Basha i tronditur pas kthimit nga Thumana: Jemi në një krizë humanitare sepse shteti nuk po vepron

Në një videomesazh pas vizitës nga Thumana, kryeopozitari Lulzim Basha akuzon strukturat shtetërore se nuk po veprojnë për t’i ardhur në ndihmë qytetarëve. Ai akuzon Qeverinë e Edi Ramës se po pasurohet mbi rrënojat e tërmetit.

“Vendit i duhet një qeveri e përgjegjshme, që nuk pasurohet mbi rrënojat e tërmetit. Nga zgjidhja e krizës politike, varet ekonomia”, shprehet ndër të tjera kreu i Partisë Demokratike, i cili shton se vendi është në një krizë të thellë humanitare, ekonomike, sociale, politike dhe kushtetuese.

Reagimi i plotë

Të dashur miq, jam rrugës për kthim në Tiranë nga Thumana, ku për dy orë vizitova shumë familje të cilat janë në gjendje të mjerueshme. Pas një zallamahie propagande ata janë krejtësisht të harruar, të braktisur.

Ndërkohë që ftohja e motit dhe shirat i kanë nxjerrë jashtë përdorimit çadrat prej plastmasi apo çadrat verore me të cilat janë pajisur një pjesë prej tyre.

Dëshpërimi mbretëron kudo, varfëria është thelluar dhe tashmë ka nisur një pasojë tjetër e tmerrshme e kësaj krize humanitare. Ka shumë fëmijë të sëmurë, ka shumë të moshuar në nevojë për kujdes mjekësor për të cilët kanë nevojë por të cilët e kanë plotësishtë të pamundur të marrin çdo shërbim aty ku janë apo të zhvendosen drejt spitaleve të Krujës, Tiranës apo të Laçit.

Kjo është gjendja e harresës totale, e braktisjes totale të shtetit prej kartoni, e shtetit të babëzisë dhe korrupsionit që është rrëzuar kohë para se tërmeti të rrëzonte shtëpitë e banorëve të Thumanës, Durrësit, Kurbinit dhe zonave të tjera të goditura rëndë.

Jemi në një krizë humanitare, me përmasa të plota, e cila vetëm sa do të thellohet.

Sepse shteti nuk po vepron. Qeveria dhe kryeministri e kanë mendjen tek parada mediatike, propaganda dhe po bëjnë gati të ngrenë mbi rrënojat e tërmetit një tjetër megaaferë korruptive, vjedhje, zhvatje dhe grabitje.

Vendi është në një krizë të thellë humanitare, ekonomike, sociale, politike dhe kushtetuese.

Ruga për ta zgjidhur këtë krizë duhet të nisë me përpjekjet e të gjithë shqiptarëve pa dallime partiake, për të patur një qeveri të përgjegjshme. Një qeveri e cila ndihmon në kapërcimin e pasojave të tërmetit dhe bën gati të gjitha masat dhe të gjitha instrumentet për t’u ardhur në ndihmë njerëzve të goditur kaq rëndë dhe për të ndalur rrokullisjen e ekonomisë kombëtare, në një greminë edhe më të thellë.

Nga zgjidhja e krizës politike, kalon edhe zgjidhja e krizës ekonomike, kalon edhe shpëtimi i dhjetëra mijëra familjeve të cilat ndodhen si asnjëherë në mëshirën e fatit.

Kjo është sot emergjenca e vërtetë kombëtare e vendit.

Ju përshëndes edhe një herë në kthim nga Thumana.

Shpërblime fundvititi për pensionistët, Rama: Tërmeti na kanë bërë të kujdeshëm por jo të frenuar, kjo kategori s’mund të harrohet

11:24 Politika

“Histori dekrete ç’dekrete”, Rama: Me Metën s'kam asnjë komunikim. PS ka për detyrë të garantojë vazhdimësinë normale të qeverisjes

10:51 Politika

Mbledhja e kryesisë së PS, Rama: Proces riorganizimi për zgjedhjet 2021, nuk mund të presim që dikush të zgjohet nga gjumi

10:43 Politika

Ta lëmë pak anash Edi Ramën… dhe të shohim llumin politik të Prishtinës!

09:10 Politika

“Babalja”, Genc Pollo: Prova e vetme që inkriminon Ervin Salianjin

22:30 Politika

Fatos Lubonja: Mini-shengeni, mungesa e Kosovës dhe arroganca e Ramës

21:43 Politika

Edi Paloka sulmon Sandër Lleshajn: Rama pallohet me kokainë, policia arreston Aleksandër Gjokën

20:35 Politika

Sekretari i PD sulmon opozitën e re dhe "josh" qeverinë: PD ka propozime edhe pa ndryshuar sistemin aktual, të gatshëm të ulemi me kundërshtarët

19:45 Politika

Mira Kazhani tregon skandalet e Festivalit të RTSH-së: Alketa dhe Elvana kishin një dhomë ekskluzivisht më vete, Vejsiu u tradhtua nga Vera?

19:16 Politika

Rrugë, aeroporte, tunele. Ja veprat publike që parashikon qeveria për 2020

18:53 Politika