Dëmet nga tërmeti, Rama prezanton Paketën e vendimeve: Lehtësi e solidaritet me të prekurit, do t'i falen borxhet e dritave dhe ujit

Kryeministri Edi Rama ka prezantuar sot paketën e vendimeve të marra në mbledhjen e qeverisë për situatën e krijuar në vend pas lëkundjeve të forta sizmike.  

“Kemi miratuar një sërë aktesh të përgatitura gjatë javës, në përgjigje të nevojës për të adresuar situatën e krijuar nga tërmeti i 21 shtatorit dhe për të vendosur bazën e një punë intensive të mëtejshme, për të cilën po komunikojmë edhe me partnerët e miqtë ndërkombëtarë. para se të informoj publikun, nënvizoj solidaritetin e madh që kemi hasur që në momentin e parë, kam patur komunikime të drejtpërdrejta, me Presidentin turk, kryeministrin e Italisë, kancelaren Merkel, si edhe ambasadorin e BE dhe zv/ambasadoren e SHBA që kanë qenë në kontakt të vazhdueshëm. 

Duke parë solidarizim të madh e të posaçme edhe nga sipërmarrja e investitorë të huaj, kemi ndërtuar një punë me disa korsi dhe sot në këtë komunikim do përqëndrohem te puna e drejtpërdrejtë e këshillit të ministrave, referuar buxhetit e pushtetit ekzekutiv e vendimarrës. 

Akti normativ i buxhetit garanton edhe përdorimin e kësaj situata emergjente, parashikon nga taksa e ndikimit në infrastrukturë të të gjithë investimet mbi banesat e dëmtuara nga tërmeti. 

Përjashtimisht për këtë periudhë të lejohen autoritetet kontraktore, vetëm për familjet e prekura nga tërmeti për të plotësuar nevojat me procedura prokurimi me vlerë të vogël deri në 1 mln lekë të rinj. ka shumë nevoja që kushtojnë pak, por kanë impakt të rëndësishëm për familjet. 

Kemi vendosur të sigurojmë ekzaminim të plotë për ashensorët. Objektivi është që të sigurohemi që ashensorët të plotësojnë kriteret dhe nuk janë impaktuar pas tërmetit. kemi marrë një vendim me impakt afatgjatë që parashikon masa detyruese për ndërtuesit, për një kontratë sigurimi me afat 10 vjet, me blerësit e apartamenteve, mbulon dëmet ndaj të tretëve.

 Pr/ligji për disa shtesa e ndryshime në ligjin për kontrollin e ndërtimit përcakton se do të kryhet oponencë teknike për cdo godinë publike apo private me akses publik, si edhe do të përcaktojë procedurën e auditit teknik për godina mbi 50 vite të ndërtuara. 

OSHEE dhe Ujësjellësi do të marrin vendime për të zeruar detyrimin e familjeve të dëmtuara që janë në kushte pabanueshmërie, që do të thotë se për të gjithë ato familje do të zerohen të gjitha borxhet dhe do të subvencionohet 100 përqind tarifa që paguhet edhe kur t’i nuk je në banesë. Ndërkohë që për familjet e tjera nisur nga shkalla e dëmtimit do të ketë masa të përshkallëzuara. 

Ky është një lehtësim dhe shprehje solidariteti me ato familje që u prekën seriozisht nga tërmeti dhe duhet të bëjnë durim deri kur mund të futen në shtëpinë e rindërtuar. Kemi kryer të gjithë inventarin. familjet në kushte të pabanueshme janë në kujdesin e autoriteteve.”– tha Rama.  (TemA) 

Apeli i Ramës për reformën zgjedhore, Ralf Gjoni: Ta harrojnë votën tonë pa ndryshuar sistemin!

12:55 Politika

Rama: Bashkëqeverisja, për ata që kanë ngecur në labirintet e administratës

12:48 Politika

Vasili i LSI nuk e humb shpresën: Negociatat me BE nuk hapen, Rama gënjeshtar “madhështor”

12:43 Politika

Sokol Balla: Berisha po mendon për pasuesin e Bashës në krye të PD-së. Fatet e kryeministrit dhe e ardhmja e Metes

12:07 Politika

Monika Kryemadhi: Edi Rama është humorist i madh, i kemi vendosur pesë kushte që të ulemi me të

12:16 Politika

Lulzim Basha, ultimatum Ramës: Zbato planin që ta kemi nisur, ose hap krahun

11:00 Politika

Nga bombardimi i Ambasadës amerikane e jugu i Shqipërisë, te plani për vrasjen e Gjinushit, Imamit e Shaban Memisë: 23 provat e Izet Haxhisë, për Sali Berishën

10:15 Politika

Kushtetuesja nuk gjykon zgjedhjet, por shkeljet e presidentit. Zoti e ndihmoftë!

09:43 Politika

Flutura Açka: Ambasada në Holandë nuk më promovon librat, se shaj Ramën. Më kanë bërë të urrej Shqipërinë

09:23 Politika

Shtimi i konkurrencës, ulen çmimet e biletave të avionëve drejt Italisë

09:12 Politika