Te fundit
Pse serbët pranuan të futen në qeverinë e Albin Kurtit?
5 Shkurt 2020, 09:17Rajoni
TEMA
Albin Kurti mori zyrtarisht tanimë postin e kryeministrit të Kosovës, pas më shumë se 15 vitesh në opozitë. Por sfidat e qeverisë së re do të jenë të mëdha. Në qeveri ka dhe dy ministra serbë.
Albin Kurti ka shkelur në fillim të mandatit të paktën dy premtime – qeveria ka 15 e jo 12 ministri, ndërsa në kabinetin qeveritar ka dy ministra të Listës Serbe dhe jo asnjë. Premtimi i parë është shkelur për shkak të koalicionit me LDK, ndërsa motivi për shkeljen e premtimit të dytë, siç thonë bashkëbiseduesit e Deutsche Welles, ka të bëjë me shkaqe të tjera.
Përballja me realitetin
“Nuk më befason zgjedhja e dy serbëve në kabinetin qeveritar nga Lista Serbe, sepse Kurti kërkon legalitet dhe legjitimitet të kabinetit qeveritar, për të promovuar edhe Kushtetutën e Kosovës”, thotë për DW, kryetarja e Lëvizjes Evropiane të Serbëve në Kosovë dhe ish-deputetja, Rada Trajkoviq. Ajo mendon se viktima më e madhe e këtij vendimi do të jetë demokratizimi i bashkësisë etnike serbe në Kosovë.
Jeta Loshaj nga Këshilli për Qeverisje Përfshirëse thotë, se Kurti ka dhënë shumë premtime, por tani po përballet me realitetin politik. “E ka kuptuar se Kushtetuta e obligon që në qeveri të ketë përfaqësuesit e Listës, si subjekti, i cili ka fituar më së shumti vota në zgjedhje. Në këtë mënyrë Kurti ka treguar pjekuri politike dhe respekton Kushtetuën”, thotë Loshaj për DW.
Dialogu me serbët
Dialogu me Serbinë, sipas parimit të reciprocitetit deri në njohjen e Kosovës si shtet, ngritja e aktakuzës ndaj Serbisë për krime, futja e obligimit të shërbimit ushtarak…. janë vetëm disa nga premtimet e Kurtit që janë në kundërshtim me qëndrimet e përfaqësuesve të serbëve në kabinetin qeveritar. Por Trajkoviq mendon se ministrat serbë nuk do të mund të pengojnë planet e Kurtit. Pengesë shumë më e madhe do të jetë opozita e krahut të luftës, e cila në ditën e zgjedhjes së qeverisë është dëshmuar si shumë e ashpër në kritika.
“Kurti me zgjedhjen e dy ministrave serbë lehtëson pozitën e vet. Ata nuk do të paraqesin asnjë problem për realizimin e premtimeve të dhëna. Ministrat serbë kanë në krye të organizatës së tyre politike një njeri, i cili ikën nga drejtësia, ndaj veprimi i tyre shkon në shërbim të fshehjes së vërtetës në lidhje me procesin për vrasjen e Oliver Ivanoviqit, për shkak të së cilit ata mund të humbin kredibilitetin në tërësi“, shton Trajkoviq.
Ndërsa Loshaj e sheh futjen e ministrave serbë në kabinetin Kurti si një shenjë të pragmatizmit të kryeministrit të ri, por edhe si shenjë e vendosmërisë së Kurtit për fillimin e një dialogu të brendshëm me serbët e Kosovës.
Vuçiqi do të pajtohet
Votimit për kabinetin e qeverisë Kurti i ka paraprirë një debat shumë i gjatë për ofendimet e Kurtit në llogari të serbëve, duke i quajtur ata edhe “çetnikë”, apo koalicion me “Vuçiqin dhe Radoçiqin”, nënkryetarin e Listës Serbe, për të cilin autoritetet e Kosovës thonë, se ka lidhje me vrasjen e Ivanoviqit.
