"Turqia nuk është tërhequr nga ndihma për Shqipërinë, për ndërtimin e 500 banesave"

I ftuar në ABC News, zv.ministri i jashtëm Etjen Xhafaj, foli për procesin e rindërtimit pas tërmetit të 26 nëntorit, cilat faza kanë kaluar dhe në cilat pritet të vijojë puna më tej.

Gjithashtu Xhafaj tha se është përgatitur drafti i dëmeve të konstatuara të cilin do ta paraqesin në konferencën e donatorëve në 17 shkurt.

Po ashtu zv.ministri tha se Turqia nuk është tërhequr nga ndihma e ofruar më parë për ndërtimin e 500 shtëpive edhe pse shteti turk po përballet ditët e fundit me pasojat e një tërmeti shkatërrimtar njëlloj si Shqipëria.

Nga Turqia nuk ka kthim pas dhe jeni duke bërë studimin e terrenit, kur nis ndërtimi?

Plani është që puna të nisë në fillim të marsit, aktualisht është duke punuar. Është e domosdoshme të përfundohen projektet arkitekturore që të mos kthehemi më tek kontrolli i pakontrolluar i territorit. Po kryhen studime sizmiologjike. Zona e parë nga ku do të nisë ndërtimi është qyteti i Laçit. Aty ku do të fillohet do të ketë zhvillim të gjerë, me godina cilësore dhe me kushtet më të mira.

Po përgatitemi për konferencën e 17 shkurtit. Është artikuluar edhe një faturë prej 1 miliard euro, ajo që duhet të dimë është se këto para do jenë para cash apo ju jeni duke paraqitur projekte konkrete donatorëve?

Sipas të gjithë metodologjive, jemi në fazën e parë në atë të menaxhimit të çdo emergjence civile me spektër të gjerë dhe me impakt të gjerë territorial që ka të bëjë me menaxhimin e menjëhershëm të zhvendosjes së njerëzve. Muajin e dytë fillohet bëhet vlerësim më i thellë i dëmeve.

Këtu fillon dhe krijohet një faturë financiare se cilat kanë qenë dëmet e konstatuara. Në këtë fazë shihet çfarë mund të bëhet në godinat që kanë patur dëmet. Vlerësimi nuk ka të bëjë vetëm me dëmin infrastrukturor por shihet edhe më gjerë edhe nga zhvendosja demografike.

Është përgatitur drafti i parë i raportit të impaktit të dëmeve, raporti është dokumenti bazë ku do të shkohet në konferencën e donatorëve ku do të flitet me kapituj të veçantë për dëmet e shkaktuara.

Vlerësimi për dëmet nga tërmeti nuk është ende final, përpjekja shtetërore për të mbledhur të gjitha ndihmat  është e vazhdueshme.

Ne kemi parë disa nga takimet e komitetit të rindërtimit për të barazvlerësuar, kontrolluar, koordinuar impaktin e ndihmave në terren për qytetarët, për të pasur mundësi të dalim nga kjo situatë sa më shpejt.

Tërmet 3.6 ballë në Bubq pas mesnate, ndihet lehtë edhe në Tiranë

09:10 Sociale

FOTO: Edi Rama i përlotur, reagon për vdekjen e basketbollistit Kobe Bryant

22:30 Sociale

Tirana feston shekullin e parë si kryeqytet i shqiptarëve, Veliaj zbulon yjet e muzikës për festimet e 11 shkurtit

18:56 Sociale

Rrëfimi i studentes shqiptare nga Wuhan, epiqendra e gripit në Kinë

19:39 Sociale

Ish-juristi i OSHEE zbërthen çështjen CEZ: Skandali i mbylljes së hetimeve dhe pse nuk u verifikuan tabulatet telefonike të Berishës

14:06 Sociale

Shkolla në Surrel, Rama elozhe Veliajt: E bërë me shumë përkushtim e cilësi, si kudo ku vë dorë Lali Eri

13:12 Sociale

Përhapja e rrezikshme e “coronavirusit”, ambasadori shqiptar në Kinë poston foton me maskë dhe i bën apel shqiptarëve

10:35 Sociale

Fjodora Fjora rrëfen për mikeshat e saj të dhunuara: Kanë vuajtur në heshtje dhunën nga burrat e tyre

09:04 Sociale

Tërmeti në Turqi, Rama: Jemi pranë popullit turk, lutemi t’ju japë Zoti forcë!

23:46 Sociale

Tërmeti tragjik në Turqi, Olta Xhaçka: Ndajmë me ju dhimbjen e çdo shqiptari që s'mund të harrojë solidaritetin e pakursyer që na dhatë

23:11 Sociale