Te fundit
Zallahamisë së “çudirave” për tërmetin nuk i shpëtojnë as muxhahedinët e Manzës: Ja lajmi që qarkulloi në rrjete
4 Dhjetor 2019, 10:29Sociale
TEMA
Nga Ylli Pata
Në zulmin e lajmeve çoroditëse mbi tërmetin katastrofal që goditi Shqipërinë, po qarkullojnë edhe fantazira të çmendura, apo teori konspirative të nivelit paranojak.
E hedhur nga një agjenci iraniane lajmesh pro qeverisë, nga militantë fanatikë, është qarkulluar më pas në rrjete sociale njoftimi se tërmeti ka goditur në shenjë kampin e muxhahedinëve të opozitës iraniane në Manëz dhe sipas tyre, ka mbërritur urgjent ekipi izraelit për t’i shpëtuar ata.
Lajmi i publikuar nga Iran-Interlink, një portal në gjuhën angleze, thekson se opozitarët iranianë kanë pësuar një horror të vërtetë në barakat e ndërtuara dobët.
Sipas këtij lajmi, muxhahedinët janë dërguar në Tiranë me ambulance në fshehtësi të plotë, duke mos lejuar asnjë kamerë.
Portali iranian citon një infermier anonim, i cili i ka deklaruar se pacienti muxhahedin ka bërë të ditur se ishin dëmtuar rëndë nga tërmeti i 26 nëntorit.
Ky lajm është përhapur më pas në rrjete sociale militantësh që akuzonin CIA-n dhe Izraelin, e gjëra të tilla paranojake.
Ndërkaq, pas publikimit pyetëm një nga zëdhënësit e muxhahedinëve në Manzë, i cili u përgjigj duhe qeshur.
“Të gjithë jemi mirë këtu. Është një fake news dhe në fakt përbën dëshirën e regjimit iranian që të kishte ndodhur ajo që shkruan, pasi regjimi është i trazuar nga protestat në Iran, që janë 1 milion herë më e fortë se një bombë atomike”.
Në fakt, Këshilli i Rezistencës së Iranit, ka prej disa ditësh që dërgon lajme të përkthyera në shqip shoqëruar me foto dhe video mbi protestat që po zhvillohen këto ditë në Iran.
Lini një Përgjigje
Më të lexuarat
24 oret e fundit
Javen e fundit
Blog Tema
