Te fundit
Dëshmia e rrallë e ish-shefit të Zbulimit: Enver Hoxha, i implikuar në vrasjen e Vojo Kushit
19 Shkurt 2020, 09:17Politika
TEMA
Memorie.al publikon kujtimet e panjohura të kolonel Hamit Keçit, ish-shok kursi me Mehmet Shehun në shkollën ushtarake në Itali dhe më pas në akademinë ushtarake të Moskës, i cili në periudhën e Luftës, ishte një nga drejtuesit kryesorë të njësiteve guerile të Tiranës së bashku me Beqir Ballukun, dhe për atë kontribut, iu besua detura e Komandantit të Brigadës së XXII-të Sulmuese, pas Luftës ajo e Shefit të Zbulimit pranë Shtabit të Përgjithshëm në Ministrinë e Mbrojtjes ku dhe përfundoi në burg pas një konflikti me Enver Hoxhën. Dëshmitë e Keçit për implikimin e Enverit në vrasjet e bujshme të komunistëve në Tiranë, nga tre Heronjtë e Kodrës së Kuqe me në krye Vojo Kushin, te pesë komunistët nga Fieri me në krye Ferit Xhajkun, si dhe Koci Xoxen, të cilit Enveri i sugjeroi të ndërtinte një barakë, ku dhe e arrestuan italianët…
Nga Dashnor Kaloçi
Një nga ata persona që pas viteve ’90-të kanë hedhur hije dyshimi dhe kanë bërë akuza të drejtpërdrejta ndaj Enver Hoxhës, duke e bërë atë përgjegjës kryesor në vrasjen e disa prej komunistëve kryesorë gjatë periudhës së Luftës në vitet 1939-1944, ka qenë edhe koloneli në pension Hamit Keçi, një nga komunistët e parë në Tiranë dhe më pas komandant i Brigadës së 22-të dhe i Korpusit të Parë të Tiranës. Pas mbarimit të Luftës, ai përfundoi Akademinë Ushtarake në Bashkimin Sovjetik dhe shërbeu në Shtabin e Përgjithshëm të Ushtrisë në Ministrinë e Mbrojtjes, duke mbajtur funksionin e drejtorit të Zbulimit. Në vitin 1949, ai u arrestua teksa tentonte të hynte me forcë në vilën e Enver Hoxhës, ku donte të sqaronte disa konflikte që i kishin lindur me kuadrot kryesorë të Shtabit të Përgjithshëm.
Pas kësaj ai u dënua me 15 vite burg, pasi Enver Hoxha kujtoi se ai kishte shkuar për ta vrarë. Pas dënimit të Hamitit, të njëjtin fat pësuan edhe dy vëllezërit e tij, Isufi (nënkryetar i Komitetit Ekzekutiv të Tiranës) dhe Maliqi, si dhe burri i motrës së tyre, ministri i Transporteve, kolonel Njazi Islami, i cili u vra nga Sigurimi i Shtetit, duke e shpallur si vetëvrasje. Pas viteve ’90-të, Hamit Keçi filloi të shkruajë kujtimet e tij për periudhën e Luftës, ku ndër të tjera e akuzonte Enver Hoxhën si përgjegjësin kryesor për disa nga vrasjet e bujshme që u bënë në atë kohë në Tiranë. Disa prej atyre ngjarjeve koloneli në pension Hamit Keçi na i ka dëshmuar publikisht pak kohë para se të ndërronte jetë, ndërsa në shkrimin e mëposhtëm, ekskluzivisht për Memorie.al po botojmë disa ngjarje të tjera nga kujtimet e tij të lëna në dorëshkrim.
“Zbulimi i depos së armëve”
Një ndër akuzat e para të Hamit Keçit ndaj Enver Hoxhës është ajo që thotë se Enveri ka treguar tek italianët vendndodhjen e depos sekrete të armëve, e cila ishte në bodrumin e shtëpisë së Shyqëri Këllezit, njërit prej anëtarëve të Grupit Komunist të të Rinjve të Tiranës. Sipas Keçit, Enveri e bëri atë për të implikuar dhe fshehur kontributin e punën e atij grupi në dobi të Luftës, krerët e të cilit, Anastas Lulën dhe Sadik Premten, ai i shihte si rivalë kryesorë për kreun e PKSH-së. Lidhur me ngjarjen e zbulimit të depos nga ana e italianëve, midis të tjerash, në kujtimet e tij, Hamit Keçi ka shkruar: “Aty nga viti 1940 Anastas Lulo dhe Sadik Premtja ndërtuan një dhomë në oborrin e shtëpisë së Shyqëri Këllezit.
