Një grup i të drejtave të njeriut është shqetësuar shumë kur ka parë trajnimin e një grupi fëmijësh për të luftuar bandat e drogës. Ngjarja ka ndodhur në Meksikë, ku fëmijët e mitur shfaqen të armatosur gati për të “luftë”.
Një ditë pasi u zbulua se fëmijët po përdoreshin si patrullime të armatosura, presidenti i Meksikës u shpreh të enjten se edhe “kartelet e drogës po rekrutonin fëmijë gjithnjë e më të rinj”.
Kjo çështje ka bërë që të hapet një debat i madh në Meksikë, mbi përdorimin e armëve nga fëmijët. Grupet e të drejtave të njeriut shprehen se kjo gjë kërcënon jo vetëm sigurinë e fëmijëve, por edhe shëndetin e tyre mendor.