Te fundit
LETRA/ Drejtuesit e lartë të BE, në një zë: Të hapen negociatat me Shqipërinë dhe Maqedoninë e Veriut
3 Tetor 2019, 18:12Politika
TEMA
Presidenti i Këshillit të Europës Donald Tusk, Presidenti i Komisionit Europian, Jean Claude Juncker, Presidenti i parlamentit Europian David Sassoli dhe Presidentja e zgjedhur e Komisionit Europian, Ursula von der Leyen, i janë drejtuar me një letër të përbashkët vendeve anëtare të BE, ku kërkojnë hapjen e negociatave për Maqedoninë r Veriut dhe Shqipërinë.
Dje agjencia e lajmeve “Bloomberg” raportoi të hënën se Bashkimi Europian pritet që më 18 tetor të vendosë “pro” hapjes së negociatave me Shqipërinë.
“Bloomberg”, raporton se ka parë draftin e komunikatës zyrtare, që do të dalë nga mbledhja e ministrave, parashikuar për në 15 tetor në Luksemburg, ndërsa shton se drafti i hartuar të premten edhe mund të ndryshojë, pasi bën me dije se në një draft të mëparshëm, nuk përfshihej rekomandimi për nisjen e bisedimeve.
Letra e plotë
Te dashur kolege,
Qershorin e kaluar u pajtuam të arrinim një vendim të qartë dhe thelbësor për hapjen e negociatave të pranimit me Maqedoninë e Veriut dhe Shqipërinë jo më vonë se tetori 2019.
Bashkimi Evropian qëndron para një zgjedhjeje strategjike. Nëse BE vendos tani për të filluar bisedimet e pranimit me Maqedoninë e Veriut dhe Shqipërinë është një provë e aftësisë së Unionit për të përmbushur premtimet e tij dhe për të parë të ardhmen.
Bota jonë po pëson ndryshime të shpejta. Nëse BE do të ruajë rolin e saj ndërkombëtar dhe të mbrojë interesat e saj, ndërmarrja e një hapi drejt integrimit të atyre vendeve evropiane që kanë shprehur interes dhe kanë përmbushur kërkesat për fillimin e procesit të pranimit do të ndihmojë në arritjen e kësaj.
Maqedonia e Veriut dhe Shqipëria bënë atë që u kërkuam të bënin. Arritja e kësaj kërkonte një përpjekje të konsiderueshme nga qytetarët e tyre, për të cilët perspektiva evropiane ka qenë një burim i shkëlqyeshëm i motivimit dhe vendosmërisë.
Nuk ka asnjë garanci për sukses. Do të ketë shumë punë të vështirë për reformat gjatë rrugës. Anëtarësia nuk do të ndodhë brenda natës. Dhe të dy vendet janë të vetëdijshëm për këtë. Paralelisht, bashkëpunimi i BE-së do të duhet të thellohet për të ecur së bashku me zgjerimin, në interesin e ndërsjellë të qytetarëve të vendeve evropiane dhe ato kandidate.
Ne besojmë se tani është koha për të hapur bisedimet e pranimit me të dy vendet.
2 komente në “LETRA/ Drejtuesit e lartë të BE, në një zë: Të hapen negociatat me Shqipërinë dhe Maqedoninë e Veriut”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje thirrje per te brendshmit tane:
Kryeni urgjentisht kerkesat e Bundestag it,mos prisni Lulin te mbaroje kerkesat me kushte,te cilat nuk imbarojne kurre,sepse Saliu ate detyre ka.Komisioni i Venecias ka bere nje sqarim brilant:
Kush nuk pengon dike te marre pjese ne zgjidhje bashkepunuese,ne zgjedhje,hartim reformash,hartim ligjesh,zgjedhje drejtues institucionesh Kushtetuessesh,eshte ne te drejten e percaktuar nga Kushtetuta.
Vetem keshtu Europa,BE,do kuptohet se jemi ne rrugen te mbare.Por dhe Lulashe e Like florinjte do kuptojne se jane 100 perqind gabim.Po nuk nderuan rrugen do shkaterojme perfundimisht….
Do zoti vendosin qe te hapen negociatat me BE-n per shqiperine,me qellim qe te vij dhe nje dite e bardhe edhe per vendin tone.