Poshtë dhomës ata ndërtuan një bodrum të fshehtë, me qëllim që të fusnin aty armët që do të grumbullonin për çetat partizane që do të formoheshin në rrethin e Tiranës. Armët u sollën në Tiranë pjesë-pjesë gjatë periudhës kur zhvillohej lufta italo-greke dhe transporti i tyre bëhej nga shokët e Vlorës me në krye Fejzo Gjomemën. Kështu, aty në atë bodrum të ndërtuar posaçërisht për këtë qëllim, u strehuan gjithsej: 6 mitraloza të lehtë tip “Breda”, 24 pushkë, 17 revolverë dhe dy arka me bomba dore. Për këtë depo armësh nuk është folur asnjëherë nga Enver Hoxha në kujtimet e tij, sepse Enveri asnjëherë nuk e ka pranuar që Anastasi dhe Sadik Premtja të kenë qenë për luftë kundër okupatorit. Në kohën kur ato armë ndodheshin të fshehura aty, në shtëpinë e Shyqëri Këllezit, erdhi dhe u strehua Miladin Popoviçi, të cilin e liroi nga kampi i Peqinit, Mustafa Gjinishi.
Në kujtimet e veta në librin e tij “Kur lindi Partia”, në mes të tjerash Enveri shkruan: ‘Miladinin e vendosëm në një bazë të sigurtë’. Por ai nuk thotë se në atë bazë, e cila ishte shtëpia e Shyqëri Këllezit, ndodhej edhe depoja e armëve. Po kështu, Enveri nuk e tregon edhe faktin se në atë bazë Miladinin e solli Anastas Lulo, i cili bashkëpunoi me Gjinishin për sjelljen e tij në Tiranë. Shumë të paktë ishin ata që kishin dijeni atëherë për atë bazë, dhe unë e dija nga goja e Anastasit, i cili më kishte porositur disa herë që t’i kontrolloja ato armë a ishin vendosur dhe ambalazhuar mirë, me qëllim që të mos ndryshkeshin nga lagështia. Ky veprim u ndërpre nga vendosja në atë dhomë e Miladinit. I pyetur para tre vjetësh për fatin e asaj depoje armësh, Shyqëri Këllezi ka dëshmuar se aty kishte shkuar tre herë policia për kontroll dhe vetëm herën e tretë ata kishin mundur që të gjenin hyrjen sekrete të depos. Nuk ka asnjë dyshim se këtë depo ia dorëzoi armikut vetëm Enver Hoxha”.
Keçi: “Enveri tregoi Ferit Xhajkon”
Një nga akuzat e dyshimet e tjera që Hamit Keçi ka hedhur në kujtimet e tij për Enver Hoxhën, është edhe ajo ku thuhet se Enveri ka treguar tek italianët për Ferit Xhajkon e shokët e tij, të cilët u arrestuan në vitin 1942 në dalje të qytetit të Fierit. Lidhur me këtë ngjarje, në mes të tjerash Keçi ka shkruar: “Pasi kishte spiunuar Koçi Xoxen tek italianët, Enveri bëri të njëjtën gjë, duke futur në burg Sinan Gjonin (Rrumbullakun), i cili në atë kohë ishte sekretar organizativ i Qarkorit Komunist të Vlorës. Në 12 prill të vitit 1942, Sinani erdhi në Tiranë si ilegal për të marrë pjesë në mbledhjen e aktivit të PKSH-së, së bashku me Hysni Kapon, i cili ishte sekretar politik i Qarkorit të Vlorës. Në mbarim të mbledhjes, Miladin Popoviçi e lavdëroi Sinanin për punën e mirë dhe plot aktivitet që kishte bërë Qarkori i Vlorës, i cili në atë kohë kishte organizuar aksionin e hapjes së depove të grurit duke ia shpërndarë popullit, si dhe hedhjen në erë të depove të municionit të italianëve në Rradhimë.
