Te fundit
OFL i kërkon deklarimin e pasurisë ish-kreut të bandës së Niklës dhe grabitësit të Rinasit
28 Shkurt 2020, 14:44Kronika
TEMA
Operacioni Forca e Ligjit i dërgon formularin e vetëdeklarimit të policisë Flamur Hakës në Nikël dhe Talo Çelë në Elbasan.
Haka është ënuar për veprën penale “Vjedhja me dhunë” si pjesë e bandës famëkeqe të njohur si “Banda e Niklës”.
Ndërsa Çela është dënuar për veprën penale “Trafikim i lëndëve narkotike” si dhe akuzohet edhe për grabitjen e Rinasit.
Deklarata e policisë:
Në zbatim të detyrave të përcaktuara në Aktin Normativ të datës 31 janar 2020, vijon operacioni Forca e Ligjit, në bashkëpunim me strukturat vendore të Policisë, për dërgimin e kërkesave për vetëdeklarim të pasurisë.
Në këtë kuadër, OFL u ka dërguar kërkesat për vetëdeklarim të pasurisë shtetasve:
F. H., banues në Krujë, i dënuar për veprën penale “Vjedhja me dhunë”;
T. Ç., banues në Elbasan, i dënuar për veprën penale “Trafikim i lëndëve narkotike”;
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.
Më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse, për të evidentuar dhe dërguar në SPAK, të gjithë personat që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
