Misteri në Wuhan: Kinezët po "infektohen" për së dyti

Një valë e dytë infeksionesh misterioze në Wuhan po vë në pikëpyetje saktësinë e metodabe diagnostikuese të COVID-19, ndërkohë që Kina po përgatitet të dalë nga karantina.

Nga 18 deri më 22 marsi, qyteti kinez i Wuhan nuk raportoi asnjë rast të ri të virusit përmes transmetimit nga një person tek një tjetër. Kjo u pa si një pikë kthese në përpjekjet për të frenuar pandeminë, e cila ka prekur më shumë se 80,000 njerëz në Kinë. Në Wuhan epidemia ishte veçanërisht i ashpër, ku u shënuan më shumë se gjysma e të gjitha rasteve të konfirmuara në Kinë.

Por disa banorë të Wuhanit që kishin testuar pozitiv më herët dhe më pas ishin shëruar, po testojnë pozitive për herë të dytë. Bazuar në të dhënat e karantinave në qytet, të cilat strehojnë pacientë për vëzhgim të mëtejshëm pas daljes nga spitalet, 10% e pacientëve që “shërohen”, kanë testuar përsëri pozitiv.

Shumë prej atyre që kanë rezultuar pozitiv për herë të dytë duket se janë asimptomatikë, pacientë që mbartin virusin por nuk shfaqin ndonjë nga simptomat të sëmundjes. Këto të dhëna sugjerojnë se shpërthimi në Wuhan nuk ka mbaruar.

Katër pacientë që kanë testuar pozitiv për herë të dytë në mars thanë se ishin sëmurur pasi u liruan nga kujdesi mjekësor. Dy javë pas daljes nga spitali, gjendja e tyre u përmirësua, por pas një kontrolli rutinë,  mjekët zbuluan se ata testuan sërish pozitiv.

Dy prej tyre janë mjekë të cilët u sëmurën pasi mjekuan pacientët në spitalet e tyre në Wuhan. Një prej tyre shfaqi simptoma të rënda gjatë raundit të parë të virusit dhe u shtrua në spital. Mjeku i dytë shfaqi simptoma të lehta në fillim dhe u karantinua gjatë kulmit të  shpërthimit.

Por kur u testuan për herë të dytë për koronavirus me 22 mars, të dy mjekët ezultuan pozitivë edhe pse nuk shfaqnin asnjë nga simptomat tipike, siç janë ethet ose kolla e thate.

Por a mund të themi se testimi pozitiv për herë të dytë nënkupton se kemi të bëjmë me një valë të dytë të epidemisë? Virologët mendojnë se nuk ka gjasa që një pacient COVID-19 të mund të ri-infektohet kaq shpejt pas shërimit, por thonë se duhet pasur kujdes. Kina nuk përfshin në shifrat zyrtare ata që ri-infektohen dhe as ata që nuk shfaqin simptoma.

Ekspertët thonë se mundur që rezultati i parë i testit që sugjeron se një pacient është shëruar, të jetë i rremë. Kjo sipas tyre mund të ndodhë nëse shtupa e përdorur për të mbledhur kampionet e virusit nuk ruhet me kujdes dhe mund të rrjedhë disa pjesë të virusit. Dr Li Wenliang, një mjek nga Wuhani që vdiq më vonë nga virusi në shkurt, testoi disa herë negativ përpara se të diagnostikohej saktë.

Në shkurt, Uang Chen, drejtor në Akademinë Kineze të Shkencave Mjekësore shtetërore, vlerësoi se testet e acidit nukleik të përdorur në Kinë në identifikimin e rasteve ishin të sakta vetëm 30% -50% të kohës.

Sa e vërtetë është rimëkëmbja e Kinës?

Të martën, provinca Hubei tha se do të lehtësonte masat e izolimit. Autoritetet në Kinë tani kanë filluar për më shumë se dy javësh t’i lejojnë banorët të lëvizin nga një qytet në tjetrin.

Por “Caixin”, një media e pavarur kineze, raportoi në fillim të kësaj jave se spitalet në Wuhan po vazhdonin të përballeshin me raste të reja të bartësve të virusit që nuk shfaqnin simptoma. Një zyrtar shëndetësor tha se autoritetet po zbulon rreth një duzinë raste të tilla në ditë.

Duke iu përgjigjur pyetjeve për mënyrën sesi qyteti po numëronte raste asimptomatike, komisioni shëndetësor i Wuhan tha të hënën se po karantinonte pacientët pa simptoma në reparte të specializuara për 14 ditë. Këta pacientë do të përfshihen në numërimin e rasteve të reja ditore nëse shfaqin simptoma, thanë autoritetet.

“Bazuar në të dhënat e disponueshme të Organizatës Botërore të Shëndetit, infeksionet e reja transmetohen kryesisht nga pacientë të cilët kanë simptoma. Prandaj rastet asimptomatike nuk mund të jenë burimi kryesor i përhapjes së virusit,” tha komisioni.

Po ashtu Zunyou Wu, një studiues në komisionin shëndetësor të Kinës u tha gazetarëve të martën se pacientët asimptomatikë “nuk mund të shkaktonin përhapjen” e virusit. /NPR/

Më shumë se 25 000 të vdekur në Europë nga COVID-19

16:16 Bota

Si të fitoni para nga aplikacioni më i përdorur i momentit

16:05 Bota

Zyrtarët në Mbretërinë e Bashkuar: Karantinimi mund të zgjasë deri në 6 muaj, rishikimi i masave do të bëhet çdo dy javë

16:02 Bota

"Corona dhe karantina", psikiatri: Vetmia është ngjitëse

15:35 Bota

Koronavirusi, Conte: Sfidë historike për të gjithë, Europa duhet të jetë në lartësinë e duhur

14:15 Bota

Pozitiv me koronavirus, kryeministri britanik mesazh nga shtëpia: Mos lëvizni nga banesat, shpëtoni jetë

14:06 Bota

ANALIZA/ Nga rënia e krimit tek solidariteti: Efektet pozitive, që nxisin katastrofat tek njerëzimi

13:42 Bota

Zbritje rekord: Çmimi i naftës shkon në nivelin më të ulët që nga viti 2002

13:26 Bota

Pas Italisë edhe Spanja thyen rekordin e Kinës: Shkojnë në mbi 85 mijë rastet me COVID-19

13:11 Bota

Spanjë: Arrin në 7 340 numri i të vdekurve nga COVID-19, 812 viktima në 24 orët e fundit

13:01 Bota