Pas mbledhjes, Enveri e ndau Sinanin nga Hysniu, dhe për atë gjë në kujtimet e tij ai shprehet: ‘Hysniun e mbajtëm për disa punë në Tiranë, kurse Sinanin e nisëm për në Vlorë të shoqëruar me tre ilegalë’. Por e vërteta qëndron ndryshe, nuk ishin tre, por pesë ilegalë: Hamdi Mëzezi, Ferit Xhajko, Nikolla Tupe, Spiro Dhima e Niko Arapi. Në kujtimet e tij, Enver Hoxha e vazhdon gënjeshtrën, duke thënë: ‘Hamdiun, Feritin, Nikollën e Sinanin i arrestuan në Fier, Sinanin e internuan në Itali, kurse tre shoqëruesit, pasi i torturojnë i varën’. Me atë dëshmi Enveri kërkon të njollosë Sinan Gjonin, për të cilin thotë se e internuan në Itali, kurse tre shoqëruesit i varën. Në fakt, e vërteta është kështu: pesë ilegalët dhe Sinani, me një makinë pesëvendëshe, u nisën për në Vlorë. Në të dalë të Fierit, te postblloku, policia ndalon veturën dhe një polic i detyron të zbresin nga makina. Gjatë kontrollit, në xhepin e pasmë të pantallonave ai i gjeti një komunikatë Ferit Xhajkos.
Pas kësaj policia kontrolloi gjithë veturën, ku gjeti edhe pesë revolverë të fshehur në motorin e saj. Pas gjetjes së armëve, ata i arrestojnë menjeherë dhe i nisin për në Fier, ku pasi i torturojnë, i marrin që andej dhe i sjellin në Tiranë. Edhe në Tiranë ata u torturuan nga kuestura, por nuk treguan asgjë. Nisur nga kjo gjë, ata i nxjerrin në gjyq dhe i dënojnë të pestë me vdekje, kurse shoferin me 15 vjet burg. Pasi i dënuan, ata i sollën në burgun e vjetër ku ndodhesha dhe unë në atë kohë. Një ditë aty erdhën nga Gjykata Ushtarake duke i pyetur përsëri një nga një, se ku po shkonin atë ditë që ishin arrestuar e ç’qëllime kishin. Ata u premtuan se po të tregonin, do t’u falej jeta, por ata nuk e hapën gojën. Mbas tre ditësh, Feritin, Nikollën e Hamdiun i varën, kurse Sinanit, Spiros e Nikos ua falën jetën.
Të tre ata që u falën, më pas u bashkuan me ne dhe Sinani, që unë e njihja prej kohësh kur vinte në shtëpinë time përpara formimit të Partisë, më tregoi të vërtetën se si kishte ndodhur arrestimi i tyre. Pak ditë më vonë, Sinanin e morën dhe e internuan në ishullin San-Stefano në Itali, nga ku ai u kthye në vitin 1944. Në fillimin e vitit 1945, Sinanin e arrestuan dhe e burgosën, e pa e nxjerrë fare në gjyq, e marrin një natë dhe e pushkatojnë. As sot nuk dihet se ku ndodhen eshtrat e tij. Kjo ngjarje m’u kujtua kur kam lexuar librin e Enverit “Kur lindi Partia”, dhe që nga ajo kohë, duke e ditur të gjithë ngjarjen, unë kam krijuar bindjen e plotë se ata u tradhtuan nga Enver Hoxha.
“Enveri i tha Koçit të ndërtonte një barakë dhe aty e arrestuan”
Në kujtimet e tij, Hamit Keçi ka shkruar edhe për mënyrën se si Enver Hoxha erdhi në krye të Partisë Komuniste, duke zënë vendin e Sekretarit të Komitetit Qendror, funksion i cili, sipas Keçit, në mbledhjen e 8 nëntorit 1941 i ishte ngarkuar Koçi Xoxes. Lidhur me manovrat që përdori Enveri për të ardhur në krye të Partisë, midis të tjerash Keçi ka shkruar: “Në fundin e muajit tetor 1941, në shtëpinë e Bije Vokshit u bë një mbledhje nën drejtimin e Dushanit, me qëllim që të sheshoheshin divergjencat ne mes të grupeve komuniste. Kjo mbledhje përfundoi pa sukses.
Në mbledhjen e 8 nëntorit, Anastas Lulo dhe Sadik Premtja shkuan aty, duke kujtuar se ajo do të ishte vazhdim i asaj mbledhjeje dhe do të diskutonin përsëri për të sqaruar divergjencat e më pas të binin dakord për formimin e Partisë Komuniste. Në mbledhjen e 8 nëntorit, Anastasi dhe Sadiku u ndodhën përpara një kurthi të përgatitur që më parë. Të mbetur vetëm, Anastasi dhe Sadiku pranuan që më parë të formohej Partia, dhe pastaj të diskutohej për të sheshuar divergjencat që kishin grupet në mes tyre.
