Ditën e djeshme, tabloidi gjerman “Bild” i dedikoi një artikull të posacëm 675 mijë dollarëve të lobingut rus për Partinë Demokratike, me qëllim pengimin e çeljes së negociatave të Shqipërisë me BE. Një ditë pasi prestigjozja britanike “The Times” kishte publikuar një artikull po për financimin e fshehtë në llogari te Bashës nga rusët edhe ‘BILD’ shkruante të njëjtën gjë.

Gazeta gjermane kishte bërë një analizë të gjatë ku thuhej ndër të tjera se gjithë këto para të paguara nga rusët për Nick Muzin për llogari të PD kanë patur si qëllim pegimin e Shqipërisë drejt BE-së.

Pas furtunës që krijoi ky publikim, opozita dhe Lulzim Basha heshtën. Mediat pranë Bashës poashtu heshtën si me porosi, duke mos e botuar shkrimin e tabloidit që vetëm pak muaj më parë për ta ishte ‘simbol i së vërtetës’.

E mesa duket, ata dinin se diçka po gatuhej në zyrën e Bashës, i cili siç kishte vepruar me përgjimet e përgatitura për t’i servirur te ‘BILD’, tanimë kishte nisur negociatat për fshirjen e artikullit që tregonte të vërtetat e lidhjes së tij me lobin rus për pengimin e rrugës së Shqipërisë drejt BE-së.

Dhe ajo çfarë mediat pranë Bashës ‘prisnin’, ndodhi. ‘BILD’ e fshiu artikullin nga faqja, pa dhënë asnjë arsye. Me një mungesë absolute transparence, tabloidi gjerman e fshiu artikullin (ndryshe nga ‘The Times’) pa dhënë asnjë sqarim se PSE e bëri këtë gjë. Me heqjen e artikullit të djeshëm, ‘BILD’ përforcoi dyshimin se Lulzim Basha ka paguar në 2019 për të nxjerrë disa përgjime të titruara nga vetë ai, ndërsa tani në 2020 paguan për të hequr një artikull që e dëmton rëndë politikisht.

Mesa duket ‘BILD’ ka parë që Lulzim Basha është një politikan frikacak që mënyrën e vetme që di të bëjë politikë është duke paguar, ndaj edhe mbrëmë nxorri një artikull më të vërtetat kundër tij duke e ditur që ai do të paguante për ta hequr.

Natyrisht që këto janë dyshime që lindin nga analiza logjike që mund t’i bëhet lehtësisht publikimit e më pas fshirjes së artikullit pa dhënë arsye nga ‘BILD’ si dhe qëndrimit të PD e mediave pranë saj.

Ajo që të bën përshtypje në gjithë këtë histori ku një kryetar partie hap thesin për mediat e huaja duke porositur shkrime apo paguar heqjen e disa shkrimeve të tjera, është se Lulzim Basha vazhdon të mbetet një lider i dobët, pa argument, ku mjetin e vetëm që përdor për të fituar është paraja, qoftë ajo edhe e lobit rus kundër Shqipërisë apo për të mbrojtur fytyrën e tij.

E ndoshta kjo është edhe arsyeja pse BILD nuk jep arsyen pse e hoqi lajmin nga faqja.

2 komente në “Heshtja e ‘Bild’ dhe çfarë fshihet pas heqjes së shkrimit kundër Bashës”

Olimpia says:

20 Janar, 2020 13:48 te 1:48 pm

Por sidoqofte te blesh per te botuar dhe fshire artikuj duhen shume ,shume para.Dhe jam i bindur qe Basha ,Berisha,Meta dhe disa politikane,njerez te drejtesise ,pushtetare te mesem dhe te medhenj ,pa dallim ngjyre ,kane qindramilione dollare.Por shteti,sado i dobet,eshte shume here me i fuqishem per te zbuluar thesaret e hajduteve ,ne se vepron.Mjafton te vihen ne levizje srtukturat e sherbimeve sekrete,financat dhe kerkohet bashkepunim nga Interpoli.Sepse vertete qe Shik..u jep informacion edhe presidentit qe eshte kryehajduti,por ky rregull nuk percakton dhenien e emrave ,te informatoreve dhe hollesi teknike sekrete qe mbeten gjithmone brenda sistemit.Keshtu qe Rama ti leri daljet televisive,te vere ne levizje mekanizmat per te mbledhur parate e hajduterise shqiptare duke siguruar keshtu edhe nje shume te mire per rindertim pas termetit.Nuk mund te fshihet pas gishtit,gjykata,prokuroria…..Jo z.Rama,i njohim prepara teje mekanizmat e fuqishem qe ka shteti,…Ai te zbulon ,te nxjerr lakuriq.Pastaj nuk ka organi drejtesie te te mbuloje.Shume thjesht,ne se dikujt i zbulohen para apo pasuri te pajustifikuara ne rruge legale ne Qipro,atehere ATO bklokohen dhe gjykata ,prokuroria eshte e detyruar te veproje…Pastaj aq i PA afte eshte sherbimi sekret…Nuk paska nje mundesi infiltrimi tek kjo gazete qe tallet me politiken,politikanet dhe shqiptaret….kur Basha i paska keto mundesi….

Përgjigjjuni
xyz says:

20 Janar, 2020 14:33 te 2:33 pm

Problemi qëndron tek fakti se pse “kazani” Bildt nuk ka hequr akoma shkrimin për Gjushin dhe Damianin?

Përgjigjjuni