Te fundit
Mjekimi i gabuar në spitalin privat, 25-vjeçarja rrezikon paralizimin. Drejtori: Spitali fajtor, rrënoje!
30 Janar 2020, 20:50Sociale
TEMA
Një 25-vjeçare rrezikon të paralizohet pas një operacioni që ka shkuar gabim në një spital privat. Drejtuesit e spitalit “Vila Maria” kanë pranuar gabimin e bërë, duke e rekomanduar qytetaren që “ta rrënojë spitalin”. Emisioni “Fiks Fare” investigoi për disa javë me radhë këtë skandal, ku e reja u prit dhe përcoll dhe në fund nuk mori asnjë zgjidhje. Të gjithë e pranonin fajin e bërë në operacionin e gjurit, por askush nuk mban përgjegjësi, duke e kaluar “topin” sa njëri mjek në tjetrin.
Në “Fiks Fare” u ankua Enxhi Telo, e cila tha se në vitin 2015 ka pësuar një aksident dhe ka bërë një operacion te spitali “Vila Maria”, në afërsi të mbikalimit të Rinasit, në Tiranë. “Kam pasur një devijim 20 gradë të këmbës, një frakturë të kockës ligamente të meniskut të këputura dhe ligamente të këputura. Rezonanca e parë është bërë te Spitali ‘Nënë Tereza’.
Me këtë rezonancë shkova te spitali ‘Vila Maria’ dhe më kanë rekomanduar që të bëj një hartroskopi të meniskut të gjurit dhe kjo i zgjidh të gjitha problemet e mia se çfarë unë kam. Sepse nga ata mu tha se ti ke vetëm këputje të meniskut asnjë gjë tjetër nga këto problemet e tjera. Dhe, me këtë operacion, do të zgjidhej problemi” tha vajza. Ajo tha se operacioni u bë më 21 nëntor të vitit 2015 dhe gjatë operacionit, nuk i funksionoi anestezia spinale dhe e bëri me anestezi të plotë.
Në kartelë, vetëm analizat e gjakut
“Mbaroi operacioni dhe vazhdojnë vizitat e mia në atë spital. Vizita e fundit në 2016, më thuhej që gjendja jote është normale, s’ke asnjë problem. I fundit ka qenë një kokërr që do më ndihmonte të lehtësoja dhimbjet e mia. Unë vazhdoja gjithë kohës me dhimbje. Para operacionit kisha dhimbje, edhe pas operacionit kam dhimbje, vazhdojnë edhe sot. Vazhdon njësoj gjendja para dhe pas operacionit” thotë ajo. Pas këtyre dhimbjeve, vajza iu drejtua doktorëve të tjerë dhe kuptoi që gjendja nuk ishte vetëm menisku, por edhe te ligamentet dhe të zhytjes së kockës. Ajo tha se për operacionin ka paguar 1500 euro. “Kam shkuar disa herë në këtë spital dhe s’më japin asnjë dokument. Dhe një epikrizë që ma kanë dhënë është data gabim. Kam shkuar te spitali dhe më kanë thënë që ne s’kemi dosje të operacionit tënd. Në dosjen time ishin vetëm analizat e gjakut dhe kishin vetëm një grafi” thotë ajo.
Në fillim të muajit dhjetor 2019, vajza shkoi në spitalin “Vila Maria” dhe punonjëset pranojnë që në atë spital nuk ka asnjë gjë, përveç disa analizave. Nuk ka disk dhe foto. “Disa foto i kemi bërë miqësisht” i thonë ato, duke “ngritur supet”. Në mes të muajit dhjetor, vajza shkon sërish në këtë spital, ku takon një punonjëse e cila i thotë se nuk po lidhet dot me doktorin shqiptar që ka qenë në operacion. Punonjësja i thotë se doktori duhet t’i japë të gjithë kartelën, pasi momentalisht nuk ka asnjë gjë në këtë spital. “S’kemi asnjë gjë. As edhe një disk” i thotë ajo, ndërsa i thotë se vetëm doktori mund t’i plotësojë ndonjë kartelë ligjore. Punonjësja i thotë se ka folur me të gjithë drejtuesit, por ngaqë janë ndryshuar dhe nuk kanë lidhje më me doktorin.
Drejtori: Spitali gaboi, rrënoje!
