Italianët janë të bindur se epidemia po nxjerr në pah superioritetin e tyre

Nga Nicholas Farell

Në kohëra infektimi si kjo e koronavirusit, mund t’u japësh të drejtë fashistëve për përshëndetjen karakteristike. Mund të duket qesharake, por prekja e këmbëve po zëvendëson shtrëngimin e dorës në disa pjesë të Kinës. Këtu në Itali, ku ka shumë më tepër raste të koronavirusit se çdo vend tjetër, përveç Kinës, Iranit dhe Koresë së Jugut, qeveria e majtë po u thotë italianëve të mos i japin dorën njëri-tjetrit. Kjo më kujton vitin 1922, kur Musolini erdhi në pushtet pasi Lufta e Parë Botërore kishte vrarë 20 milionë dhe epidemia e gripit spanjoll e vitit 1918 pothuajse po aq. Duçja e zëvendësoi shtrëngimin e dorës me përshëndetjen romake.

Shtrëngimi i dorës, sipas ideologjisë fashiste, duhej të eliminuar sepse ishte johigjienik dhe borgjez. Lidhja që Musolini bëri midis fuqisë së dorës për të infektuar trupin e njeriut dhe fuqisë së borgjezisë për të infektuar trupin politik është interesante. Përshëndetja romake i distancoi përkrahësit e tij nga armiku i klasës fashiste – mbi të gjitha anëtarët jo-produktivë të klasës së mesme, të cilët ata i konsideronin si parazitë – ose viruse, për t’i përditësuar gjërat.

Unë jetoj në Emilia-Romagna, rajoni italian me numrin më të madh të njerëzve të infektuar pas epiqendrës në Lombardi. Kam gjashtë fëmijë, të gjithë –përveç më të voglit, Giuseppe, i cili është katër vjeç – shkojnë në shkollë. Falë koronavirusit ata janë pushim, sepse kjo është java e dytë që shkollat janë mbyllur. Kështu që fëmijët e mi janë në shtëpi 24/7.

Në dhjetë ditët e kaluara, pasi nuk kanë qenë në shkollë, shumica prej tyre kanë pasur grip (ftohje me temperaturë të lartë) dhe unë, në moshën 60 vjeç, kam pasur një ftohje të keqe, megjithëse nuk ka temperaturë. Gruaja ime italiane i ka pasur të dyja, dhe sigurisht më fajëson mua. A jam i shqetësuar se më ka kapur dhe mua virusi kinez? Jo. Të rinjtë i mbijetojnë sido që të jetë, jam i sigurt edhe gruaja ime shumë më e re se unë, nëna e tyre. Sa për mua, kush po e vret mendjen?

Dhjetëra qytete të vogla në Lombardi janë në karantinë. Në Venecia, karnavalet u anuluan – pavarësisht maskave magjepsëse. Këtu në Ravenna janë mbyllur shumë mjedise publike: kinematë, muzetë, teatrot dhe diskotekat. Tani italianëve u kërkohet të mbajnë një distancë prej një metri nga njëri-tjetri në vende publike siç janë supermarketet, baret, restorantet dhe kishat, ku edhe në mesha e madhe është anuluar.

Ky do të jetë një problem i madh për një popull kaq të prekshëm si italianët që të respektojnë rregullin e një metri – por sa më shpesh këtu, nuk është e qartë se cili do të jetë dënimi për shkeljen e rregullit dhe kush do ta monitorojë zbatimin e tij. A më bëhet mua vonë për ndonjë nga këto? Jo dhe aq. Unë tashmë përpiqem të rri larg nga grumbullimet e njerëzve nëse mundem.

Në ditët e sotme ka disa restorante kineze në Ravenna, kryeqyteti i fundit i Perandorisë Romake perëndimore, dhe cilësia e ushqimit është me të vërtetë e tmerrshme krahasuar, të themi, me Chinatoën në Londër. Kinezi më i afërt me shtëpinë time është në anën tjetër të fushës që dikur ka qenë det – uji është tërhequr pesë milje që nga koha e romakëve, dhe selia e dikurshme e flotës romake tashmë është thjesht një sit arkeologjik. Pronarët e restorantit kanë postuar një njoftim që shpjegon, në një italishte të keqe, se falë “frikës që solli koronavirusi”, ata kanë vendosur të mbyllin restorantin e tyre deri në një njoftim tjetër. Por a është thjesht frikë? Askush nuk e di.

