Te fundit
Hiqet detyrimi për leje pune për shqiptarët nga Maqedonia e Veriut dhe Mali i Zi
20 Shtator 2019, 16:25Rajoni
TEMA
Një udhëzim i Ministrisë së Financave u jep mundësinë shqiptarëve të Malit të Zi dhe Maqedonisë së Veriut të punësohen në Shqipëri pa pasur nevojë për leje pune.
Udhëzimi, i publikuar tashmë në Fletoren Zyrtare, përjashton nga detyrimi për pajisje me leje pune dhe certifikatë regjistrimi në punë për shtetasit e Malit të Zi dhe të Maqedonisë së Veriut të përkatësisë etnike shqiptare, raporton scan.
Tashmë këta shtetas, ose punëdhënësi i tyre, të cilët bëjnë deklarimin për punësimin e tyre, në zyrën përkatëse të punësimit, do të pajisen me dokumente që vërteton deklarimin e tyre për punësim.
Çdo shqiptar i Maqedonisë së Veriut, apo Malit të Zi duhet thjesht të paraqesë dokumentacionin që vërteton të dhënat e kërkuara në formatin e vërtetimit të deklarimit për punësim.
Zyrtari përkatës verifikon të dhënat bazuar në dokumentacionin e paraqitur dhe mban një kopje të tyre.
Pajisja e tyre me vërtetimin e deklarimit për punësim, do të bëhet nga zyra përkatëse e punësimit ku personi ushtron aktivitetin e tij, në një afat kohor prej 5 ditë pune që nga dita e dorëzimit, thekson udhëzimi.
1 komente në “Hiqet detyrimi për leje pune për shqiptarët nga Maqedonia e Veriut dhe Mali i Zi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
shume mire bravo qeveria,sikur te hiqnit kete lejen edhe per gjermanet zvicerianet etj ..se edhe ata duan te punojne ne shqiperi ketu ka plot vende pune, rroft saje qorri per ditet qe na solli