Te fundit
Arrestohet gazetarja në Malin e Zi: Shkaktoi panik me informacionin e publikuar
6 Janar 2020, 12:46Rajoni
TEMA
Gazetarja malazeze Anxhela Gjikanoviç e portalit “FOS” në Podgoricë, u arrestua të dielën në mbrëmje për shkaktim paniku dhe trazira në Malin e Zi. Pas seancës dëgjimore, Prokurori i Përgjithshëm do të vendosë për veprimet e mëtejshme.
Policia malazeze tha se Gjikanoviç, si redaktore përgjegjëse e FOS media, ishte autorja e një teksti të rremë të botuar në këtë portal me titullin “FOS” zbulon: Anëtarët e ROSU-së në dispozicion të Malit të Zi për Ditën e Krishtlindjes”.
Sipas këtij teksti, “rreth 250 pjesëtarë të ROSU – Forcave Speciale të Kosovës do të jenë të disponueshëm për autoritetet malazeze të sigurisë në ditën e protestës në Podgoricë, të planifikuar për nesër”. Publikimi i këtij informacioni të rremë ka shkaktuar panik në publik.
Teksti u botua rreth orës 11.00, dhe gjysmë ore më vonë, Qeveria e Malit të Zi e mohoi, duke thënë se portali “FOS” kishte botuar lajme të rreme se një njësi speciale e Kosovës ishte angazhuar për të monitoruar mitingjet në Podgoricë, shkruan “abcnews”. “Ky informacion i rremë ka për qëllim të shqetësojë publikun dhe të shkaktojë trazira.
Qeveria po i kërkon Prokurorisë të përgjigjet urgjentisht, “thuhet në deklaratën e Qeverisë së Malit të Zi. Gazetarja Gjikanoviç u thirr në ambientet e policisë së Podgoricës rreth orës 02:00, ku inspektorët u këshilluan me kryeprokurorin. Menjëherë pas njoftimit, portali “FOS” tërhoqi tekstin dhe më pas redaksia kërkoi falje për lajmin e rreme
2 komente në “Arrestohet gazetarja në Malin e Zi: Shkaktoi panik me informacionin e publikuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Burg dhe gjobe. Po kur nje inxhinier zbatues nderton keq dhe pallati rezohet te themi nga termeti pse kerkoni burg? Edhe kjo gazetare ka gabuar me dashje ne zanatin e saj, prandaj duhet te ndeshkohet. Jane me 10 tra gazetare dhe pseudoanaliste shqipfoles qe duhen denuar me privim lirie dhe/ose gjoba sipas rastit.
Ta lexojne gazetaret e ne vecanti elita gazetareske shqiptare e “vagabondat politik” te PD apo PSI qe ne cdo moment perhapin lajme dizinformuese me qellime te caktuara politike e destabilizuese