Rama përshëndet vendimin e myslimanëve të Shqipërisë: Zbatoi porositë e Profetit Muhamet, paqja e Zotit qoftë mbi të, respekt, respekt, respekt

Komuniteti Mysliman i Shqipërisë nëpërmjet një postimi në Facebook ka bërë me dije se falja e namazit të Xhumasë do të anullohet për shkak të situatës në vend.

Në lidhje me këtë gjë ka reaguar kryeministri Edi Rama ku ka falenderuar KMSH-në.

“Kur bie epidemia as mos shko aty ku ka rënë as mos lëviz nëse bie aty ku je”, porosit Profeti Muhamet, paqja e Zotit qoftë mbi të?

? Respekt, respekt, respekt për Komunitetin Musliman që vendosi anullimin e faljes së namazit dhe të çdo tubimi nëpër xhami?

Ky është jo vetëm vendimi i duhur në kohën e duhur, por edhe mesazhi më kuptimplotë që komuniteti musliman mund t’i jepte mbarë popullit shqiptar?
Faleminderit?”, shkruan Rama.

Statusi i KMSH-së:

Të nderuar besimtarë dhe besimtare!

Të gjithë jemi të vetëdijshëm për seriozitetin dhe përmasat mbarëbotërore që ka marrë epidemia e virusit COVID-19.
Feja Islame i jep rëndësi të madhe shenjtërisë së jetës së njeriut dhe mbrojtjes së saj. Në rastet e shpërthimit të epidemive, Profeti Muhamed (a.s.) na urdhëron që: “Nëse dëgjoni se diku ka rënë epidemi, mos shkoni në atë vend! Nëse godet në një vend dhe ju ndodheni aty, mos u largoni që andej për t’i shpëtuar!”. Pra, karantinimi dhe evitimi i të gjitha lëvizjeve të panevojshme është masa paraprake që duhet të merret në të tilla raste.

Feja Islame gjithashtu i jep një rëndësi të madhe higjienës personale dhe të ambientit ku jetojmë e punojmë, duke e konsideruar higjienën dhe pastërtinë si pjesë të besimit. Kjo është gjithashtu edhe si një nga masat e sugjeruara nga ekspertët për parandalimin e përhapjes së kësaj epidemie.

Komuniteti Mysliman i Shqipërisë duke vlerësuar situatën e paprecedentë të krijuar nga kjo epidemi, ka marrë disa masa të nevojshme për të mbrojtur qytetarët nga një infektim i mundshëm nga COVID-19.

Komuniteti Mysliman i Shqipërisë kërkon nga myftinitë e qyteteve marrjen e masave të mëposhtme:

1- Ngarkohen të gjithë myftinjtë dhe stafi i tyre të ndërmarrë fushata sensibilizuese për publikun dhe të inkurajojnë të gjithë besimtarët, kryesisht moshën e tretë dhe personat me sëmundje kronike që t’i kryejnë ritualet fetare në banesat e tyre.

2- Anullimi i tubimeve masive si ligjërata, kurse në xhami, aktivitete të ndryshme dhe sipas rrezikshmërisë në zonën tuaj të anullohet edhe falja e namazit të xhumasë.

3- Pesë kohët e namazit sugjerohet të falen në mënyrë jo të organizuar, ndërkohë ezani të thirret në mënyrë të rregullt në të gjitha xhamitë.

4- Zbatimi me rigorozitet i të gjitha sugjerimeve dhe këshillave të nxjerra nga autoritetet përkatëse në vendin tonë si dhe nga Organizata Botërore e Shëndetësisë.

Kërkojmë mirëkuptimin e besimtarëve në respektimin e masave të marra, pasi mbrojtja e jetës dhe shëndetit është një obligim fetar për të gjithë besimtarët.

Pasi të marrim të gjitha masat e nevojshme, t’i lutemi Zotit me lutjen e Profetit Muhamed (a.s.): “O Zot më ruaj nga lebroza, nga çmenduria, nga murtaja, nga epidemia dhe nga të gjitha sëmundjet e këqija.”

Lusim Zotin e Gjithmëshirshëm që kjo situatë të kalojë pa pasoja për të gjithë qytetarët e Republikës së Shqipërisë.
Komuniteti Mysliman i Shqipërisë

EMRAT: Ilir Meta dekreton anëtarët e Gjykatës së Lartë

15:29 Politika

Sali Berisha paditet penalisht për përhapje paniku

15:00 Politika

VENDIMI: Mbyllen të gjitha lokalet dhe restorantet në Durrës dhe Tiranë

14:49 Politika

Kur halli i pushtetit dominon mbi koronavirusin, PD kallëzon në SPAK ministren e Shëndetësisë për maskat

14:38 Politika

FOTOT/ Rama lan duart në kryeministri: S’ka takime jo më afër se dy metra. Duhet t’i ruhemi puthjes nga korona

13:33 Politika

Masat drastike për koronën, Rama: Kush vjen nga Italia apo Greqia të vetë karantinoret për 14 ditë. Nëse kapën në rrugë do marrin 5 mijë euro gjobë

13:22 Politika

“Harrojini trimat”, Rama: Mos luani me zjarrin, rrezikoni veten dhe të tjerët. Duhet të jemi të disiplinuar, korona nuk bën shaka

13:16 Politika

Zgjohet 'koronavirusi' Berisha dhe përhap panik, mendohej i sëmurë: Fshehën rastin e Durrësit, mjekët e morën vesh nga mediat

12:44 Politika

Rudina Hajdari kujton ditëlindjen e të atit: Krenari dhe përulje për kontributin dhe sakrificën e tij

11:11 Politika

“Berisha në gjunjë të një spiuni dhe historia e Vasil Shahinit”

11:04 Politika