Te fundit
A do të veprojë me goditje cezariane Palmer?
3 Shtator 2019, 17:41Blog
TEMA
Nga Spartak Ngjela
I dërguari i posaçëm i politikës amerikane në Ballkanin Perëndimor, Matthew Palmer i ka mërzitur “revolucionarët” e Moskës në Shqipëri. Por edhe neoosmanët e Erdoganit në Tiranë dhe në Prishtinë.
A do të veprojë me goditje cezariane Palmer, për të garantuar perspektivën perëndimëre të botës shqiptare në Ballkanin Perëndimor? Sigurisht që po. Ai, duket se për këtë po vjen.
l.
Ishte Matthew Palmer-i ai që i bëri të flasin me vete “revolucionarët” antireformë në Shqipëri, kur deklaroi hapur se: zgjedhjet duhet të zhvillohen në 30 qershor; dhe që “targeti rus për Shqipërinë është shumë i vështirë”.
Por, ky fakt tani duket se ka kaluar në proces. Prandaj, këtë mund ta quajmë “procesi Palmer për reformën shqiptare”.
Sepse, ka edhe diçka:
Ambasada merikane në Tiranë vazhdon reklamimin për Reformën në Drejtësi dhe për ngritjen e SPAK- ut. Por në këtë periudhë kohore zhvillohen edhe zgjedhjet politike në Kosovë. Sigurisht që të dyja këto janë të lidhura. Ka koneksion historik midis Reformës në Drejtësi në Shqipëri, zgjedhjeve politike në Kosovë, dhe të ngarkuarit të posaçëm të politikës amerikanë, Matthew Palmer.
Kurse ish opozita deklaron se do të fillojë protestat e dhunshme.
Pyetja që ngrihet këtu është kjo: kundër kujt? Përgjigjja është vetëm një: kundër ngritjes së SPAK-ut. Domethënë kundër politikës amerikane. Por, a ka mundësi? Asnjë lloj mundësie nuk ka. Por, një diçka e ka: e mbani mend kur para dy muajsh shkruanin se Palmer u shkarkua nga detyra si Zëvendës/ndihmës Sekretari i Shtetit?
E pra, tani Palmerin do ta kenë prezent deri në ngritjem e plotë të strukturës së SPAK- ut.
ll.
Të shumtë janë ata që ka tembur SPAK-u sot në Tiranë. Kudo, në të gjitha fushat e jetës shoqërore në Shqipëri. Në fakt, SPAK-u është grupi i institucioneve që do të vendosin drejtësinë në Shqipëri. Drejtësia tremb çdo shkelës ligji, çdo vrasës dhe çdo hajdut- kjo është aksiomë tani.
Kjo është arsyeja që kjo vjeshtë do të ketë rëndësi historike për shqiptarët: është ngritja e SPAK-ut në Tiranë dhe janë edhe zgjedhjet politike në Prishtinë.
Por, sikundër që e theksuam më lart, jo rastësisht kanë ardhur të konverguara si dy ngjarjet më të rëndësishme të botës shqiptare në Ballkanin Perëndimor.
E para – ngritja e SPAK-ut në Tiranë është moment i rëndësishem historik, sepse vjen dhe konsolidon çështjen e drejtësisë reale në Shqipëri dhe iu jep mundësinë shqiptarëve që të hyjnë në Bashkimin Europian. Por, brenda vendit, fillon ndëshkimin e korrupsionit të lartë shtetëror dhe të krimit të organizuar.
Drejtësia ka qenë deri më sot mungesa esenciale për krijimin e dobisë në ecurinë e pasurimit të shoqërisë shqiptare. Sigurisht, koha e tregoi që ne shqiptarët nuk kemi qenë të aftë për të vendosur drejtësinë shoqërore në Shqipëri.
Drejtësia sot është koncept i pastër perëndimor, sepse ajo vjen realisht vetëm nëse egziston ligji. Të gjithë këta njerëz pa vlerë që po na drejtojnë sot, janë prodhim direkt i mungesës së ligjit.
Por, reforma shqiptare e nisi punën e vet seriozisht pikëtisht atëherë kur demokratët dolën jashtë Parlamentit. Askush nuk ua vari nga politika perëndimore. Domethënë, politikisht e ndienin se ai akt do të ishte në favor e jo në dëm të Shqipërisë.
Për një rast të tillë anglezët do të thoshin: USA crashes this Party out of Parliament with no deal – SHBA e nxori këtë parti jashtë Parlamentit pa bërë asnjë demarsh me të.