Kështu, Partia u formua edhe me votat e tyre, ndërsa diskutimet vazhduan edhe për disa ditë të tjera. Akuza kryesore që i bëhej Grupit të të Rinjve, ishte se nuk pranuan direktivat e Kominternit, ndërsa Grupi i Korçës i kishte përqafuar dhe i kishte vënë në jetë. Këto ishin pallavra të kota. Në mbledhjen e 8 nëntorit, Koçit i është thënë se ishte zgjedhur Sekretar i Komitetit Qendror provizor dhe për arsye të konspiracionit të thellë, votimet aty ishin bërë pa emra, por vetëm me të dhënat e biografive. Kjo gjë nuk iu tha anëtarëve të Komitetit Qendror. Gjatë mbledhjes së aktivit të Partisë që u zhvillua nga data 12 deri më 14 prill 1942, në të cilën nuk merrte pjesë Koçi Xoxe pasi ishte në burg, pranë Miladinit qëndronte Enver Hoxha.
Të gjithë pjesëmarrësit e asaj mbledhjeje që vinin nga rrethet, duke parë Enverin pranë Miladinit, e konsideruan atë si Sekretar të Komitetit Qendror të Partisë. Po si kishte ndodhur arrestimi i Koçit? Në atë kohë Enveri e këshilloi Koçin që të ndërtonte një barakë ku të ushtronte zanatin e tij si teneqexhi, në mënyrë që të zhdukte çdo dyshim nga policia dhe spiunët. Kur Koçi po e përfundonte barakën me ndihmën e Andon Deçkës, befasisht aty vijnë dy policë dhe e arrestojnë së bashku me Andonin. Pasi i arrestuan, ata të dy i dërguan direkt në burgun e vjetër të Tiranës. Në këtë mënyrë Enveri e hapi rrugën për të zënë vendin e Sekretarit të Komitetit Qendror provizor”.
Dëshmia e Keçit: Enveri i implikuar në vrasjen e Vojo Kushit
Një ndër akuzat e shumta të Hamit Keçit për Enver Hoxhën është edhe ajo për vrasjen e Vojo Kushit, Xhoxhi Martinit e Sadik Stavalecit, të cilët njihen ndryshe edhe si tre heronjtë e Kodrës së Kuqe. Lidhur me këtë, në kujtimet e tij Keçi ka shkruar: “Në tetorin e vitit 1942, pasi Sadik Stavaleci ishte kthyer nga sanatoriumi i Barit në Itali, Enveri e caktoi që të shkonte në Kosovë. Në mëngjesin e 7 tetorit ai u gjet i rrethuar në shtëpinë e Haxhi Farkës. Në mbrëmjen e 6 tetorit, në atë shtëpi ka shkuar edhe Enver Hoxha, gjë të cilën mua ma ka treguar vëllai im, Maliqi (Keçi), që kishte shkuar aty atë natë për të parë Xhoxhi Martinin, me të cilin kishte shumë shoqëri. Xhoxhi qëndronte në atë shtëpi pasi ishte plagosur në këmbë, gjatë një përpjekjeje me armë që kishin bërë me policinë Isuf Keçi, Mërkur Çela dhe Xhoxhi, në shtëpinë e Isuf Radës.
Në mbrëmjen e 6 tetorit, një orë para se të mbyllej qarkullimi, në shtëpinë e Haxhi Farkës vjen Enver Hoxha dhe përzë prej aty Maliqin e një person tjetër të quajtur Muharrem Llanaj, i cili kishte ardhur aty nga çeta e Matit, ku ishte caktuar si i deleguar i KQ të PKSH-së. Enveri i përzuri ata të dy, duke u thënë se nuk duhej të strehoheshin shumë komunistë në një bazë, se mund të diktoheshin nga italianët, ashtu siç kishte ndodhur pesë muaj më parë me Qemal Stafën. Pasi i përzuri ata të dy nga ajo bazë, aty mbetën vetëm Vojo Kushi, Sadik Stavaleci dhe Xhoxhi Martini, të cilët ishin anëtarë të Grupit të të Rinjve të Tiranës.
