Te fundit
EMRAT: Gara për kryeprokurorin, ja 3 kandidatët dhe kur nisin intervistat
29 Tetor 2019, 13:19Kronika
TEMA
Këshilli i Lartë i Prokurorisë në mbledhjen e ditës së sotme ka miratuar 3 emrat final, që janë kandidatë për Prokuror të Përgjithshëm.
Arta Marku, Fatjona Memçaj, Olsian Çela janë emrat që do të intervistohen në datën 13 nëntor për postin më të lartë të organit të akuzës.
Njoftimi i KLP:
Në bazë të nenit 148/a të Kushtetutës, të nenit 22 të ligjit nr.97/2016 “Për organizimin dhe funksionimin e Prokurorisë në Republikën e Shqipërisë”, si dhe nenit 17/pika 4 të rregullores “Për kriteret dhe procedurën e përzgjedhjes së kandidatëve për Prokuror të Përgjithshëm”, Këshilli i Lartë i Prokurorisë vendosi miratimin e listës me emrat e kandidatëve për Prokuror të Përgjithshëm të cilët plotësojnë kushtet ligjore sipas rendin alfabetik si më poshtë:
Arta Marku
Fatjona Memçaj
Olsian Çela
Kandidatët të listuar në këtë vendim do të vazhdojnë garën e mëtejshmë për pozicionin e Prokurorit të Përgjithshëm. Ky vendim është miratuar me shumicë votash.
Gjithashtu, Këshilli i Lartë i Prokurorisë, në vijim të procesit të vlerësimit të kandidatëve për Prokuror të Përgjithshëm, njofton se në datën 13 nëntor 2019 duke filluar nga ora 9,30 do të zhvillohen intervistat me të tre kandidatët në garë sipas rendit alfabetik.
Në zbatim të nenit 19, pika 1 te rregullores “Për kriteret dhe procedurën e përzgjedhjes së kandidatëve për Prokuror të Përgjithshëm”, intervistat me kandidatët do të regjistrohen me audio dhe video. Kandidatët do të njoftohen nominalisht dhe në adresën e postës elektronike që ata kanë deklaruar në momentin e aplikimit.
1 komente në “EMRAT: Gara për kryeprokurorin, ja 3 kandidatët dhe kur nisin intervistat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kukulla me Pantalona e ka kalu “vetingun”?