Në fund të vitit të kaluar, qytetarja shkoi sërish në spitalin “Vila Maria” ku takoi drejtorin. Ky i fundit i thotë se nuk mund të nxjerrë kartelë nga spitali, por mund t’i japë vetëm një epikrizë. “Unë e kam ditur që epikriza të është dhënë” i thotë drejtori, ndërsa i thotë se “s’mund të mbajë barrën e mëparshme”. Ai pohon se ka tentuar të lidhet me doktorin shqiptar, por nuk i hap telefonin, pasi ka ikur nga ky spital. “Vetëm ti iki në shtëpi. S’kam çfarë t’i bëj, vetëm ta denoncoj. Ndiqe spitalin, shkatërroje” i thotë drejtori, i cili i drejtohet një punonjëse se çfarë ka
në kartelë. Ajo i përgjigjet se “ka vetëm epikrizën që ka edhe Enxhi”. Drejtori kontakton në telefon me një punonjës italian dhe i kërkon një kontakt me doktorin italian Sandro Granzhe. “Do mundohem të lidhem me doktorin” i thotë ai, ndërsa i përsërit disa herë që “unë nuk mund të mbajë përsipër fajet që nuk janë të miat. Që ti je viktima në këtë rast unë e kuptoj shumë mirë. Merr epikrizën dhe meqë meqë epikriza nuk është e saktë, vazhdo rrugët ligjore. Mua më duket se ai doktori shmanget. Ta përsëris, ti je viktima, e kuptoj shumë mirë”.
Pas takimit zyrtar, drejtori i thotë infermieres që të dalë jashtë dhe e pyet se ku do të shkojë për kurim. Qytetarja ia shpjegon edhe njëherë problemin. Më pas i thotë se është pronar i klinikës te Zogu I dhe i sugjeron që të bëjë edhe një vizitë atje…
23 dhjetor 2019
Punonjësja e Spitalit Vila Maria – E di sa turp më vjen. Sot do të kthehet nga Gramshi, nga e hëna kthehem. Të lutem kalo sot ta mbyllim se do vijë Enxhi. Jam në Gramsh thotë (doktori), nga e hëna kthehem.
Vajza – Ça do bëjë ai, se ti s’ke asgjë. Si do të shkruajë?
Punonjësja e Spitalit Vila Maria – Do kujtohet moj ça ka bërë, ça operacioni ka bërë. Të shkruajë kartelën.
Vajza – Do mbajë përgjegjësi pastaj?
Punonjësja e Spitalit Vila Maria – Patjetër. Do kujtojë, do ketë ndonjë dokument në sallë.
Vajza – E pamsë s’kishte në kartelë, tani se …
Punonjësja e Spitalit Vila Maria – Jo, jo video, CD.
Vajza – Si do e shkruajë?
Punonjësja e Spitalit Vila Maria – Pa u mbyllur viti ti do të marrësh dokumentet, ose do marrësh një përgjigje. Merru me Ervinin më kanë thënë (drejtuesit e spitalit), nëse ai nuk bën dot gjë, do flasim me …
Vajza – A janë për momentin që të flisja dhe unë?
Punonjësja e Spitalit Vila Maria – Janë të huaj, nuk janë ata që duhet të flasësh ti. Në 27 është këtu.
Vajza – Domethënë të vij prapë?
Punonjësja e Spitalit Vila Maria – Do më shkruash njëherë në 26 të lutem. A do vish në 27 në orën 10.30. Vjen i takon komplet drejtpërdrejtë, unë i thashë do flas vetë me Enxhin do mundohem ta zgjidh. Në datë 27 (dhjetor 2019) i ke këtu, i ke të gjithë këtu dhe italianët i ke këtu.
VAJZA SHKON NË DATËN 27 DHJETOR 2019
Takon drejtorin e spitalit “Vila Maria”
Vajza – Më duhet kartela.
Drejtori – Po kartela nuk nxirret nga spitali. Kartelën nga spitali unë mund ta nxjerr vetëm me urdhër gjykate. Nuk mund të jap, unë jap epikrizë, ça ti ke pasur.
Vajza – Po pra, po kur epikriza është gabim që nga data në fillim dhe nuk është e shkruajtur asnjë gjë sqaruese dhumë pak informacion, atëherë?
Drejtori – Unë do mundohem të jap epikrizën e plotë.
Vajza – Kur e mar?
Drejtori – Para Vitit të Ri.
Vajza – Për çfarë kam ardhur unë jam sorollatur te ty gjithë këto kohë?
Drejtori – Te unë s’je sorollatur.
Vajza – Më fal, te spitali. Jeni përfaqësues i spitalit?
Drejtori – Unë jam përfaqësues i spitalit.
Vajza – Atëhere?
