Te fundit
Njohja e pensioneve me Kanadanë, Denaj: Përfitojnë 70 mijë shqiptarë
12 Shtator 2019, 12:05Politika
TEMA
E firmosur tashmë me 11 shtete, ratifikimi i marrëveshjes për njohjen e ndërsjelltë të pensioneve me Kanadanë u jep mundësi mijëra emigrantëve shqiptarë që kanë ndarë vitet e punës mes Shqipërisë dhe shtetit kanadez të mos humbasin kontributet e derdhura për asnjë ditë pune.
Projektligji “Për Ratifikimin e Marrëveshjes për Mbrojtjen Shoqërore ndërmjet Shqipërisë dhe Kanadasë” pritet të ratifikohet sot në Kuvend, si pjesë e procesit të koordinimit të skemave të mbrojtjes shoqërore ndërmjet Shqipërisë dhe vendeve të tjera, ashtu siç është parashikuar në programin politik të Qeverisë ndërsa ministrja e Financave dhe Ekonomisë, Anila Denaj kërkoi votat e deputetëve për ratifikimin e kësaj marrëveshje.
“Ratifikimi kësaj marrëveshje krijon mundësinë e përfitimit të pensioneve për rreth 70 mijë shqiptarë që jetojnë dhe punojnë në Kanada si dhe shtetasve kanadezë që vijnë për të punuar në Shqipëri si të punësuar në kompani industri nxjerrëse, minerale, energjitikë apo të vetëpunësuar. Në bazë të marrëveshjes, asnjë qytetar nuk do të humbasë asnjë ditë kontributive pavarësisht se ku ka punuar pasi bashkimi i periudhave do të bëjë të mundur plotësimin e kushteve ligjore për përfitimin e pensionit në të dy vendet”, u shpreh ajo.
Sipas Denaj, pjesë e kësaj marrëveshje është edhe eksporti i pensionit.
“Kjo do të thotë që pensioni që do t’iu paguhet qytetarëve shqiptarë në vendin që do të zgjedhin të jetojnë. Kështu, shtetasit shqiptare do të kenë mundësi që të marrin pensionin kanadez edhe nëse zgjedhin të jetojnë në Shqipëri duke mos humbur asnjë të drejtë. Marrëveshja krijon hapësira ligjore për mbrojtjen e emigrantëve shqiptarë përveçse me Kanadanë, edhe me vendet e tjera me të cilat dy vendet kanë marrëveshje dypalëshe”, -u shpreh ministrja.
Marrëveshja për njohjen e ndërsjelltë të pensioneve me Kanadanë, është një nga marrëveshjet më bashkëkohore e arritura deri tani.
Objektiv kryesor i kësaj marrëveshje të shumëpritur është që pensionistët shqiptaro-kanadeze të përfitojnë nga vjetërsia e tyre në punë si dhe nga e drejta për transferimin e kontributeve nga njëri vend te tjetri.
Çfarë përfitojnë qytetarët shqiptarë nga ratifikimi i marrëveshjes?
Ratifikimi i kësaj marrëveshje është ndihmë për të gjithë qytetarët Shqiptarë që kanë vite që kontribuojnë në shtetin Kanadez por edhe kanë vite punë në Shqipëri.
Në këtë marrëveshje secili vend do të zbatoje legjislacionin e zbatueshëm të vendit të tij në fushën e mbrojtjes shoqërorë dhe përkatësisht në Kanada, sipas aktit të sigurimit për të moshuarit dhe rregulloret e tij si edhe planit kanadez të pensioneve dhe rregulloret e tij.
Ndërsa me Shqipërinë, sipas ligjit të Sigurimit Shoqëror të Detyrueshëm, rregulloret dhe rregullat në lidhje me përfitimet e pleqërisë, invaliditetit dhe atyre familjare. Kjo marrëveshje është një nga më bashkëkohore e arritura deri tani, duke përfshirë të gjithë elementët e nevojshëm dhe kryesorët për të cilët komunitetet janë më të interesuar në këtë fushë, si për shembull: një nga parimet bazë të kësaj marrëveshje është që secila palë siguron trajtim të barabartë për çdo person i cili është apo ka qene subjekt i legjislacionit të palës tjetër dhe çdo person të cilit mund t’i rrjedhin përfitime nga personi i parë, është subjekt i detyrimeve dhe ka të drejtën për çdo përfitim të dhënë nga legjislacioni i palës së parë, në të njëjtat kushte si shtetasi i palës së parë. Pra, kemi të bëjmë edhe me shtetasit shqiptarë që jetojnë në Kanada apo shqiptaro-kanadez që kontribuojnë prej vitesh në Kanada por sigurojnë disa përparësi edhe për disa persona të lidhur drejtpërdrejt me ta.
Nënshkrimi i kësaj marrëveshje u krye në maj të këtij viti nga ministrja kanadeze e Punëve të Jashtme Chrystia Freeland me Ambasadorin e Republikës së Shqipërisë në Ottawa Ermal Muça.
6 komente në “Njohja e pensioneve me Kanadanë, Denaj: Përfitojnë 70 mijë shqiptarë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjitha gabim i thoni mor shoke. Kjo marrveshje nuk eshte per te bashkuar vitet e punes te Shqiperise dhe Kanadase qe te rritet vjetersia ne pune. Kjo marveshje eshte thjesht per disa shqiptare qe nuk kane fare vite pune ne Kanada ose kane fare pak dhe u plotesojne keshtu pensionin minimal qe ketu ne Kanada eshte njesoj edhe per ata qe kane punuar gjithe kohen. Kanadaja do ti ushqeje me buke te gjithe dhe si atyre qe nuk kane punuar asnje dite dhe jane 10 bjet ketu dhe atyre qe jane caperlitur ne pune per 20 vjet u jep te njejtin pension. Kjo eshte fare e padrejte ketu. Na i trumbetojne si nje gje te mire marveshjen po nuk eshte per ata qe lane brinjet ne pune por per ata qe nuk kane vite pune te mjagtueshme per nje pension.
Lereni Kanadane se pensionet tona i ka nje qime b……..e shikoni te beni me Italine e Greqine or shtet reklamaxhi.
Po 430000 shqiptaret e Italise qe paguajne 430 milion euro ne muaj kontribute per pension ? Kur do kujtoheni apo keni hall se mos ju prishet qejfi pipinove..
Kush ua kerkoi???? Kanadaja tani u zbret nje sasi paresh shqiprareve me pension bazua ne pensionin qe vjen nga jashte shtetit. Kete qeveria shqiptare e quan perfitim. Idiotesi !!!!
Asgje nuk eshte ne favor te shqiptareve qe kane punuar rreth 20 vjet ketu ne Kanada( e thote mire komentuesja Nora). Problemi eshte qe shteti ketu apo atje ne Shqiperi do kete mundesine te informohet per te ardhurat tone sidomos ne pensionin e Shqiperise dhe te reduktoje elementin “Low income supplement” qe jep shteti kanades per pensionet e vogla. Pothuaj te gjithe shqiptaret ketu nuk e deklarojne ate palo pension ne Shqiperi, tani shteti jone “mam” na nxjerr me by… zbuluar. Pasojat jane qe sa me pak do marrim ne ketu ne Kanada aq me pak mund te ndohmojme familjet tona ne Shqiperi. Pordh me rigon shoqja Ministre.
Zonja Ministre hajde ketu ne Toronto te na e shpjegosh me mire kete marreveshje kap te trumbetuar qe kur ishte Erion Veliaj minister. Asgje nuk perfitojne shqiptaret emigrante perkundrazi.