Pak minuta pas largimit të Enverit, Muharrem Llanaj u kthye përsëri aty në atë bazë, pasi ai nuk kishte se ku të shkonte. Siç dihet, ajo bazë u rrethua nga italianët dhe të katër shokët që ndodheshin aty, luftuan kundër tyre me armë në dorë. Siç dihet, Vojo, Xhoxhi dhe Sadiku luftuan deri në pikën e fundit të gjakut në një luftë të pabarabartë, duke u bërë simbol heroizmi për brezat që do vijnë. Kurse Muharremi u kap i gjallë dhe u burgos nga italianët në burgun e Tiranës, ku ai u prezantua jo me emrin e tij, por me një emër të rremë. (Më pas Muharremi doli nga burgu dhe pas çlirimit ai ka qëndruar në internim në fshatrat e Lushnjës deri në 1991, duke mos u përmendur asnjëherë si pjesëmarrës i betejës së Kodrës së Kuqe).
Nuk ka asnjë dyshim se në rrethimin e shtëpisë së Haxhi Farkës ka qenë dora tradhtare e Enver Hoxhës, i cili synonte eleminimin e Sadik Stavalecit, pasi e shihte atë si një pretendent të mundshëm për vendin e Sekretarit të PKSH-së. Në këtë post Enveri u zgjodh në Konferencën e Parë të PKSH-së që u mbajt në Labinot nga data 17 deri më 22 mars 1943, ku u zgjodh dhe Komiteti Qendror definitiv, me Enverin Sekretar të Përgjithshëm. Është marrë vesh se në mbarim të punimeve të asaj mbledhjeje, nën kryesinë e Enver Hoxhës është mbajtur një mbledhje tjetër sekrete, ku janë dënuar me vdekje të gjithë anëtarët kryesorë të Grupit të të Rinjve. Zbatimi i atij vendimi filloi shumë shpejt mbas kësaj mbledhjeje. I pari u ekzekutua Anastas Lula dhe pas tij me radhë Neki Ymer Hoxha, Xhemil Çakërri, Sadik Premtja (u plagos dhe u arratis nga Shqipëria), Pali Terova, Sinan Gjoni, Fejzo Gjomema etj.”
23 komente në “Dëshmia e rrallë e ish-shefit të Zbulimit: Enver Hoxha, i implikuar në vrasjen e Vojo Kushit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Tani shkoni dhe i merrni një intervistë hienës nexhmije. .ajo natyrisht që do ta quaj ‘kolaboracionist ‘ këtë botin por është e rëndësishme se e vërteta nuk mbulohet dot kurrë. Kur të binden shqiptaret se qoftëlargu ishte vërtet një njeri i sëmurë karrierist dhe sharlatan do ta nxjerrin nga varri dhe do ti dhjesin kockat. .është pak e rëndë kjo që thashë por janë shumë herë më të rënda tradhëtitë dhe dhimbjen që i shkaktoi këtij populli qoftëlargu enver.
Zhak i zhulosuri”, e verteta” e HALABAKEVE si puna jote nuk vlen as per ne hale mor derdimen ? ? ?
Pse o hiena, nuk ka mundesi te kete spiunuar Xhemal Llanaj meqe e falen dhe e futen ne burg sa per sy e faqe…idiote qe besoni ate qe ju leverdis per pak klikime..
O kaluç po ku e psonise kte kecin o derman , po çfaer jan kta burra pa byth qe die i lepinin bythen Enver Hoxhes dhe sot e shajn qe ka 35 vjet i vdekur , hajt mo shiko çfar miemri ka keci , keci kec do te dali dhe ky i persekutum si gjith bota shqiptare sot .
Keci qe e do emrin genci ka dhe vjersh ,
S’dua bar gjethe lendine dua buk dua panine
Dua buk e dua tule dua qofte me mish pule .
O Kaloç, shiko se ka ca të dhëna që në vrasjen e Kenedit ka dorë Enver Hoxha.
Dalin tregojne plehrat.