Drejtori – Tani, të lutem. Se unë mund të thoja vetëm kaq që kartela nuk jepet dhe ti hidhu përpjetë.
Punonjësja e spitalit – Në këtë rast doktor Ervini duhet të vijë, e thirra. E mora në telefon mos të arrinim deri te gjykata…
Vajza – Se më duhet që të vazhdoj mjekimet e mia.
Drejtori – Unë e kam ditur që ty epikriza tu dha. Të japim epikrizë në dalje, ça është e mundur ligjërisht, më vjen shumë keq për sorollatjet e tua. Nuk mund ta gjej një doktor që ka 3 vjet që s’punon këtu, 2 vjet, se unë 1 muaj e gjysmë kam këtu, dhe ta zgjidh nesër. Trashëgojmë një situatë që nuk është e imja. Unë mund të jap epikrizën ekzistuese, nuk mund të jap dot gjë të re.
Infermierja – Enxhi ti atë e ke, nuk është se kemi asnjë gjë tjetër.
Vajza – Si do shkruajë doktor Ervini kur nuk ka një rezonancë, kur nuk ka filmimet e operacionit.
Infermierja – Normalisht duhet ti mbajë mend!
Drejtori – Vazhdo procedurën me doktorin.
Vajza – Kam ardhur te spitali, spitali ka pasur këtë doktor, si mund të vazhdoj me doktorin?
Drejtori – Do mundohem ta zgjidh unë këtë. Unë përfaqësoj spitalin po nuk mund të mbaj barrën e dikujt tjetër. Ok? Përfaqësoj spitalin po nuk mund të mbaj barrën e të shkuarës. Ti ke shumë të drejtë, po ça ti bëj unë doktorit, ti iki në shtëpi? Të kam sorollat unë?
Vajza – Spitali!
Drejtori – Ndiqe spitalin, shkatërroje. S’kam punë fare!
Vajza – Nuk kam ndërmend të ndjek njeri, kam ndërmend të ndjek shëndetin tim.
Drejtori – Tani ti e kupton këtë, ça ti them unë doktorit, do të denoncoj? Zgjidhe si të duash.
Vajza – Si nuk është problemi jot, a je përfaqësues spitali?
Drejtori – Po.
Vajza – A ka ardhur nga ky spital problemi?
Drejtori – Po.
Vajza – Si po?!
Drejtori – Ndiqe me gjyq. Jepi epikrizën Ola.
Punonjësja e spitalit – Tani a e kupton që as unë s’kam ça të bëj më.
Drejtori – Një sekondë! Te kartela ça ka?
Vajza – Analizat e gjakut…
Infermierja – Thjesht ka epikrizën që ka edhe Enxhi.
Vajza – Si do shkruajë ky doktori …
Infermierja – Doktor Ervini të tha që të lidheshe me doktor Granzhenë (i huaj)
Drejtori – Është në Shqipëri?
Infermierja – Granzhe është në Itali, është i grupit.
Drejtori – Është i grupit?
Infermierja – Po!.
Drejtori – (Telefonon një shtetas të huaj). Kam nevojë që të flas ose të kem një kontakt me doktor Granzhe, ortopedin. Më duhen informacione më të detajuara nga doktori ose nga doktori shqiptar i cili për fat të keq nuk më përgjigjet. Do lidhem me doktorin.
Vajza – Të paguash 1500 euro, të vazhdosh me probleme.
Drejtori – Ke shumë të drejtë, se si vazhdon ti nga ana legale, apo nga ana profesionale, apo nga ana humane, është problem për ty dhe për spitalin. Unë jam përfaqësues i spitalit, është i vërtetë, po unë s’mund të mbaj mbi shpatulla faje që nuk janë të miat. Që ti je viktima në këtë rast, unë e kuptoj shumë mirë. Meqë epikriza nuk është e ashtu, spitali është fajtor. Meqë epikriza nuk është e saktë, vazhdo rrugët ligjore.
Mua më duket sikur ai (doktori shqiptar) shmanget. Po në qoftë se ne shkojmë mur kundër murit. Domethënë, ti thua dua këtë, unë them s’ta jap, ti do këtë unë s’ta jap, ai që humb në radhë të parë është spitali, po humb dhe ti se ke shëndetin tënd. Që ti je viktima unë e përsëris, e kuptoj shumë mirë.
Drejtori – Dil pak nga dera dy sekonda (I drejtohet infermieres që të dali nga zyra).
Vajza – … kam bërë një aksident, këto vizita vazhdojnë nga 2015 deri në 2016.
