Te fundit
Rama në familjen Zela që u bë me shtëpi të re, biseda me fëmijët e batuta me Veliajn: Shqiptarët si shën Thomai, po ta prek, ta besoj
25 Dhjetor 2019, 18:32Sociale
TEMA
Familja Zela në Vaqarr u bë me shtëpi të re për Krishtlindje. Kryeministri Rama së bashku me kryetarin e bashkisë Erion Veliaj dhe aktorin e humorit Gaz Paja, ishin në familjen Zela që u fut në banesën e rindërtuar.
“Shtëpia e re e familjes Zela, që u godit keqaz nga tërmeti i shtatorit, çel dyert në ditën e bekuar të Krishtlindjeve bashkë me urimin për shëndet, mbarësi e jetë të lumtur familjare” shprehet Rama.
E ndërsa u dha dhuratat fëmijëve të familjes bashkë me Veliajn, kryeministri kishte vetëm një kërkesë.
“Si e kishe atë shtëpinë tjetër copë copë, shiko këtë tani, nuk ke justifikim, dhe nuk po të kërkojmë të bësh ndonjë punë, por të na sjellësh ca 10-ta në shtëpi.
Kur i sjell ti 10-tat, a di si janë për mamin? Si ato çokollatat atje, kur i sjell 8-ta janë si qepë” tha kryeministri.
Gjatë bisedës me kryebashkiakun për shkollat dhe godinat e tjera të dëmtuara nga tërmeti, Rama nuk kurseu batutat.
“Shqiptarët e kanë po nuk të prekën nuk besojnë, nuk janë të Krishtit, janë të Shën Thomait, po ta prek, ta besoj” tha ai.
Lini një Përgjigje
Më të lexuarat
24 oret e fundit
Javen e fundit
Blog Tema