Trajkoviq mendon se presidenti i Serbisë, Aleksandar Vuçiq nuk është tepër i interesuar t’i kundërvihet politikës së Kurtit. „Presidenti i Serbisë Vuçiq do të kërkojë alibi për pranimin e shumë synimeve të Kurtit, pasi ka pranuar të ketë dy ministra në qeveri. Çdo ditë shohim një lloj kriminalizimi në logjistikën e shtetit dhe afera të shumta të shtetit të Serbisë dhe familjes së Vuçiqit“, thotë Trajkoviq, duke shtuar se serbët e Kosovës do të jenë sërish një “monedhë për kusur”, për politikën e Serbisë.
Redaktori i Radio Gorazhdevac, Dimitrijeviq, mendon se “Lista Serbe kësaj radhe nuk do të ketë pushtet aq të madh, sepse qeveria e tanishme nuk varet nga votat e saj”. Dimitrijeviq mendon se ministrat dhe deputetët serbë nuk do të përpiqen të pengojnë shumë punën e qeverisë. Ndërsa faktin që deputetët serbë kanë abstinuar dhe nuk e kanë votuar kabinetin e ri qeveritar, Loshaj e sheh si një pjesë të taktikës së veprimit. Deputetët serbë do të përpiqen të mbrojnë interesat e tyre, por në radhë të parë agjendën e përcaktuar nga Beogradi.
3 komente në “Pse serbët pranuan të futen në qeverinë e Albin Kurtit?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Serbet e pane se albythi eshte nje “patriot” i madh dhe me flamurin kuq e zi,me fal ha e dhi e prandaj thane ti japin nje dore shtytje “patriotizmit” te tij…..
Duke pasur parasysh ato krime makabre qe jane bere kunder Shqiptareve, ato perdhunime e derdhje gjaku pa fund, per cfare mut kushtetute flet ti moj debile serbe.
A kujtoni ju se ne shqiptaret do jua falim krimet qe keni bere, nepermjet nje cope letre te mbushur me germa.
Albini duhet te mbante qendrim e te mos zgjidhte serbe ne qeveri por ti jepte mundesi popullit Shqiptar te vendoste vete per fatin e tij pa kompromis e pa ndihme te serbit. Vete levizja e tij quhet VV pra vetevendosje. Por tani po na del ndryshe. Mjere ne per keta politikane pushta qe kemi, per keta spiuna te serbit. Vetem Ramushi i erdhi hakut serbit.
Mbajeni mend , se nuk do zgjasi shume por albini do e heqi edhe taksen e 100% ndaj serbit.
Ketu mban era tradheti. Tradhetia nga veprimet duket, se nuk del njeri me thone degjoni o popull, une ju kam tradhetu.
Vertet Haredinaj i erdhi hakut Serbit? Haredinaj i ka bere sherbimin me te madh te mundshem Serbit ,
sepse fajesoi Shqiptaret per deshtimin e bisedimeve.
Bisedimet or Tiranaaas, jane mjet per te fituar paqen.
Shqiptaret me ndihmen e NATOs fituan luften por me idjote si ty dhe Hajredinaj po humbasin paqen.
Meqe ra fjala, paqja nuk fitohet me injorante si ty. Ti as e di qe kushtetuta e Kosoves percakton Kosoven si shtet multietnik ku Serbet duhet patjeter te perfaqesohen ne qeveri…Ti tiraaaanas me nje “ciqi temen serbit”, mohon dhe Kosoven. Mohon rregullat e vena dhe gjithe lojtaret e tjere ne kete bote. Me mendjen tende, me siguri Kosova perfundon prape ne gjirin e Serbise. Duhet tru or taj! Duhet tru te fitohet paqja. Jo me kote Ollbrajt tha se mbasi fituat luften duhet te fitoni paqen. Me sa duket edhe kjo mike e madhe e Shqiptareve te ka njohur mire ty or Tiranaas. Ka njohur koken me cepa te Haredinaj qe ti na e quan “bukuroshi shqiptar”.