E dyta- zgjedhjet politike në Kosovë zhvillohen në një kohë kur aty Beogradi Moska dhe Ankaraja, bashkë janë hedhur kundër shqiptarizmit, duke shfrytëzuar bazat e tyre të vjetra në Kosovë. Sidomos veprim antishqiptar po zhvillon politika turke me neoosmanizmin e Erdoganit. Dhe kuptohet se gjithçka është duke u bërë në favor të Serbisë. Osmanizmi ka qenë ngaherë politika serbe ndaj Shqipërisë. Ajo ka dështuar, edhe pse në fakt, shumë dëme i ka sjellë ky akt botës shqiptare në Ballkanin Perëndimor.
Sidomos sot, neoosmanët dhe serbët e rusët, nuk e arrijnë dot një sukses të pritur, se shqiptarizmi në Kosovë rezulton të jetë solid dhe i konsoliduar historikisht. Kurse në Shqipëri ndërmarrja të tilla nuk krijojnë dot as formë dhe as varg ideor për zhvillim, sepse nuk arrijnë dot të shkojnë deri në qarqet e larta intelektuale.
Kështu që, kuptohet se ndërhyrja drastike cezariane e Matthew Palmer-it do të jetë tejet e suksesshme.
Kjo ndërhyrje do të garantojë krijimin e menjëhershëm të SPAK ut, i cili tani ka hyrë në rrugën e fundit, dhe, njëherësh, edhe plotësimin e institucioneve të reja të reformës, me ekspertë amerikanë. Gjithashtu, prezenca e tij krijon personalitet të ri të politikës amerikanë në Shqipëri, sepse tani, do të jetë ai shfrytëzuesi politik i informacionit si akt antireformë, dhe do të jetë njëherësh edhe neutralizuesi kryesor i tij.
7 komente në “A do të veprojë me goditje cezariane Palmer?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Taku Torollaku, ke Shku per Llesh…
Palmer vjen qe politika amerikane te jete prezente ne Ballkan. Ai nuk vjen vetem per shqiptaret. Ballkanasit Jane te prapambetur dhe nacionalist, urrejne njeri tjetrin dhe lufta mbetet menyra kryesore e zgjidhjes se problemeve mes tyre. Amerikanet po fokusohen ne ballkan, kjo eshte pozitive. Tani problemet e ballkanit do njihjen me mire dhe do adresohen direkt te departamenti shtetit. Reforma jone ne drejtesi eshte nje objekt I tija. Ne si popull duhet te orjentohemi drejte ligjit Jo nga kokefortesia dhe vetgjyqesia.
SUPER TAKU !! Brilant dhe FENOMENAL si gjithmoné AVOKAT NGJELA ! ! RESPEKTE pafund pèr AVOKAT NGJELÉN e madh
Je politikani më i mirë Spartak.Më modern i vetmi që të kanë dalë 100 për 100 parashikimet e fatit të Shqipërisë.Je më i zoti.Kjo bën xheloz kryeministrat.budallenj dhe presidentët debila që na drejtojnë.Ata kanë frikë nga Ty,prandaj nuk të vlerësojnë.MOS E CAJ KOKËN TY TË VLERËSON DHE TË DEKORON POPULLI SHQIPTAR .
undefined
Ore Spartak.
Vec sa ven ne dijeni ekziston dhe nji perkushtim nga nderhyrja amerikane ne spatrimin e agjenturave te hueja e kryesisht sllave me ne kryeqendren Beogradin.
A ka mundesi te ndigjojme dicka nga juve.Si analist dhe parashikues i situatave te ndryshme ne interrese te Shqiperise.
Ngjela nuk eshte profet di me shume shkence politike se te tjeret qe jane ne nivele mediokre,megjithate ne analizat e tij ka boshlleqe te dukshme qe tregojne qe ai nuk eshte profesionist ne politik, ngjarjet qe do po ndodhnin jane parashikuar qe ne 2009 mbas futjes se Shqiperise ne Nato kjo e fundit eshte garante e futjes se Shqiperise ne perendim dhe shkeputjen perfundimtare nga Moska,asnje nuk shpeton nga ndershkimi i SHBA-ve politikanet sharlatane te Tiranes po te kishin keshilltare normale specialiste ne politiken nderkombetare duhet te kishin marre malet me kohe po preferuan te marrin ne vend te tyre dashnoret dhe keshtu qe do perfundojne shume keq ne luften e tyre donkishoteske kunder fuqise me te madhe te planetit