Te fundit
''Venecia'', ja dy nenet e Kushtetutës që ka shkelur presidenti
11 Tetor 2019, 19:49Blog
TEMA
Presidenti i Republikës, Ilir Meta, përpiqet edhe një herë t’i vijë rrotull verdiktit të Komisionit të Venecias. Mbrëmë në darkë, duke folur në një intervistë televizive dhënë gazetares Eni Vasili, ai tha se vendimi, që pritej të merrej sot, për atë “ka zero rëndësi”. Ndërsa sot zëdhënësi i tij, Tedi Blushi, vendosi t’i japë rëndësi, por duke u përpjekur që t’ia përmbysë konkluzionet. Në fakt, sipas Presidencës, verdikti i Komisionit është që Ilir Meta “ka bërë zero shkelje”. Deri tani kishte qarkulluar vetëm një draft i vendimit të Komisionit, ndërsa raporti përfundimtar do të publikohet javën e ardhshme. Megjithatë, Presidenti u nxitua sot që të përdorte tekstin e një komunikate për shtyp, të shpërndarë nga zyra e shtypit e Komisionit, gjoja sikur ai është raporti përfundimtar dhe duke pretenduar me ato 15 rreshta, të publikuara si sintezë, të përgënjeshtrojë 19 faqet, që përbëjnë draftin e qarkulluar më parë.
Në të vërtetë, komunikata, pikërisht si edhe drafti, përmbajnë të njejtin konkluzion: Presidenti nuk ka fuqinë kushtetuese për të shtyrë zgjedhjet, kështu që dekreti, me të cilin ai shtyu zgjedhjet e 30 qershorit, u nxorr duke tejkaluar kompetencat kushtetuese. Por, Komisioni ka shtuar se, sipas mendimit të tij, kjo shkelje e Kushtetutës nuk është aq e rëndë sa të justifikojë shkarkimin.
Por Ilir Meta këmbëngul të thotë se, sipas Komisionit të Venecias, “tejkalimi i kompetencës” nuk është shkelje e Kushtetutës. Në të vërtetë, Meta gabon. Pikërisht duke interpretuar konkluzionin e Komisionit të Venecias, në fakt, është e qartë se, duke dekretuar shtyrjen e zgjedhjeve, pa e patur këtë kompetencë, Presidenti ka shkelur Nenet 93 dhe 94 të Kushtetutës.
Neni 94 i Kushtetutës, në fakt, thotë se: “Presidenti i Republikës nuk mund të ushtrojë kompetenca të tjera përveç atyre që i njihen shprehimisht me Kushtetutë dhe që i jepen me ligje të nxjerra në pajtim me të”. Ndërsa Neni 93 saktëson se “Presidenti i Republikës, në zbatim të kompetencave të tij, nxjerr dekrete”.
Pra, Meta, duke shtyrë zgjedhjet e 30 qershorit, ka ushtruar kompetenca te tjera nga ato që i njihen shprehimisht me Kushtetutë, në shkelje të Nenit 94. Dhe, në çastin kur ka firmosur dekretin, ai ka nxjerrë një dekret, që nuk zbatonte kompetencën e tij, në shkelje të Nenit 93 të Kushtetutës. E qartë dhe e thjeshtë.
Kjo ndoshta nuk do të thotë që shkelja e këtyre neneve të Kushtetutës është një gjest aq i rëndë, sa të justifikojë shkarkimin (impeachment) e tij, siç pretendon Partia Socialiste, por sigurisht do të thotë se, sipas Komisionit të Venecias, zgjedhjet e 30 qershorit mbeten të vetmet që janë dekretuar në mënyrë të ligjshme.
Komisioni ka vendosur ta bëjë publik vendimin e tij zyrtar të hënën, më 14 tetor, një ditë pas zgjedhjeve fantazmë, të vetë-thirrura nga Ilir Meta dhe të pazhvilluara ndonjëherë. Por kjo ndoshta është vetëm një koincidencë.
7 komente në “”Venecia”, ja dy nenet e Kushtetutës që ka shkelur presidenti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PO OR VLLA !
E KE QA !!
As idiotet e PS-se nuk e kane kapur kete interpretim kaq te sakte te ketij gazetari italian!
Ne i kemi idiote tre gjithe kur vjen puna per te mbrojtur demokracine dhe interesat e popullit,por behemi profesore per te justifikuar krimin dhe korrupsionin!
Frazen e fundit e ke gabim Carlo se IM neser ne nje konference shtypi te (jashte) zakoneshme do ti anuloje e perseri do ti shtyje edhe keto zgjedhje te dt.13 tetor me argumentin se 13 eshte numer ters per Ruset!Ndaj neser prisni haberet nga Qazim Mulleti i vitit 2019!
RROFSH PLAKO ?
Carlo i vetmi qe komenton me mend ne koke. Eshte çmenduri se si dallon llogjika juaj ne krahasim me talebanizmin e pseudogazetareve ne Shqiperi qe su mesuan akoma te vendosin trurin ne vend te militantizmit. Po Enveri dilka vetm me shpirtin per disa ketu
Qazim Mulletit ti marri te Keqijat se eshte shume larg tij.Lere komedine e B.Levonjes.Qazim Mulleti ka qene patriot nacionalist qe ishte i shkolluem ,dinte disa gjuhe te huaja ,Antizogist.ka marrepjese ne atentatin kundra Zogut. dhe nuk ka qene hajdut si Like Katnari.
Qazim Mulletit ti marri te Keqijat se eshte shume larg tij.Lere komedine e B.Levonjes.Qazim Mulleti ka qene patriot nacionalist qe ishte i shkolluem ,dinte disa gjuhe te huaja ,Antizogist.ka marrepjese ne atentatin kundra Zogut. dhe nuk ka qene hajdut si Like Katnari.
Po çfare ke mo Z.Moderator? Historia mbetet Histori ,nuk mund te shtremberohet .