Te fundit
Ish-pushtetmbajtësi i Zimbabves, Robert Mugabe vdiq
6 Shtator 2019, 15:55Bota
TEMA
Lideri për shumë vjet i Zimbabves, Robert Mugabe, vdiq në moshën 95 vjeç. Kjo u njoftua nga Presidenti Emmerson Mnangagwa në Twitter. Mugabe kurohej në një klinikë në Singapor që nga prilli.
“Me trishtim të madh njoftoj vdekjen e babait themelues të Zimbabves dhe ish-Presidentit, Komandantit Robert Mugabe”, shkroi pasardhësi i Mugabes, Emmerson Mnangagwa në Twitter. Presidenti e vlerësoi Mugaben si një “ikonë të pavarësisë” dhe si “panafrikan” që i kushtoi jetën e tij çlirimit të popullit të tij.
Mugabe e udhëhoqi në vitin 1980 Rodezinë në pavarësi nga pushteti kolonial i Britanisë së Madhe. Ai u bë kryeministër në 1980, para se të bëhej president në vitin 1987, duke sunduar në mënyrë gjithnjë e më autokratike. Kundërshtarët e fajësuan atë për një keqmenaxhim prej dekadash.
Me reformën e tokës, me të cilën, ndër të tjera, ai shpronësoi mijëra fermerë të bardhë dhe i dëboi, ai e zhyti vendin në kaos ekonomik. Sundimi i tij u karakterizua edhe nga shkelje serioze të të drejtave të njeriut kundër anëtarëve të opozitës. Në nëntor 2017, pas gjithsej 37 vjetësh në pushtet, diktatorin e rrëzoi ushtria e tij.
Më parë, në vend kishte pasur protesta kundër mjerimit ekonomik, për të cilin Mugabe fajësonte sanksionet perëndimore. Pasardhësi i tij Mnangagwa tha të të enjten në një forum ekonomik Forum Ekonomik në Cape Town se sot duhet të luftojë me një ekonomi plotësisht të rrënuar që duhet të rindërtohet.
Lini një Përgjigje
Më të lexuarat
24 oret e fundit
Javen e fundit
Blog Tema
