Te fundit
Armatoset Serbia, pranon sistemin rus të mbrojtjes ajrore "Pancir S1". SHBA kërcënon me sanksione
24 Shkurt 2020, 09:52Rajoni
TEMA
Gjatë fundjavës, Serbia ka pranuar një dërgesë të sistemeve të mbrojtjes ajrore ruse “Pancir S1”, megjithë paralajmërimet për sanksione të mundshme nga ana e SHBA-së kundër shtetit të Ballkanit, i cili synon anëtarësimin në Bashkimin Evropian.
Presidenti serb, Aleksandar Vuçiq, e bëri njoftimin më 23 shkurt një ditë pasi ministria e Mbrojtjes konfirmoi marrjen e dy prej gjashtë sistemeve kundër- ajrore.
“Serbia forcoi aftësitë e saj mbrojtëse dhe parandaluese”, tha ministria e Mbrojtjes përmes një deklarate.
Presidenti Vuçiq ka thënë se sistemet u blenë pas sugjerimeve nga presidenti rus, Vladimir Putin.
“Bleni Pancirin, sepse më së miri e ka treguar efikasitetin në Siri”, e ka cituar Putinin, presidenti Vuçiq.
Pavarësisht se zyrtarisht kërkon anëtarësimin në BE, por jo anëtarësimin në NATO, Beogradi ka mbajtur marrëdhënie të afërta politike dhe ekonomike me Moskën.
Dorëzimi i sistemeve Pancir bëhet më pak se një javë pasi ministri rus i Mbrojtjes, Sergei Shoigu, vizitoi Beogradin, duke vlerësuar bashkëpunimin në fushën e mbrojtjes.
Serbia ka rritur shpenzimet e mbrojtjes çdo vit, që nga viti 2016.
Vitin e kaluar, ka shpenzuar 906 milionë dollarë, ose 28.7 përqind më shumë, për mbrojtje sesa një vit më parë, sipas Institutit Ndërkombëtar të Studimeve Strategjike (IISS).
Në tre vitet e kaluara, ushtria serbe ka blerë nga Rusia pesë helikopterë Mi-17V-5, katër helikopterë luftarakë Mi-35M dhe ka marrë gjashtë avionë të dhuruar MiG-29.
Për më tepër, Serbia vitin e kaluar mori 30 automjete të blinduara luftarake nga Rusia, si dhe 30 tanke të tjera T-72.
Në tetor 2019, Serbia mbajti stërvitje të përbashkëta ushtarake ajrore me Rusinë.
Kjo ishte hera e parë që një sistemi i mbrojtjes raketore S-400 dhe ai Pancir ishin shfaqur në një stërvitje ushtarake jashtë Rusisë, kishte deklaruar ministria ruse e Mbrojtjes.
Shtetet e Bashkuara kanë kërcënuar sanksione kundër Serbisë, nëse blen armë që mund të rrezikojnë sigurinë e vendeve fqinje, që janë anëtare të NATO-s.
5 komente në “Armatoset Serbia, pranon sistemin rus të mbrojtjes ajrore “Pancir S1”. SHBA kërcënon me sanksione”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ti japin edhe Shqiptareve arme e avione vendet e Natos. Vetem me llafe?, mendoj sikur sˋeshte e drejte.
Ushtria Shqiptare eshte cope cope, Ska me as avione, as tanke, as sisteme mbrojtje. Pale kerkojne qe Shqiptaret te bejne cfare ti doje bytha evropes apo amerikes. Mire ti behet kur nuk dine te thone jo, e te shikojne nga marrin me shume.
E vetmja qe kane jane kallashet dhe pushket qe po i jep bota, desh harrova, edhe ato makinat Humer. Hahaahahahahaha. Me ato do ja mbledhim serbise, do ja bejme tete me dy.
Opsolet dy te tilla te shketerruar nga aviazioni izraelan me video si prove (korrupsion gjysmat e pareve i kan fut ne gjep)
Tirons ne i kishim tanket e avionat por nuk u perdoren kurr per Lufte.
Ësht sistem opsolet Izralianet kanë skaterruar dy deri me tani ne siri shikoni videon e postuar nga aviacioni izralian.
Opsolet izraelanet kane shkaterruar dy prej tyre ne siri shikoni videon e aviazionit izraelan.