Te fundit
Administrativja “rrëzon” KLGJ-në, urdhri për gjyqtarin që e skualifikoi pasuria
30 Dhjetor 2019, 16:59Kronika
TEMA
Gjykata e Apelit Administrativ rrëzon Këshillin e Lartë Gjyqësor dhe e urdhëron atë të emërojë në detyrë një magjistrat, i cili ishte skualifikuar më herët për shkak të problemeve me pasurinë.
Bëhet fjalë për Florin Demollarin, i cili ka përfunduar shkollën e magjistraturës në 2019 dhe priste emërimin nga qeveria e gjyqësorit. Sipas ligjit, çdo magjistrat përpara se të marrë emërimin, kalon në filtrat e kontrollit të Këshillit të Lartë Gjyqësor.
Në mbledhjen e 12 nëntorit 2019, Këshilli vendosi të skualifikojë kandidatin Florin Demollari dhe refuzoi të bënte emërimin e tij si gjyqtar, pasi konstatoi se ai kishte probleme me pasurinë.
Vendimi u kundërshtua në rrugë gjyqësore nga Demollari dhe pak ditë më parë, gjykata e Apelit Administrativ e shfuqizoi vendimmarrjen e Këshillit duke e urdhëruar atë të vijonte procedurat për emërimin e magjistratit të skualifikuar.
Vendimi në fjalë, pritet t’i hapë rrugë një precedenti të rrezikshëm, pasi mund të shfrytëzohet nga çdo magjistrat që synon të hyjë rishtas në sistem e drejtësisë, kur nuk kalon filtrat e kontrollit.
Burime pranë këshillit të lartë gjyqësor thanë për News24 se do ta kundërshtojnë këtë vendim në gjykatën e lartë dhe kjo pritet të ndodhë përgjatë vitit 2020. Kjo pasi ende Apeli Administrativ nuk e ka zbardhur vendimin dhe janë të paqarta argumentet që ka përdorur për të shfuqizuar verdiktin e qeverisë së gjyqësorit. Ndërkohë që këshilli është i detyruar për momentin të zbatojë verdiktin dhe të vijojë me procedurat e emërimit të magjistratit.
1 komente në “Administrativja “rrëzon” KLGJ-në, urdhri për gjyqtarin që e skualifikoi pasuria”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
VETTING-sa , Pseudo Reformatorët e alias Reformës në Drejtësi .
Me këtë Ligj VETTINGU limonatë, edhe mbas 5 vjetësh, jo vetëm që nuk do keni pastru sistemin e Pa Drejtësisë , jo vetëm që nuk do keni prek me dorë asnjë Pushtetar , Politikan dhe Oligarkët që kanë lidhje me to , të cilët abuzuan me miljarda dollarë me grabitjen e pronava e pasurive kombëtare , me përvehtësimin sa të mund të taksave të mbledhura prej shqiptarëve e bizneseve të tyre përgjatë gati 30 vjetëve , përveç vjedhjes e grabitjes së pronave publike dhe private me lloj lloj marifetesh , poshtërsish , dhe abuzimi shtetëror e mbështetjen e organeve represive të ndryshme , por , do kthehen në detyra një nga një të gjithë këta zuzarë .
Këta zuzarë janë ato që nuk ishin në gjendje të mbronin dhe argumentonin as ato pasuri që i kishin Vetëdeklaru . Madje do kthehen dhe ato që hikën njëherë me ato që kishin vjedh sepse të gjithë me një poç kanë pjerdh , pse duhet me bo dallim . Madje do vijë prap edhe Llalla , i cili do kërkojë nga shteti dëmshpërblim për prishje të imazhit , njëlloj si Fullani , që ka çu në gjygj shtetin tonë në Gjykatën e Strasburgut të BE-së .
I rroftë popullit , që është vra , grabit e përdhunu prej këtij sistemi padrejtësie për 30 vjet , dhe do vazhdojë ti shikojë prap po këta hajdutë e kriminela nëpër gjykata , prokurorira , policira gjygjësore , etj .
Sa të kenë lekët e abuzuara e grabitura nëpër xhepa , ato do i harxhojnë një pjesë edhe për tu kthy prap tek qypi i mjaltit . Diku e disa herë akraballëku , diku e disa herë konformizmi ( sot unë , nesër ti ) e diku dhe me pare , ata , o kanë plas , o do e çpojnë se sbën deri sa të kthehen .
Ky është rezultati i miratimit me unanimitet historik prej 140 votash të Ligjit limonatë të VETTINGUT , i cili paraprakisht , tërhiq majtas e tërhiq djathtas , tërhiq lart e tërhiq poshtë arriti të shkëlyhet për tu katandisur në këtë derexhe .
Që politikanët e pushtetarët prej 30 vjet ishin ata , që luftuan me sa patën në dorë për ta çuar sistemin e Drejtësisë në katastrofën e Pa Drejtësisë , sepse ashtu i interesonte , këtë e kanë kuptuar dhe e kanë ditur i gjithë populli . Por edhe Ligjin e Vettingut e zgërdhinë dhe e telendisën duke e bëre limonatë , për të ruajtur deri diku bashkëpuntorët në atë sistem , por dhe vehten nga VETTINGU Real , i cili do ishte KATASTROFIK për kastën e tyre .
Prandaj , ju o VETTING-sa , KPK, KLA , OMN , e organizma të tjera , mos tju rrej mendja , në mos e bëni qëllimshëm , se jeni duke realizu Reformë në Drejtësi .
Prandaj , populli nuk duron më të tilla shfaqje , dhe , ose ndërmerrni inisiativë për Ligj VETTING-u REAL , ose jepni dorëheqje e zhdukuni .
Ligji i VETTINGUT REAL nuk kërkon as ma pak e as ma shume përveç se NJE NEN SHTESE , që i bën të gjithë , pa përjashtim , nga i pari , presidenti i Republikës e deri tek gardiani i burgut , të dorëzojnë deri në qindarkën e fundit , pasurinë e pronat e abuzuara
dhe grabitura popullit shqiptar .
Të tjerat , veprime e deklarime false , mashtruese e që lejojnë hajdutët të rrijnë përjetësisht në majat e pushtetit , politikës dhe Sistemit të Pa Drejtësisë , janë poshtërsia më e madhe dhe thika mbas shpine që i bëhet këtij populli e këtij vendi .
Mos harroni , se pjesë e poshtërsisë së largimit të rinisë shqiptare për të punuar e jetuar jasht shtetit po bëheni edhe ju me tërheqjen zvarrë deri në shpërfytyrim të zbatimit të kësaj palo reforme .
Unë ju akuzoj .