Virusi ka të ngjarë të rrisë mbështetjen për ekstremin e djathtë, Lega, e udhëhequr nga Matteo Salvini dhe post-fashistët e Fratelli d’Italia, parti e udhëhequr nga Giorgia Meloni. Të dy e portretizojnë veten në skenën ndërkombëtare si ‘nacionalistë konservatorë’.

Nëse do të kishte zgjedhje të përgjithshme tani, sondazhet thonë se koalicioni i së djathtës, i cili përfshin gjithashtu Forza Italia-n e Silvio Berlusconi-t, parti e vogël tanimë, do të mposhtte koalicionin qeverisës të majtë (i formuar shtatorin e kaluar) mes Lëvizjes 5 Yje dhe Partisë Demokratike postkomuniste me një diferencë edhe më të madhe sesa do të kishte bërë përpara krizës së koronavirusit.

Qeveria e majtë mori masat e nevojshme për të luftuar virusin ‘nga pakujdesia e vonesës’ – shkruante Michele Brambilla, redaktore e të përditshmes masive Quotidiano Nazionale -‘ pas javëve të humbura duke i quajtur si racistë apo fashisto-legistë këdo që kërkonte masat elementare që dikton shkenca, d.m.th. karantinë për këdo që arrin në Itali nga Kina’.

Nuk mund të them se shpjegimi standard italian i së majtës se pse ka kaq shumë raste të koronavirusit në Itali është identik me shpjegimin standard italian, sa i përket asaj pse aq shumë politikanë italianë janë të korruptuar. Nuk është e vërtetë që Italia ka politikanë më të korruptuar se vendet e tjera, thonë ata, thjesht Italia është më efikase në kapjen e tyre.

I njëjti arsyetim vlen edhe në rastin e virusit. Italianët janë thjesht më të efektshëm, thonë ata, në identifikimin e të infektuarve sepse Italia ka ekzaminuar shumë më tepër njerëz sesa vendet e tjera. Sipas disa llogaritjeve, Italia ka testuar pothuajse dy herë më shumë njerëz sesa Britania. Por me siguri është vdekja ajo që ka rëndësi, apo jo? Në Itali, 79 persona të infektuar me virus kanë vdekur në krahasim me asnjë në Britani deri më tani. Ec e merre vesh.

TemA TV

“Sakrifica” që shpëtoi Wuhanin: Gjithçka e ngrirë me urdhër nga lart

20:20 Politika

Kur Shkelzeni, djali i Sali Berishës bën ironi: I kemi bërë lekët gaz lotsjellës (do bënin punë dhe 500 mln eurot e aferës së CEZ)

19:43 Politika

Balla reagon ashpër ndaj Berishës dhe Bashës: Shqipëria duhet të durojë edhe kujën e paskrupullt të hienave që duan të ngjallin mosbesim, zi dhe humbje shprese

19:32 Politika

Rama- Bashës: Vare të paktën atë fyell në mur e kurseja Shqipërisë avazin politik! Eshtë ora për t'i shërbyer popullit, krim të nxisësh panik me gënjeshtra

18:53 Politika

Dëshmia e kolonelit tiranas që vuajti 12 burg politik, pse tha që Beqir Balluku s’ishte frikacak e armik: Ai komandoi njësitet guerile të Tiranës dhe mbrojti Partinë në 1960-ën nga rusët

18:33 Politika

Pse u godit rëndë Italia nga koronavirusi: Dy gabimet fatale të një spitali në Lodi sollën epideminë

18:06 Politika

Basha-Ramës: Mos sulmo opozitën po jep llogari pse ke shpërndarë 1.2 milionë maska të skaduara. Boll me gënjeshtra, bëj detyrën dhe merr masa

16:38 Politika

Koronavirusi në Shqipëri, reagon SHBA: Meta, Rama dhe Basha, është koha për veprime të shpejta e të përgjegjshme

16:31 Politika

Rama: Mbyllim të gjitha lokalet, palestrat dhe çdo ambient publik që mbledh shumë njerëz. Është luftë

16:21 Politika

"Shëndetësia në gadishmëri", Rama premton shpërblime: 1 mijë euro shtesë për mjekët, 500 për infermjerët dhe sanitaret! Administrata do punojë nga shtëpia

16:23 Politika