Arben Kraja kërkon përforcime në SPAK: Të komandohen Prençi dhe Mara

Pas konstituimit të Prokurorisë së Posaçme, SPAK, vjen edhe kërkesa e parë e kryeprokurorit Arben Kraja.

Sipas gazetës “Si”  Arben Kraja ka dorëzuar pranë Këshillit të Lartë të Prokurorisë një shkresë përmes së cilës kërkon përforcime për Prokurorinë Anti-korrupsion.

Kryeprokurori Kraja iu kerkon anëtarëve të KLP-së që të komandojnë si prokurorë të posaçëm të SPAK, Dritan Prençin dhe Vladimir Marën, të cilët janë konfirmuar në detyrë gjatë procesit të Vetting-ut.

Por, dy prokurorët Mara dhe Prençi nuk u listuan gjatë garës për në SPAK si prokurorë të posaçëm, pasi nuk morën pikët e duhura. Nga ana tjetër, Prokuroria e Posaçme, SPAK, ka tetë prokurorë, përfshi edhe kryeprokurorin Kraja.

Me sa thuhet jozyrtarisht, shkak për këtë kërkesë drejt KLP-së duhet të jetë bërë edhe volumi i dosjeve që dy ish-prokurorët e Krimeve të Rënda kanë nën proces hetimor dhe në rast se ato kalojnë te prokurorë të tjerë të SPAK, do të duhej kohë e konsiderueshme derisa prokurorët e rinj të njihen me aktet dhe fashikujt.

Kjo kërkesë nuk është futur ende në rendin e ditës të Këshillit të Lartë të Prokurorisë që në orën 12.00 ka njoftuar mbledhjen e radhës. Në agjendën e mbledhjes, me sa duket, e fundit për 2019 janë përfshirë 13 pika. Mes tyre miratim të projekt-akteve për caktimin e përkohshëm të drejtuesit të Prokurorisë Kukës, Elbasan, Fier, Lushnjë, si edhe caktime të tjera prokurorësh në Durrës dhe Pukë.

Sikurse mësohet jozyrtarisht, kjo kërkesë e kryeprokurorit Kraja do të merret në shqyrtim në fillim të vitit 2020, ndërkohë që nëse KLP miraton “lutjen” e kryeprokurorit të posaçëm, atëherë numri i prokurorëve anti-korrupsion shkon në dhjetë.

Megjithatë, pavarësisht kësaj përpjekjeje për të deleguar prokurorë të posaçëm për çështje konkrete, sërish SPAK mbetet ende i paplotësuar, pasi vetë KLP ka vendosur si kufi përbërjen e prokurorisë anti-korrupsion me një trupë prokurorësh prej 15 vetash. Nga ana tjetër, sfida e parë e SPAK nuk do të jetë aspak hetimi sesa krijimi i Byrosë Kombëtare të Hetimit, për të cilin duhen sërish muaj.

Ana e errët: Një histori e paralajmëruar, çfarë ndodhi me gjyqtarët dhe alibia e Shullazit

10:54 Kronika

Pranga vlonjatit: Kishte hapur profil fals në Facebook për të degjeneruar ish të fejuarën

10:30 Kronika

Dosja e Behar Bajrit, “I forti” i Shkodrës vrau të dashurën dhe më pas shkroi një letër lamtumire

21:55 Kronika

Gjendet trup i vdekur në grykëderdhjen e Ishmit, mister vdekja

18:37 Kronika

E moshuara zhduket nga shtëpia, gjendet me dron në pyjet e Gjirokastrës

17:15 Kronika

SKEMA/ 600 policë mbi 55 vjeç dalin në lirim: Shifrat, personat që dalin në pension dhe kostoja

16:33 Kronika

RENEA shoqëron dosjet drejt SPAK, ja vështirësitë dhe rreziku

16:22 Kronika

“Kam dy vjet pa pirë”, ja si e bindi Aleksandër Gjoka trupin gjykues që ta linte të lirë

14:16 Kronika

Masakron me leva një person, punonjësi i Gardës shpallet në kërkim

11:22 Kronika

Policia “injoron” qytetarin, nuk i pranon denoncimin: Mund të vrasësh, s’ta mbajmë ne dorën…

21:25 Kronika