Te fundit
Kthimi i Pogba te Juve, Raiola iu kërkon tifozëve bardhezinj të ëndërrojnë
25 Janar 2020, 10:28Sport
TEMA
Një hipotezë gjithmonë e gjallë, për muaj të tërë. Që kur u ndanë Juventusi dhe Paul Pogba, fati në nivelin e klubit të të dy palëve ka qenë i ndryshëm: bardhezinjtë kanë vazhduar të fitojnë, francezi ka jetuar (dhe jeton) vite të vështira me Manchester United.
Zërat që flasin për një rikthim të kampionit të botës te “Zonja e Vjetër” nuk kanë munguar asnjëherë, madje nuk i hedh poshtë as agjenti i tij, Mino Raiola.
Për mikrofonat e “Tuttosport”, agjenti i francezit foli për këtë dëshirë të madhe të tifozëve të Juventusit:
“Ata duhet të ëndërrojnë, sepse nëse nuk e bëni këtë, atëherë jeni të vdekur. Unë nuk punoj nëpër ëndrra, të kuptohemi, por në botën reale.
Kjo nënkupton se bëj zgjedhjet e duhura për klientët e mi. Tani nuk është koha për ta thënë se cila do të jetë e ardhmja e Paul”.
Francezi është duke kaluar një nga vitet më të vështira të karrierës së tij, mes dëmtimeve dhe performancës së dobët në fushë.
Vera e ardhshme, së bashku me Kampionatin Europian, mund të sjellin lajme të reja.
Pastaj, kush e di… Mbase ëndrrat e tifozëve të Juventusit realizohen në “jetën e vërtetë” të Mino Raiola.
1 komente në “Kthimi i Pogba te Juve, Raiola iu kërkon tifozëve bardhezinj të ëndërrojnë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
me blerje kot se kjo nuk behet,me lojtar kot se ky vari qillon