Qeveria e re italiane: Sfidat e qeverisë “Conte 2” dhe fati i Salvinit

Ende pa marrë votëbesimin në Parlament, qeveria e re italiane ndeshet me një sërë sfidash. Së pari, ajo duhet të afrojë Italinë me normat dhe standardet europiane të migracionit, duke u dhënë fund politikave diskriminuese të ish-ministrit të Brendshëm, Matteo Salvini. Ndaj këtij të fundit janë hapur disa çështje penale. Ndërkohë qeveria e re po kritikohet për ministren e Bujqësisë. Ajo ka vetëm shkollën e mesme.

Qeveria e re italiane ka marrë detyrën në sfondin e disa çështjeve gjyqësore të ngritura ndaj ish-ministrit të Brendshëm, Matteo Salvini.

Prokuroria ka hapur çështjen penale në ngarkim të Salvinit për rastin e drejtueses së një anijeje shpëtimi, gjermanes Carola Rackete.

Ajo injoroi urdhrin e Salvinit për ta mbajtur anijen e shpëtimit jashtë ujërave italiane. Më pas ajo u ndalua nga autoritetet, por gjykata e liroi.

Vendin e Salvinit në qeveri e ka zënë një profesioniste e pavarur. Ajo është Luciana Lamorgese, një punonjëse e vjetër e administratës dhe specialiste e imigracionit.

Prej saj pritet afrimi i Italisë me normat dhe standardet europiane të migracionit, duke u dhënë fund politikave diskriminuese të Salvinit.

Qeveria e re ka 10 ministra nga partia populiste Lëvizja 5 Yjet dhe nëntë nga Partia Demokratike e qendrës së majtë, që kryesohet nga kryeministri i pavarur, Giuseppe Conte.

Qeveria e re me një moshë mesatare 47-vjeçare, ende pa marrë votëbesimin në të dy dhomat e Parlamentit është ndeshur edhe me kritika e sulme raciste.

Një pjesë e tyre janë drejtuar ndaj ministres së Bujqësisë, Teresa Bellanova.

E njohur si një luftëtare e epur e çështjeve sindikaliste dhe me përvojë të gjatë në administratën shtetërore, Bellanova kritikohet pasi ka vetëm arsimin e mesëm.

Në mbrojtje të saj ka dalë vetë Partia Demokratike që e ka propozuar. Në fakt Bellanova ka qenë nënsekretare e Punës në qeverinë Renzi, por dhe senatore që prej vitit 2018.(oranews)

Thjeshtohen procedurat: Njihuni me rregullat e reja për të emigruar në Britaninë e Madhe

17:10 Bota

Ngërçi me dialogun, senatorët amerikanë: Kosova dhe Serbia duhet të japin e të marrin në bisedime

17:06 Bota

Zgjedhjet presidenciale në SHBA, ja biznesmeni i njohur që do rivalizojë Donald Trump

16:57 Bota

Ish-pushtetmbajtësi i Zimbabves, Robert Mugabe vdiq

15:55 Bota

Irlanda Veriut, si nisën Telashet

13:57 Bota

Surprizon sërish Kina, propozon një monedhë të re digjitale që do përdoret pa lidhje interneti

12:40 Bota

Ndërlikohet ‘‘Brexit’’. Çfarë nënkupton projektligji i miratuar në parlament?

12:30 Bota

Ish-agjenti i CIA-s: Vladimir Putin e paralajmëroi Bushin dy ditë para sulmeve të 11 shtatorit

11:09 Bota

FOTOT: Vizita e Netanyahu-t në Londër, nxjerr në rrugë njësinë e re antiterror

10:20 Bota

Dorëhiqet “arkitekti” kryesor i Donald Trump për paqen në Lindjen e Mesme

09:36 Bota