nje bravo per renditjen qe i ka bere,
Suksese
???????????????????????????
??????????? HAHAHA ????????????
????????????????????????????
Hahahaa….
Nëse…, je Dervish do të thonë pse s’je Imam si Naçi, prandaj pi pak ujë o Lut , që masanej ,gjith mileti tè gërthasë, -‘E hapiiiiiì’, hahaha ha ha
Shume e vertete!
Nese bie shi: na kalbi shiu
Nese eshte diell: na dogji vapa
Cfare uji i ke dhene gomarit me pak fjale… fuck them all
Me pelqeu shume my artikulli I zotit Dervishi !
Keq me burre, keq pa burre,keq qe s’u martova
kurre…..!!!