Pas presionit të BE, tërhiqen PD dhe LSI, kërkojnë mbledhjen e Këshillit Politik: Kush tha se nuk e duam?!

Opozita i ka dërguar një letër PS-së për të mbledhur sa më parë Këshillin Politik për Reformën Zgjedhore.

Takimi mes palëve do bëhet ditën e diel ose të hënë. Duhet thënë se ky është një ndryshim i madh brenda 24 orëve nga opozita, e duket se ka ndikuar edhe presioni i bërë nga Bashkimi Evropian.

Opozita shkruan se është e angazhuar për zgjedhje të lira e të ndershme, kurse deklaratat për vendime të njëanshme, sipas saj synojnë ngërç artificial politik.

Përfaqësuesit e opozitës në Këshillin Politik Oerd Bylykbashi dhe Petrit Vasili shkruajnë se “opozita ka qenë dhe mbetet e angazhuar për përmbushjen e këtij kushti për hapjen e negociatave me BE dhe për t’i siguruar qytetarëve shqiptarë mundësinë për zgjedhje të lira dhe të ndershme.

Ky ka qenë angazhimi ynë i përditshëm, duke i vlerësuar zgjedhjet e lira dhe të ndershme si themelin e demokracisë, dhe procesin e integrimit evropian si prioritet kombëtar.”

Letra e opozitës:

Drejtuar:  Z. Damian Gjiknuri

Znj. Rudina Hajdari

Adresa: Kuvendi i Shqipërisë,

Bul. “Dëshmorët e Kombit”, Tiranë

Z.Gjiknuri,

Znj. Hajdari,

Në media jemi njohur me nisjen nga ana juaj të një debati pa sens praktik dhe logjik, duke vënë kështu në dyshim vijimin e punës së Këshillit Politik për Reformën Zgjedhore.

Opozita ka qenë dhe mbetet e angazhuar për përmbushjen e këtij kushti për hapjen e negociatave me BE dhe për t’i siguruar qytetarëve shqiptarë mundësinë për zgjedhje të lira dhe të ndershme. Ky ka qenë angazhimi ynë i përditshëm, duke i vlerësuar zgjedhjet e lira dhe të ndershme si themelin e demokracisë, dhe procesin e integrimit europian si prioritet kombëtar.

Që nga krjimi i Këshillit Politik, opozita ka qenë e angazhuar në mënyrë konstruktive në Tryezën e Punës, duke bërë propozime dhe duke ofruar zgjidhje për problemet e evidentuara ndër vite nga Misionet Vëzhguese të OSBE/ODIHR.

Puna në Këshill, sikurse jeni në dijeni, u ndërpre për shkak të emergjencës shëndetësore të krijuar nga epidemia e COVID-19. Nga momenti i ndërprerjes për këtë shkak, nuk ka patur asnjë kërkesë apo ftesë për rinisjen e punës nga ana juaj.

Deklaratat nga ana juaj për një reformë jokonsensuale dhe të njëanshme synojnë krijimin e ngërçeve politike artificiale që dëmtojnë konsensualitetin e Reformës Zgjedhore dhe janë shpenzim energjish i kotë në dëm të përmbushjes së një prej kushteve të vendosura nga BE për hapjen e negociatave për antarësim.

Bllokimi i punës për Reformën Zgjedhore në fakt është një sjellje e hershme e Qeverisë. Është rasti i paprecedentë që mazhoranca parlamentare nuk ka arritur të krijojë kushtet për pasqyrimin e rekomandimeve të ekspertëve të OSBE/ODIHR për gati 7 vite.

Ashtu sikurse është e paprecedentë që ne ende nuk kemi asnjë përgjigje zyrtare nga ana juaj për propozimet e bëra nga ana jonë në mbledhjet e Këshillit Politik për gati 2 muaj.

Pavarësisht mungesës së përgjigjes nga ana juaj për propozimet tona, duke qenë se ne mbetemi të angazhuar, jo për fjalë apo debate pa vlerë, por për përmbylljen sa më parë të Reformës Zgjedhore, duke siguruar implementimin e Rekomandimeve të OSBE/ODIHR për standardet demokratike të zgjedhjeve:

KËRKOJMË NGA ANA JUAJ:

Konfirmimin për të zhvilluar mbledhjen vijuese të Grupit të Punës së Këshillit Politik, ditën e diel, datë10.05.2020, ora 11:00 ose ditën e hënë, datë 11.05.2020 ora 10:00, me këtë rend dite:

Mbledhja të zhvillohet në kushtet e sigurisë të diktuara nga epidemia e COVID-19, duke respektuar të gjitha kërkesat e autoriteteve shëndetësore që garantojnë jetën dhe shëndetin e të gjithë pjesëmarrësve në mbledhje.

Mbetemi në pritje të konfirmimit nga ana juaj!

PËRFAQËSUESIT E OPOZITËS NË KËSHILLIN POLITIK:

OERD BYLYKBASHI                               PETRIT VASILI

S'ka asnjë deputet në Kuvend, habit Lulzim Basha: Nëse pranohen propozimet e PD, e votojmë që nesër Reformën Zgjedhore!

18:15 Politika

INVESTIGIMI: Si e përdori ligjin gruaja e gjyqtarit Gjin Gjoni për të ndaluar kompaninë amerikane të investonte në aeroportin ‘Nënë Tereza’, kundër vullnetit të koncesionarit dhe protestave të ambasadës së SHBA

17:49 Politika

Raporti i ‘Freedom House’, Rama: Shqipëria, vendi me ideksin më pozitiv të lirive demokratike në Ballkanin Perëndimor

15:24 Politika

Ish-deputeti i LSI pyet ambasadorin Soreca: Kur keni vendosur me Damianin që ta mblidhni Këshillin Politik?

14:41 Politika

Soreca kundër vendimit të opozitës: Thelbësore që Këshilli Politik për Reformën Zgjedhore të rifillojë punën, 'zgjedhorja' kusht i BE-së

13:58 Politika

E PLOTË/ Çfarë po ndodh me reformën zgjedhore? Damian Gjiknuri: S’kam marrë një përgjigje nga opozita, i kemi votat për ta miratuar

13:13 Politika

Ilir Meta e Lulzim Basha reagojnë për një raport që “nxin” Shqipërinë, që në fakt janë vetë përgjegjës

11:19 Politika

Rama: As vendi e as populli nuk ka kohë të mundë Bashën dy herë në vit. Nuk ka kthim në normalitet deri kur të dalë vaksina

11:07 Politika

Edi Rama: Qeveria nuk ka dhënë asnjë koncesion për Porto Romanon, është bërë një shtesë në kontratë

10:28 Politika

Del emri i biznesmenit në Tiranë, që do ekzekutohej për 40 mijë euro: Pas atentatit qendrojnë azerët (që u përfolën dhe për Santon)

09:52 Politika