Te fundit
"Forca e Ligjit" zbarkon në Shkodër, sekuestrohen pasuritë e 6 personave
4 Shkurt 2020, 18:28Kronika
TEMA
Pas sekuestrimit të vila “Golden” në pronësi të vëllezërve Hajri në Shijak, radhën e ka pasur Shkodra. Në ditën e dytë të Operacionit Forca e Ligjit, drejtori i përgjithshëm i policisë së shtetit ka firmosur urdhrin për sekuestrimin e pasurive të 6 personave, konkretisht:
Shtetasit A. M., me banim në lagjen Skënderbeg, Shkodër, i është sekuestruar: Një banesë njëkatëshe, e ndodhur në lagjen Skënderbeg, Shkodër.
Shtetasit M. D., me banim në Nicaj, Shkodër, i është sekuestruar: Një banesë dykatëshe + një kat njësi shërbimi, e ndodhur në lagjen Fermentim, Shkodër; Pasuria e llojit arë me sipërfaqe 1541 m2 ; Pasuria e llojit truall me sipërfaqe 350 m2.
Shtetasit A. D., me banim në lagjen Bleran, Njësia Administrative Rrethina, Shkodër, i është sekuestruar: Një banesë dykatëshe, e ndodhur në lagjen Bleran, Njësia administrative Rrethina, Shkodër; 3 automjete, 1 motor.
Shtetasit G. F. me banim, lagjen Skënderbeg, Shkodër, i është sekuestruar: Një banesë vilë katërkatëshe, me pishinë; Një automjet;
Shtetasit A. D. me banim në lagjen Bleran, Njësia Administrative Rrethina, Shkodër, i është sekuestruar: Një banesë trekatëshe, e ndodhur në Hot i Ri, Shkodër.
Shtetasit M. B., me banim në Grudë e Re, Shkodër, i është sekuestruar: Një banesë dykatëshe + një kat papafingo, e ndodhur në Grudë e Re; Një automjet;
Si në rastin e Shijakut edhe në Shkodër sekuestrimet kanë lidhje me pengmarrjen e Jani Prengës.
“Në vazhdim të aksionit të nisur ditën e djeshme nga Operacioni Forca e Ligjit, lidhur me ngjarjen e datës 17.01.2020, sot, më datë 04.02.2020, Drejtori i Përgjithshëm i Policisë së Shtetit ka nxjerrë urdhrat e sekuestrimit për disa subjekte” njoftoi policia.
Ndërkohë ditën e sotme, OFL i ka dërguar kërkesë për plotësim formulari dy personave, Lulzim Berishës në Durrës dhe Ardian Çapjas në Elbasan.
6 komente në ““Forca e Ligjit” zbarkon në Shkodër, sekuestrohen pasuritë e 6 personave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po te perjashtuarve nga sistemi i drejtesise me Vetting ose jo do tu sekuestrohen pronat. Vetem atehere mund te besoj qe ky shtet po hyn ne binar.
Po te perjashtuarve nga sistemi i drejtesise me Vetting ose jo do tu sekuestrohen pronat?Vetem atehere mund te besoj qe ky shtet po hyn ne binar.
Shkoni sekuestroni prokuroreve,gjyqtarëve qe nuk i justifikuan pronat,politikanëve,shkëlzenit,baxhellës,
fallanti,llallës,nokës,lalzin,himarën,pastaj edhe ato të sotmet.Mjerë populli i varfër i pambrojtur.
Propagandë,propagandë,propagandë.
Si nuk ju vjen turp, 1 banese 1 kateshe, 1 motorr apo 1 biciklete me 3 rrota.
Filloni ne Tirane, ne durres, ne shkozet . filloni me ata politikane qe nuk e dine sa prona kane , me femije qe ndjekin shkollat jashte, qe veshin 1 fustan 10 mije euro qe kane edhe wc per macen
Turp merreni me ushtare
Shume mire qe filluan te levizin vecse sikur thane qe banesat nuk do te sekuestrohen! Mesa duket ne Shkoder… Vetem banesa paskan ndertu kriminelet…
Po nuk i hyne Lalzit, e gjitha do t’jet veçse mashtrim.