Keta kujtojne se me keto shkrime e varrosen perfundimisht Enver Hoxhen, por ne fakt bejne te kunderten se ata qe kane dy pare mend, e dine historine se u be nje lufte e dyte boterore, mori pjese dhe Shqiperia, doli fitimtare ne kuadrin e saj bashke me aleatet dhe pastaj u çlirua. Ballistet dhe neoballistet qe ju bashkuan nazizmit dhe fashizmit u degjeneruan nga Enver Hoxha dhe s’kish si te ndodhte ndryshe; sot keta po “marrin hak” , me cilin, kunder cilit dhe me ç’argument, as vete nuk e dine. Lufta mbaroi. Ballistet ngelen si ishen, gjermani ndryshoi. Sot ne duam gjermanin dhe italianin, po kurre ballistet qe s’kane ndryshuar dhe thurin idiotesira akoma me ate mendje injorante.
‘Dashamirësi’ je gabim kur thua ballistët dhe neo ballistët sot po marrin hak. .kjo gjë nuk qëndron sepse ish ballistët nuk kanë gjë në dorë as pushtet ekonomik dhe as pushtet politik. .qeverritë e këtyre 30 viteve të ‘demokracisë ‘ janë një vazhdimësi e nomenklaturës dhe kontrollojnë çdo gjë në rast se në pushtet do vinte një qeverri neoballiste brënda 24 orëve edi ramën dhe sali berishën do ti varnin për gjuhe në sheshin skënderbej sepse ballistët ishin patriotë dhe jo ‘pulaxhinj ‘si i përshkruante qoftëlargu apo edi rama. .por..por. .qoftëlargu enver nuk përndoqi vetëm ballistët ai i përndoqi të gjithë ata që nuk i vinin pas avazit dhe natyrisht u vinte tabela. .’kolaboracionist ‘,’kulak’,’armik’,’revizionist’,’oportunist’dhe epitete të tjera të kësaj natyre që u vinte për shtat. .unë që e urrej qoftëlargun enver vij nga një familje patriotësh me tradita që kemi qënë në ballë të lanç-it ..tani kushdo prej jush mund të flasi ç’të dojë por ky është realiteti. .unë e urrej qoftëlargun sepse më vodhi jetën,të drejtën e shkollimit. . të drejtën që unë të jetoja i lirë ashtu sikurse edhe ju, në fukarallëk por të paktën jo të na tregonte me gisht ose të mos na poshtëronte padrejtësisht se tek e fundit ai dënoi ish gjyshin tim për gjëra të kota me një gjykim të stisur dhe me dyer të mbyllura. .ne nuk ishim ballistë por ishim me LANÇ-in por gjyshi im ka qënë trim,burrë i drejtë dhe jo bythlëpirës ka qënë njeri i pa shkolle prandaj edhe ra viktimë e intrigave të karrieristëve komunist ..gjyshi im sa ishte gjallë edhe kur doli nga burgu i besonte qoftëlargut enver sepse me fjalë të merrte më qafë qoftëlargu ishte dobiç i lindur. .nuk e di se si e merrni guximin dhe mbroni një diktator gjakatar siç ishte qoftëlargu enver por atë nuk e donte i ati që e solli në jetë dhe na dilni ju dashamirësa. .mësohuni të jeni më të nënshtruar përpara qytetërimit sepse mos kujtoni se keni gjë në dorë. .lesht e currës keni themi andej nga fshati im. .të gjithë jemi kalimtarë në këtë jetë, çdo gjë që bën njeriu në jetë e gjen përpara..asnjë nuk iku nga kjo botë pa paguar ato që bëri..kështu që mos vazhdoni të përçmoni ballistët apo të persekutuarit sepse nuk ua kanë ata fajin që shqipëria është katandisur si mos më keq. .jeni ju trashëgimtarët e qoftëlargut ata që e katandiset këtë vënd sepse juve nuk u dhimbset as kombi as qytetërimi ju keni ngelur tek parti-enver. ..dashamirësi nuk janë ballistët ata që nuk ndryshojnë mos i akuzoni kot sepse jeni pikërisht ju kasta e nomenklaturës komuniste që keni frikë se mos e humbisni pushtetin dhe tmeeroheni sepse keni një faturë tepër të madhe për të paguar vazhdon dhe kullon gjak..jeni ju bythëlëpirësa të gjermanit italianit grekut e sërbit vetëm e vetëm ballistët të mos vinë në pushtet ..të paktën tregoni karakter e mos gënjeni për gjëra që dihen. .
