"Në art duhet hyrë për të mos dalë kurrë", portret i paautorizuar për Pavlina Manin

Nga Zhuljeta Grabocka

Kërkesën për të thënë diçka për Pavlina Manin e ndjeva së brendshmi. Përjetimit tim si spektatore e shikuese e ekranit të vogël, në të gjitha rolet e saj në teatër e kinematografi, i bashkoj me përjetimet e vlerësimet e të gjithëve dashamirësve të artit shqiptar, që ajo u ka rrëmbyer zemrën për disa dekada.

Nuk e kam njohur personalisht nga afër. Por rruga e gjatë e aktrimit të saj, njihet prej të gjithë brezit tim. Atë, Pavlina e ka filluar herët, që në kohën kur ishte studente, dhe nuk mund ta shkëput nga marrëdhëniet e goditura të partneritetit, që ajo ka krijuar e realizuar në secilin rol me aktorët e tjerë.

Loja e saj është ndierë tek spektatori e ngrohtë, e me një drithërim femëror, që i ndihet në të gjithë indin e profilit të saj artistik.

Ajo krijon karakter, duke tipizuar fenomenin në realizimin e thelbit të gruas, përballë burrit, fëmijve e shoqërisë. Iluminimin ajo e ka të përmbajtur, e ndërgjegjshme se mishëronte dramën e gruas në afrimimin shpirtëror e psikik në të gjithë problemet sociale, në përditshmërinë e parikthyeshme.

Historia e teatrit tonë klasik dhe e kinematografisë sonë të re ka krijuar ikonat tona femërore, që rrinë si gurët e një gjerdani të artë. Ato reflektuan prej artit botëror mjeshtërinë e artikulimit artistik të fjalës e lojës skenike, natyrshmërinë para kameras me pasion e dashuri për artin e vërtetë.

Repertori i kohës kur ato u formuan nuk duhet nënvlerësuar. Në atë kohë u vunë në skenë kryevepra të artit dramatik botëror, por u krijua e u pasura fondi i dramës kombëtare.

Arti edhe misioni i tij i tejkalon konjukturat politike e ideologjike edhe pse me dhimbje. Në të përjetshmen artistike nuk mund të mbijetojnë antivlerat. As arti për art nuk mund të përjetohet pa u ndjerë shpirti universial e i lirë i njeriut.

Pavlina Mani edhe sot vlerësohet nga shikuesi për realizëm e vërtetësi në dhënien e mentalitetit të një epoke të tërë historike.

Ajo ka një profil të spikatur dhe përgjegjësi në realizimin e çdo roli. Në to ajo ndihet komode, edhe kur përjeton dramën e dilemat e dhimbshme edhe kur zëri i saj gurgullon bindshëm në situatat komike, ajo luan si gjithnjë pa e përsëritur veten, plot natyrshmëri e besueshmëri.

Aktorja ka krijuar galerinë e personazheve të saj me freski e plotëri, pa bujë e plot fisnikëri.
Në shkollën e aktrimit ajo është shembulli se në art duhet hyrë për të mos dalë kurrë.

Mesha për 3-vjetorin e Shenjtërimit të Nënë Terezës, Imzot Frendo: Të lutemi për ata që e çuan Shqipërinë në këtë gjendje

12:43 Kulturë

31 mesazhet e mëdha të Nënë Terezës që duhen rilexuar në çdo kohë

09:55 Kulturë

Arkeologët nxjerrin në dritë qytetin antik të Arnisës në Lushnje

19:30 Kulturë

Fatos Kongoli përfaqësues i letërsisë shqipe në Festivaletteratura 2019 në Itali

16:57 Kulturë

Amerika dhe tre burrat shqiptarë

16:51 Kulturë

Shqipëria e harruar, kaq pranë dhe larg!

09:56 Kulturë

Koncert për Nënë Terezën në Piana degli Albanesi

21:39 Kulturë

Një ese e hershme e John Locke zbulon rrënjët e ideve themelore demokratike

21:40 Kulturë

Librat e Harry Potter hiqen nga shkolla katolike, ja çfarë thotë pastori i njohur për ndikimin e tyre te fëmijët

12:38 Kulturë

Ndërron jetë kreu i Kishës Ortodokse Shqiptare në SHBA Kryepeshkop Nikoni

19:27 Kulturë