Te fundit
Ndërron jetë kreu i Kishës Ortodokse Shqiptare në SHBA Kryepeshkop Nikoni
2 Shtator 2019, 19:27Kulturë
TEMA
Shumë i Përndershmi Nikon, Kryepeshkop i Bostonit, New England-it dhe Kryepeshkopatës (ArkDioqezës) Shqiptare, ndërroi jetë në 1 shtator 2019, bën të ditur gazeta shqiptaro-amerikane, Illyria, në New York.
Kjo figurë e shquar e komunitetit shqiptaro-amerikan u lind në 1945, djalë i Evans J. dhe Helena P. Liolin. Vëllai i tij është një tjetër klerik i shquar shqiptaro-amerikan, At Arthur Liolin.
I rritur në një familje që dhuroi gjithshka për Kishën Shqiptare dhe fenë ortodokse, ai është përfshirë qysh fëmijë në punët e përditshme të kishës, duke ndihmuar babain e tij i cili ishte një nga drejtuesit e komunitetit ortodoks shqiptar në SHBA e duke u frymëzuar nga shembulli i jashtëzakonshëm i Imzot Nolit, një mik i familjes dhe udhëheqës shpirtëror.
Shkollën fillore dhe të mesme, Kryepeshkop Nikoni e kreu në New York City, ku, si përshkruhet në biografinë e tij në faqen e Kishës Ortodokse Shqiptare në SHBA, zhvilloi një interes të madh për artin teatral, duke luajtur në një numër rolesh kryesore në shfaqjet e shkollës, si dhe në shkencat biologjike.
I graduar në Urdhërin e Lexuesit nga vetë i madhi Metropolitan Theofani (Noli) ai vijoi studimet dhe u diplomua në Seminarin e Shën Vladimirit, në 1966. Më pas thelloi studimet në Kolegjin Iona dhe Concordia në New Rochelle, si dhe u diplomua në Shkenca Politike dhe Shoqërore në New School, New York City.
Në vitin 1967, ai u martua me të ndjerën Sarah Arthur, të dashurën e tij të fëminisë Së bashku administruan me dashuri e devotshmëri kishën, në të cilën ajo shërbeu si drejtuese e korit, kur ai zëvendësoi si prift, të ndjerin Peshkop Stephen [Lasko]. Kryepeshkop Nikoni u urdhërua prift në 6 korrik 1969. Si i tillë shërbeu për 33 vjet me radhë në Kishën e Shën Nikolasit në Southbridge, MA dhe në atë të Shën Thomait në Farmington Hills, Michigan, etj.
Në maj 2002, ai u shenjtërua si Peshkop i Baltimorës dhe Ndihmës i të Bekuarit Metropolitan Theodosius.
Ndërsa një vit më vonë, në 10 tetor 2003, u emërua si Peshkop i Bostonit në Asamblenë e Kryepeshkopatës Shqiptare. Pak ditë më pas, Sinodi i Shenjtë e zgjodhi në atë post.
Ai u ngjit në rangun e Kryepeshkopit në 9 maj 2012.
Mesha kushtuar kalimit të tij në amëshim do të mbahet në Katedalen e Shën Gjergjit, në Boston, të mërkurën në 4 shtator, kurse shërbimet funerale, të enjten në 5 shtator, në Katedralen Ortodokse të Trinisë së Shenjtë, në 165 Park Drive, Boston.(Ruben Avxhiu/Illyria)
5 komente në “Ndërron jetë kreu i Kishës Ortodokse Shqiptare në SHBA Kryepeshkop Nikoni”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ngushellime te ndjera familjareve te z.Nikonin.
Ngushellime familjes dhe komunitetit Orthodoks ne USA.
I NDRISTË SHPIRTI VËLLAUT TONË SHQIPTAR!
Nexhat K
Sa kryepeshkope ka kisha jone i nderuar gazetaruc?
Per at Liolinin , di te them se : – Noli i madh e i pa vdekshem nuk ishte i bindur se po linte , si pas ardhes te kishes ortodokse shqiptare ne SHBA , nje njeri te denje . Kete , ai e ka thene publikisht e me nje parashikim profetik . – Ne ShBA , pas vdekjes se shen Nolit dhe perdhosjes se KOASH , duke uzurpuar teresisht dhe perjetesisht drejtimin e komunitetit ortodoks ne Shqiperi nga kisha emerkeqe greke dhe koloneli i Asfalise , maskuar me petkun e klerikut , edhe ne SHBA ndryshoi teresisht tradita e krijuar dhe lene prej Nolit , duke e kthyer ne nje ritual te zakonshem cdo feste qe kremtohet , sa qe edhe dita e shenjte e pavaresise se Shqiperise , 28 Nentori te festohet thjesht me kenge e valle ne gjuhen greke ! Cfar do te duhej me teper , per te kuptuar te verteten , se si eshte katandisur Kisha Ortodokse “Shqiptare” ne SHBA dhe ne vete Shqiperi ??? !!! Le te na thote kush , se si u tret si kripa ne uje , emri dhe funksioni i at Liolinit , pas vitit 1992 , sa qe ne , nuk e dime ne se jetoj akoma , apo jo , pa folur per vellane e tij , qe eshte ndare nga jeta tash se fundmi !