Te fundit
“Abuzimeve me çmimet”, Ministria e Financave çon në ndjekje penale 6 farmaci dhe 7 njësi tregtare fruta-perime
14 Mars 2020, 20:57Ekonomia
TEMA
Ministria e Financave pas denoncimeve të qytetarëve per rritjen e çmimeve pas shperthimit te koronavirusit, ka çuar për ndjekje nga ornaget kopetente 6 farmaci dhe 7 njësi tregtare fruta-perime.
Në një njoftim për mediat ministria njofton se duke filluar nga e diela në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së për t’i thënë ‘JO abuzimit”.
Njoftimi i plotë:
Ministria e Financave dhe Ekonomisë, në kuadër të masave të marra nga Qeveria për parandalimin e përhapjes së Covid-19, si dhe në kushtet e ndalimqarkullimit, përmes strukturave të saj po monitoron sjelljen e tregjeve për të shmangur çdo abuzim të mundshëm nga tregtarët.
Për këtë qëllim që nga dje është në dispozicion numri i gjelbër pa pagesë 0800 14 14, ku të gjithë mund të bëjnë denoncime të rasteve që konstatojnë.
Në zbatim të këtyre masave të marra nga të gjithë strukturat tona, Administrata Tatimore po ndjek nga afër zhvillimet e fundit, sidomos funksionimin e tregtisë. Është koha që të gjithë të bashkëpunojmë dhe solidarizohemi për të përballuar këtë situatë të vështirë, jo për të abuzuar.
Falenderojmë të gjithë qytetarët për bashkëpunimin e deritanishëm, ku vetëm sot janë regjistruar 75 denoncime. Në vijim të tyre DPT ka verifikuar 13 raste me shkelje të legjislacionit tatimor, nga të cilat 6 farmaci dhe 7 njësi tregtare fruta-perime. Gjatë verifikimeve janë evidentuar çmimet e shitjeve dhe të blerjeve, duke i kaluar për ndjekje të mëtejshme të organeve kopetente në rast rritjesh artificiale të tyre.
Ndërkohë që nga nesër në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së.
Inkurajojmë të gjithë qytetarët të vijojnë denoncimin e rasteve abuzive dhe këshillojmë, që asnjëri të mos largohet nga njësitë tregtare pa marrë kuponin tatimor dhe të sigurohet që përshkrimi në kuponin tatimor është i njëjtë me mallin e marrë.
Të gjithë bashkë, për t’i thënë jo abuzimit.
1 komente në ““Abuzimeve me çmimet”, Ministria e Financave çon në ndjekje penale 6 farmaci dhe 7 njësi tregtare fruta-perime”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
per ti thene jo abuzimit,por te gjithe abuzojne,si ne keto rastet reale,presjonin e edi drogaxhiut nuk e mori askush serjozisht,sepse po qe nje kryeminister qesharak askush nuk ta merr serjozisht,dhe kjo pune me abuzimet do vazhdoje sepse kjo ripjedhja nuk eshte per asgje,keshtu qe abuzuesit hajduta do vazhdojne kerdinen me abuzimet,duhen vepra o ediiiiiiii jo llafe.