Te fundit
Paskal Milo: Rama-Basha s’duan ndryshim sistemi, kanë marrëveshje të heshtur
19 Dhjetor 2019, 18:53Politika
TEMA
Kreun e PDS, Paskal Milo, nuk e shqetëson aspak mundësia e heqjes së koalicioneve nga ndryshimi i kodit zgjedhor. Në një intervistë për A2, ai thotë se më shumë kanë qenë të humbur e të shfrytëzuar nga bashkëpunimi me PS, se sa të fituar.
Orvatjet e opozitarëve në Parlament për të ndryshuar sistemin, Milo nuk e sheh si diçka të re, ndërkohë që Rama e Basha vijojnë historinë e vjetër sipas tij.
“Duan të ruajnë privilegjet që kanë krijuar nga ndryshimet e vitit 2008. Sepse me të ata janë të sigurt që mund të alternohen në pushtet dhe nuk duan të demokratizojnë sistemin. Nuk është hera e parë që bëjnë një marrëveshje në distancë, kur u është dashur e kanë bërë”, thotë Milo.
Listat e hapura dhe sistemi proporcional kombëtar janë zgjidhja e duhur për kreun e PDS. Për të treguar mbështetjen e panegociueshme për ndryshim sistemi, Milo merr rastin e Kosovës, aty ku “rezultati del shpejt, nuk ka akuza për manipulim të votave”.
Ndarjen e reformës në dy pjesë, ku rekomandimet e OSBE do të kalojnë të parat, dhe sistemi në një fazë të dytë, për Milon është formë e rafinuar e Ramës për të mos miratuar ndryshimin e sistemit.
2 komente në “Paskal Milo: Rama-Basha s’duan ndryshim sistemi, kanë marrëveshje të heshtur”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Asnje mballome tjeter nuk ka vlere,pervec se vendosjes se listave te hapura te partive pa asnje kufizim ne numer,sipas propozimeve nga zgjedhesit dhe sistemit proporcional kombetar,e jo me qarqe,qe u interesonte vetem sundimit te dy partive kryesore!
Si mund te jete marrveshje e heshtur kur pellet ne kupe te qiellit si lopa MUUUUU …. ?!