O GOMAR! Ballistet mut kane qene, mut jane dhe ashtu do mbeten ne perjetesi …
mut qe te hash ti
une kam njof rastesisht ketej nga perendimi ca me mbiemrin Keci, E kishin te vetin kete Keci. Por ata prezantoheshin se ishin turq ne origjine. Por qe banonin ne Shqiperi. Kur i pyeta kur keni ardhur ne shqiperi pas vdekjes se skenderbeut me thane. Heshta. Nuk bera koment.
Urrejtesi me i madh i komunizmit ka qene enveri. Po ti numerosh te vraret dhe te interrnuarit nga 42 deri ne 85 ai me shume ka vrare e internuar komunista se ballista+te ashtuquatur nacionalista dhe nazista+fashista. Çdo person qe dinte sadopak rreth tij ai e trajtonte me mjaft delikatese dhe kujdes,e percaktonte radhen dhe menyren e ekzekutimit. Zbulimi,intriga,propaganda baltosese,spiunimi e ne fund ekzelutimi sipas oreksit te tij ishin ne forme mjeshterore qe vetem ai e njihte. Nje aspekt qe eshte thene nga njerez afer tij thuhet se nga njera ane i thoshte ministrit qe ekzekutimet ti kryenin ata vete, nga ana tjeter ne mbledhjet e partise thoshte se kishte injoruar nje vendim te mehmetit sikur ky i fundit kishte propozuar enverit se do ekzekutonte beqirin vete, e jo skuadra e pushkatimit.Keto skena krimi shteteror vetem stalini e oborret mbreterore te mesjetes e sulltanateve i kane aplikuar.
I ke pi ilacet o torrollak, se ke ik per lesh. Psikopat ?
Perralla me te premier politik e spiuna te UDB dhe te KGB per te percar shqiptaret.
Skenar I Beogradit lufte Gega me Tosken dhe fiton Berisha me Serbine.
Nuk I ha me kush keto dokrra.
Vrasje e spiunlleqe bente vetem turku Mehmut Jusmaill Shehleri po jo Enveri.
Rrena te ambasades serbe në Tirane.
Gabelet serve kane 0 ndikim ne Shqiperi, aq sa dergojne striptiste ketu.
Keto jane imagjinata te tuat qe kerkojne armiq imagjinare.
O IDIOT, sa klase shkolle ke!?
Edhe Saliun se bashku me Dashnorin i vrau Enver Hoxha, mbasi per kete ka documente por qe jane akome sekret. Sipas legjislacionit do te hapen se shpejti ose me sakte ne 1992, para lindjes se djellit
Ish shoferi i babait te Qemal Stafes qe ishte mbrojtes i dedikuar i femijeve te ish shefit te tij, ka qene nga Tirana dhe ne nje interviste qe eshte dhene nga djali i tij, permend nje takim te te atit me ish Prefektin e Tiranes Qazim Mulletin qe i ka thene qe te largonte komunistet qe i mbante ne shtepi se ishin tradhetuar nga shoket e tyre. Vellai i Qemalit, Veliu, qe ka punuar si mesues ne Tirane, e ka akuzuar Enverin si pergjegjes per vdekjen e vellait te tij. Eshte fakt se gjate regjimit komunist, familja e Qemalit nuk eshte trajtuar sic i takonte dhe ka qendruar e menjanuar. Asnjehere familja e tij nuk ka pranuar qe te vizitohej nga Enveri apo zyrtare te tjere te larte te regjimit ne diten e deshmoreve, 5 Majin qe ishte dita kur u vra Qemal Stafa.
Ik se tallesh o “ben”! Po jot eme nga bytha te polli o halabak rrugesh ? ? ?
undefined
Edhe Skenderbeu nuk ka vdekur nga ethet. Ka qene dora e Enver Hoxhes qe ia beri kurthin. Po keshtu edhe Pjeter Arbnori, Ali Spahia, Gramoz Pashko e sa e sa burra te tjere te zotet vdiqen nga dora e Enverit.
Po s’besuat pyesni Kalocin dhe Akademine e Historise ” kujtoj.al “.
nuk mund te akuzosh Enverin se paska treguar bazat. Pse? sepse te gjithe emrat per te cilet flitet nuk kane qene asnjehere konkurente per kryetar te pksh. Konkurente kane qene vetem Anastas Lula dhe Sadik Premtja.
Konkurente ishin ne ate kohe te gjithe pjesmarresit e takimit 2 javor nga 7 nentori deri me 22 nentor tek shtepia e bije vokshit. Askush nga ata nuk u vra gjate luftes.
Ju