Te fundit
Libri me kujtime: Ish-ambasadorja tregon se bashkëpunëtorët e Donald Trump në Shtëpinë e Bardhë, i bënë "puç" për ta rrëzuar
11 Nëntor 2019, 10:08Bota
TEMA
Del në shtyp libri me kujtime “With All Due Respect”
Në kohën kur ishin në detyrë, sekretari i Shtetit Rex Tillerson dhe shefi i Stafit të Shtëpisë së Bardhë, gjenerali John Kelly i kanë kërkuar ish-ambasadores amerikane në OKB, Nikki Haley, që t’u bashkohej në punën e tyre kundër Presidentit Donald Trump.
Të paktën kështu shkruan në librin e saj me kujtime “With All Due Respect” (Pavarësisht nga respekti që kam) që pritet të dalë së shpejti, sipas gazetës “Washington Post”.
Ish-ambasadorja e parë në këtë post me origjinë indiane e me bashkëshort shqiptaro-amerikan, ka akuzuar vartësit e lartë të presidentit se arsyetonin që ai ishte i rrezikshëm, se nuk i kuptonte situatat dhe se ishte detyra e tyre para kombit që ta pengonin e të kufizonin bosin e tyre.
Ajo shkruan, sipas gazetës së njohur të kryeqytetit amerikan, se i refuzoi kërkesat e tyre për bashkëpunim në këtë rezistencë të brendshme.
Sipas saj, Tillerson dhe Gjen. Kelly këmbëngulnin se nëse nuk do të vepronin, shumë njerëz do të humbnin jetën. “presidenti nuk e dinte se ç’po bënte”.
Një nga debatet me sekretarin Tillerson ishte edhe rreth vendimit të saj për të ndërprerë ndihmën amerikane për agjensinë e OKB-së që mbështeste refugjatët palestinezë.
Shkrimi ka sjellë kritika e sulme në rrjetet sociale për ish-ambasadoren, për arsye se po godet ish-kolegët e saj.
Nga ana tjetër, këto sulme mund të përforcojnë figurën e saj në sytë e mbështetësve të presidentit Trump.
Disa komentues politikë e shohin ambasadoren Haley si një nga politikanët që mund të pasojë presidentin Trump në zgjedhjet e ardhshme presidenciale të vitit 2024.
Disa madje mendojnë se Trump mund ta heqë zv-presidentin Mike Pence dhe të marrë ambasadoren Nikki Haley si zv-presidente për zgjedhjet e vitit që vjen, në nëtor 2020. (Ruben Avxhiu)
1 komente në “Libri me kujtime: Ish-ambasadorja tregon se bashkëpunëtorët e Donald Trump në Shtëpinë e Bardhë, i bënë “puç” për ta rrëzuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me gjithe repektin e duhur qe kam . eshte kuptimi nga anglishtja.