Te fundit
Klubet me financat më të forta, PSG merr fronin
14 Shkurt 2020, 17:38Sport
TEMA
Paris Saint Germain është klubi me financat më të forta në botë. Skuadra francezëve e sheikëve i ka rrëmbyer fronin ManchesterCity-t, një tjetër klubi i cili i siguron milionat nga sheikët arabë.
Francezët e shohin veten në krye për herë të parë, në atë që është edicioni i tretë i renditjes speciale te Indeksit të Financave në Futboll.
Përllogaritja bazohet në pesë faktorë kryesorë: vlera e skuadrës aktuale, asetet e klubit, gjendja financiare në bankë, investimi potencial nga pronarët dhe borxhet neto.
Parisienët i morën vendin Manchester City-t, klubit që në dy edicionet e kaluara qëndronte në krye.
Falë investimeve nga pronarët arabë, vlera e dy skuadrave së bashku e kalon shifrën e 1 miliardë eurove. Në vendin e tretë të klasifikimit special renditet Bayern Munchen, ndërsa bie në sy dominimi i anglezëve.
Tottenham është surpriza e madhe, me pozicionimin në vendin e katërt, i ndjekur nga Real Madridit, Arsenal, Chelsea dhe Liverpool.
Juventus e sheh veten i nënti, ndërsa Borussia Dortmund ka lënë mbrapa dy gjigandë si Atletico Madrid dhe Barcelona. Manchester United ka rënien më të madhe, nga vendi i tetë ka zbritur në të 16-tin.
Tepër interesante janë të dhënat për 30 klubet me financat më të forta në glob. 24 prej tyre, e thënë ndryshe 80% janë skuadra europiane.
Anglia ka rolin e “luanit” me mbi 23%, e ndjekur nga Gjermania, Spanja, Italia dhe Franca, ndërsa nuk mungojnë nga një përfaqësues për Rusinë dhe Ukrainën.
Tre klube janë nga Shtetet e Bashkuara të Amerikës dhe tre nga Azia, përkatësisht dy nga Japonia dhe një nga Kina.
Vlera e përgjithshme e këtyre klubeve përllogaritet në afro 17 miliardë e 400 milionë euro.
Lini një Përgjigje
Më të lexuarat
24 oret e fundit
Javen e fundit
Blog Tema
