Bujar Nishani: Ju tregoj pse mafia ndërkombëtare financon dhe lobon për mbajtjen në pushtet në forma dhe metoda fashiste të qeverisjes së rilindjes

Bujar Nishani ka reaguar ka reaguar pas kapjes së tragetit i cili do importonte në Shqipëri lëndën kancerogjence “Amiant”.

Në një shënim në facebook Nishani thotë se kjo pikë uji në det, nga sjellja dhe depozitimi në Shqipëri i mbetjeve kancerogjene.

Më tej ai thotë se trafikimi dhe depozitimi në Shqipëri i mbetjeve kancerogjene është një fakt i shtuar, pse mafia ndërkombëtare financon dhe lobon papushim për mbajtjen në pushtet në forma dhe metoda fashiste të qeverisjes së rilindjes.

“Një krim i rëndë kundër jetës dhe shëndetit të shqiptarëve dhe fëmijëve të tyre ka dalë rastësisht në dritë.

Trafikimi dhe depozitimi në territorin e vendit tonë të lëndëve kancerogjene nga vendet e tjera konfirmon pushtetin e mafias dhe krimit të organizuar në Shqipëri.

Trafiku i drogës dhe vrasjet mes bandave të krimit duken si dilentantizëm përballë trafikut dhe hedhjes mes shqiptarëve të helmeve kancerogjene, duke e kthyer Shqipërinë në një gropë vdekjeprurëse për shqiptarët.

Në tetor të vitit 2016 si President i Republikës, i ktheva mbrapsht Parlamentit me dekret, ligjin skandaloz të mbetjeve, një ligj që i hapte rrugën depozitimit në Shqipëri të mbetjeve të rrezikshme për jetën e qytetarëve.

Përtej sulmeve ordinere, akuzave të ulta që vinin prej rilindsave ndaj Presidentit të Republikës në atë kohë, më shqetësonte rreziku i madh ndaj jetës së shqiptarëve dhe fëmijëve të tyre.

Megjithë mos dekretimin e atij ligji, rilindsit vazhduan me dhunën e kartonave të manipuluar, rrugën e tyre, duke e futur në fuqi ligjin.

Tashmë këto ditë doli në dritë nga media një rast që besoj se është një pikë uji në det, nga sjellja dhe depozitimi në Shqipëri i mbetjeve kancerogjene.

Tentativa për ta varrosur këtë skandal të përmasave jetësore është po aq kriminale sa dhe hedhja e atyre mbetjeve në frymën, gjakun dhe ushqimin e shqiptarëve.

Media hesht, e ashtuquajtura shoqëri civile është zhdukur në drejtim të paditur, intelektualët e mbetur fshihen të tromaksur.

Ata heshtin, kur në fakt duhet uluritur.

Ndërkohë çdo ditë, muaj e vit ndotja bëhet më vrasëse ndaj të gjithë neve, ndaj familjeve e fëmijëve tanë.

Vdekjet e shqiptarëve nga ndotja e mjedisit janë bërë të frikshme me rritje galopante.

Në Shqipëri vdekjet nga ndotja rezultojnë të jenë dy herë më të larta se në Europë,

Sipas të dhënave, Shqipëria është e treta në Europë për nga vdekshmëria nga ndotja e ajrit, pas Bosnjës dhe Bullgaisë.

Sipas Raportit të Cilësisë së Ajrit në Europë 2016, në Shqipëri vdiqën prej ndotjes së ajrit 2120 persona.

Në vitin 2013, numri i vdekjeve të shkaktuara nga ndotja ishte 776.

Brenda 3 vitesh rritje me 300%. Imagjinoni sa ka shkuar raporti në 2020, kur është bllokuar çdo lloj informacioni e transparence ?

Sipas të dhënave nga OBSH, Shqipëria renditet e dyta për peshën më të lartë të vdekjeve të shkaktuara nga kanceri i aparatit të frymëmarrjes në Europë,

Trafikimi dhe depozitimini mbetjeve kancerogjene në Shqipëri përbën jo vetëm një krim ndaj mjedisit por dhe një krim ndaj njeriut.

Shqiptarët përveçse po i përzenë nga vendi i tyre por dhe po i vrasin në vendin e tyre.

Trafikimi dhe depozitimi në Shqipëri i mbetjeve kancerogjene është një fakt i shtuar, pse mafia ndërkombëtare financon dhe lobon papushim për mbajtjen në pushtet në forma dhe metoda fashiste të qeverisjes së rilindjes.

Duket se në këto rrethana, sikur fati ynë është i paracaktuar, fataliteti është i vetmi opsion në rrugën tonë, sikur e keqja është e plotfuqishme dhe e pandëshkueshme.

Por jo, kjo nuk është e saktë ! Forca dhe fuqia e qytetarëve është e paimagjinueshme ndaj çdo të ligu sado i fuqishëm që të duket ai.

Mjafton që shqiptarët të vendosin të reagojnë për të mbrojtur, më në fund, jetën e fëmijëve të tyre, jetën e fëmijëve të fëmijëve të tyre, pikërisht këtu, në këtë vend që Zoti e ka bekuar, por që një grup keqbërsish e kanë dhunuar.”-shkruan Nishani. (TemA)

DOSJA: Si vodhi tokën shtetërore për t’ja dhuruar privatit, këshilltari ligjor i Ilir Metës

11:05 Politika

Ilir Meta: Pranvera po afron

10:35 Politika

Integrimi, Rama: Procesi i vështirë, për të vegjlit rregullat s'janë mjaftueshëm të respektuara. Vendet skeptike e kanë problemin me vetë BE

10:27 Politika

Petrit Vasili: 2 marsi, ditë feste. Do i japim fund horllëkut të “Rilindjes”

10:15 Politika

Neritan Ceka: Populli duhet të dalë në Bulevard, por me synimin për të sjellë ndryshimin

09:26 Politika

Frrok Çupi: Klasa politike në Shqipëri ka zgjedh afër fundërrinat

09:17 Politika

Ilir Meta: Shqipëria, lavatriçe e pastrimit të parave të një organizate ndërkombëtare

09:15 Politika

A ka dalë nga binarët Ilir Meta?

09:11 Politika

"Ilir Meta s’ka as forcë dhe as njerëz. Po humb vlerat e një presidenti"

09:02 Politika

Keni nevojë për një ristart? Bëhuni pjesë e nismës ‘Mos Prit’, takimeve ndërvepruese me Grida Dumën si shtysë

21:28 Politika