Te fundit
‘Nuk përfaqëson rrezik për lundrimin’, Xhaçka: Pas 40 vitesh, bregdeti shqiptar jo më një zonë e minuar
17 Janar 2020, 21:40Kronika
TEMA
Ministrja e Mbrojtjes Olta Xhaçka bën me dije se bregdeti shqiptar pas më shumë se 40 viteve nuk është më me shënimin zonë e minuar.
Xhaçka ka publikuar edhe hartën përfundimtare të Zyrës së Shërbimit Hidrografik të Britanisë së Madhe ku thuhet se bregdeti shqiptar nuk përfaqëson asnjë rrezik për lundrimin.
“Që prej 2 Janarit 2020, në hartat e prodhuara nga Zyra e Hidrografisë së Britanisë së Madhe, Shqipëria nuk cilësohet më si bregdet i minuar.
Për më shumë se 40 vjet, kjo zyrë, në hartat e publikuara prej saj, të përdorura gjerësisht nga lundërtarët, ruante shënimin “Formed mined zone” (ish zonë e minuar) për bregdetin shqiptar.
Falë studimeve profesionale në terren, të Shërbimit Hidrografik të Forcës Detare Shqiptare dhe komunikimit me Zyrën e Shërbimit Hidrografik të Britanisë së Madhe, bregdeti shqiptar nuk përfaqëson asnjë rrezik për lundrim.
Këtë fakt e konfirmon, drejtori Ekzekutiv i Zyrës Hidrografike në Britaninë e Madhe, Admiral Tim Lowe, zyra e të cilit ka botuar edhe këtë hartë përfundimtare.
Një vendim pozitiv me efekte të mëdha, veçanërisht në zhvillimin e turizmit detar në Shqipëri”, shkruan Xhaçka ne rrjetin social.
1 komente në “‘Nuk përfaqëson rrezik për lundrimin’, Xhaçka: Pas 40 vitesh, bregdeti shqiptar jo më një zonë e minuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ska lidhje fare…..Mina bregdeti ska pasur kurre…qe nga incidenti Korfuzit u pastruan……fakt eshteqe kurreska pasur incident.Anglia e mbante ne harte per qellime qe dihen….Meqe ra fjala e moret arin nga Londra…kjo do ishte arritje dhe jo kto budalleqe.