Drejtori – Ke bërë ndonjë vizitë te Klinika Zogu I? Enxhi unë jam pronar te klinika Zogu I.
Vajza – Aa ok.
Drejtori – Kështu që unë i njoh. Unë do mundohem që të organizoj një vizitë që ta shohim rastin tënd.
4 komente në “Mjekimi i gabuar në spitalin privat, 25-vjeçarja rrezikon paralizimin. Drejtori: Spitali fajtor, rrënoje!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
sunitet nuk bejne mjeksi ,lloji i kafshes……………mjekim vetem me shurre deveje!
Eshte e qarte : Spitali Ameriakn “punon” fort kudo , veçanerisht ne TV !
Profesionalizem dhe njerzillik ZERO. I shohin pacjentet si EURO dhe nuk mban pergjegjesi asnje nga keta plehrat…
Eshte per te ardhur keq qe nje emision i tille, edhe pse me pak i shikuar se me pare, po qe gjithsesi ka nje audience te gjere, te behet kaq qesharak dhe te keqinformoje ne kete menyre. Keta humoriste, komplet injorante ne fushen mjekesore, marrin persiper te bejne ekspertizen legale te ceshtjeve mjekesore dhe shtojne akoma me shume urrejtjen ndaj profesionit te mjekut. E vetmja pjese e emisionit me te cilen pajtohem ishte shprehja qe nxorren ne ekran “Ne tregun e injorantve idioti i shet te gjitha idete e veta” megjithese duhet te shkruanin “Ne tregun e injoranteve, ne idiotet i shesim te gjitha idete tona”
Me sa pashe nga intervista e kesaj vajze, problemet i ka patur qe ne 2/15 perpara nderhyrjes kirurgjikale ne 11/15. Nga resonanca qe paraqitet ne video, ka patur nje fracture minimale (megjithese radiologu nuk komenton nese ka edeme te kockes apo jo, qe tregon nese eshte fracture e re apo e vjeter) dhe nje carje te pjeshme te ligametit te pasem te gjurit (PCL). Nderhyrja per pastrimin e meniskut eshte plotesisht e justifikuar, shpesh dhimjet lehtesohen, shpesh jo. Me kalimin e kohes problemet jane intesifikuar dhe dhimbja vazhdon.
Kjo zonje nuk rrezikon te paralizohet, eshte turp qe te dikutohet keshtu. Ajo do te kete dhimbje, po jo paralize. Nese do te harxhoje para, te beje operacionin e dyte, nuk do ta leshoje gjuri herepashere, po dhimbja nuk do ti ike. Kur te plaket te vere nje proteze dhe dhimbja do ti zhduket.
Mjeku turk, me shume qetesi ja shpjegoi qe situate sot eshte me keq se me pare, dhe kushdo qe ka nje fare formimi mjekesor e di se kjo ndodh, sepse eshte ecuria e artritit qe filloi me traumen. Heqja e meniskut e thelloi me shume problemin, po nuk kishte rruge tjeter.
Pjesa ku duhet te fokusohen keta karagjoze eshte se si mjeke te huaj, hyjne e dalin sipas qejfit dhe operojne ne Shqiperi. Mund te jene mjeke te jashtezakonshem apo kasape, une nuk e di, po me habit idea qe vijne dhe punojne pa care koken fare. Me thoni nje mjek shqipta apo te huaj, qe nuk eshte diplomuar dhe licensuar ne nje shtet , nese ka mundesi te veje serbes serbes te operoje apo te vizitoje paciente dhe te kthehet pa pasur asnje problem
Ata duhet te fokusohen ne dokumentacioin, qe eshte minimal, dhe ne pacavuret me shkrim dore qe te vjen turp ti paraqisesh ne klinikat e botes. Me pare te ikte koka te te humbiste nje grafi, tani zhduket gjithe kartela, ose s’bejne kartela fare
Ka raste qe te bejne te ulerish nga mjeke qe nuk kane as njohurite me minimale dhe jane akoma te punesuar. Nga mjeke qe hamendesojne diagnoza dhe fusin familjet ne gjak, si qe ai rasti i citit te ri ne Librazhd qe vdiq nga monoksidi I karbonit, dhe mjeket thane kane pire helm.
Te flasim per mjeket qe kane konflikt interesi, si keta ne video
Po qe te kritikojne, te thone rrezikon te paralizohet, e ka fajin operacioni, me pare duhet te marrin mendimin e nje eksperti, perpara se te llapin e te behesh qesharak me paditurine e tyre.