Te fundit
Kina kërcënon Shtetet e Bashkuara të Amerikës, Irani i sfidon
26 Maj 2020, 12:07Bota
TEMA
Kina kërcënoi të hënën se do të ndërmarrë kundërmasa ndaj Shteteve të Bashkuara nëse ndëshkohet për planet për të vendosur një ligj të ri në Hong Kong ku shefi i sigurisë e lëvdoi si një mjet të ri për të mundur terrorizmin.
Pekini ka në plan të miratojë një ligj të ri sigurie për Hong Kongun kundër tradhëtisë, mosbindjes dhe rebelimit, vetëm pak muaj pas protestave pro-demokracisë dhe shpesh të dhunshme të vitit të kaluar.
Por, shumë banorë të Hong Kongut, grupe të biznesit dhe vende perëndimore frikësohen se projekt-ligji mund t’i japë goditjen fatale lirive të çmuara të këtij qyteti. Mijëra njerëz dolën në rrugë të dielën megjithë ndalimin e tubimeve për shkak të koronavirusit.
Ndërsa policia shpërndau turmat me gaz lotsjellës dhe pompa uji, Këshilltari amerikan i Sigurisë Kombëtare, Robert O’Brien, paralajmëroi se ligji i ri mund t’i kushtojë qytetit humbjen e statusit të privilegjuar tregtar me Shtetet e Bashkuara.
Por, Ministria e Jashtme kineze tha se Pekini do të reagojë ndaj çfarëdo lloji sanksionesh nga Uashingtoni.
“Nëse Shtetet e Bashkuara këmbëngulin të dëmtojnë interesat e Kinës, Kina do të duhet të ndërmarrë çdo masë të nevojshme për t’iu kundërvënë“, u tha gazetarëve zëdhënësi i Ministrisë së Jashtme, Zhao Lijian.
Hong Kongu është shndërruar në pikën më të fundit të fërkimeve, ndërsa rriten tensionet mes dy superfuqive, të krahasuara nga Kina me “pragun e një Lufte të re të Ftohtë”.
Refuzimi për tu dhënë banorëve të Hong Kongut të drejta demokratike ka ngjallur mbështetje të rrallë në një Uashington të ndarë ashpër gjatë administratës Trump.
Pekini i paraqet protestat e qytetit si një komplot i huaj për të destabilizuar Kinën kontinentale dhe thotë se vendet e tjera nuk kanë asnjë të drejtë të ndërhyjnë në mënyrën se si menaxhohet qyteti i mirënjohur si epiqendër biznesi.
Agjentë kontinentalë?
Protestuesit, të cilët kanë dalë në rrugë me miliona, thonë se janë të motivuar nga vitet gjatë të cilëve Pekini hoqi një nga një liritë e qytetit, pasi iu rikthye Kinës nga Britania në 1997.
Hong Kongu gëzon liri që nuk përjetohen në kontinent, si dhe sistemin e vet juridik dhe statusin tregtar.
Aktivistët e konsiderojnë propozimin e ligjit të sigurisë si lëvizjen më arrogante të Pekinit për t’i dhënë fund fjalës së lirë dhe aftësisë së qytetit për të bërë ligjet e veta.
Një shqetësim i veçantë është një dispozitë që lejon agjentët e sigurisë kineze të veprojnë në Hong Kong. Kjo mund të shërbejë për shtypjen e atyre që shprehin mosmarrëveshje kundër sundimtarëve komunistë të Kinës.
Në territorin kontinental, ligjet për mosbindjen zbatohen rregullisht kundër kritikëve.
Ligji i propozuar, të cilin legjislativi formal i Kinës pritet ta miratojë së shpejti, gjithashtu do të anashkalojë legjislativin e vetë Hong Kongut.
Shoqata e Avokatëve, me influencë në qytet, e përshkroi të hënën mocionin e propozuar si “shqetësues dhe problematik” – dhe paralajmëroi se madje mund edhe të shkelë mini-kushtetutën e këtij territori.
Propozimi ka shqetësuar investitorët dhe bursa e Hong Kong-ut pësoi të premten rënien më të madhe në pesë vjet. Të hënën ende nuk arriti të rikuperohej, duke u mbyllur me vetëm 0.10 përqind lart.
“Rivendosje e rendit social”
Qeveria jopopullore pro-Pekinit e Hong Kongut ka mirëpritur ligjin.
“Terrorizmi po rritet në qytet dhe aktivitetet që dëmtojnë sigurinë kombëtare, siç është ‘pavarësia e Hong Kongut’, bëhen më të shfrenuara,” tha ministri i sigurisë John Lee në një deklaratë duke përshëndetur legjislacionin e planifikuar.
Shefi i policisë Chris Tang përmendi 14 raste të fundit kur ishin kapur eksplozivë dhe tha se ligji i ri do të “ndihmojë në luftimin e forcave për ‘pavarësinë e Hong Kongut’ dhe rivendosjen e rendit social“.
Protestat e vitit të kaluar fillimisht u nxitën nga planet për të lejuar ekstradimet drejt kontinentit, por shpejt u shndërruan në një revoltë popullore kundër Pekinit dhe forcës policore të qytetit.
Pekini ka hedhur poshtë kërkesat e protestuesve për një hetim në polici, amnisti për 8’500 personat e arrestuar dhe të drejtën universale të votës.
Demonstratat u fashitën në fillim të vitit pasi arrestimet masive dhe koronavirusi bënë efektin e tyre.
Por ato janë rindezur në javët e fundit. Tubimi i së dielës solli përleshjet më të mëdha prej muajsh dhe policia bëri të paktën 120 arrestime.
Gjatë tubimeve gjigande pro-demokracisë të vitit të kaluar, sulmet e turmave ishin të zakonshme nga të dy kahët politikë. Një video e protestuesve që rrihnin një avokat në tubimin e së dielës u kap nga media shtetërore e Kinës.
Hu Xijin, kryeredaktori i tabloidit nacionalist Global Times, postoi videon në Twitter – një platformë e ndaluar në territorin e Kinës.
“Le të shohim se si duket me të vërtetë demokracia e mbështetur nga Uashingtoni në Hong Kong“, shkruajti ai.
Anija iraniane zbarkon në Venezuelë; sfidë sanksioneve amerikane
E para nga ato që pritet të jenë pesë çisterna iraniane të naftës ka mbërritur në një rafineri-port të Venezuelës, duke kundërshtuar sanksionet e Shteteve të Bashkuara ndaj të dyja vendeve.
Anija mbërriti në Venezuelë të dielën dhe ministri i naftës i vendit njoftoi se është ankoruar në rafinerinë El Palito.
Një anije e dytë hyri në ujërat e Venezuelës të hënën dhe një e tretë po lundron nëpër Karaibe.
“Dua të falënderoj – nga zemra më fisnike dhe e ndjeshme e popullit venezuelian – Republikën Islamike të Iranit, Presidentin (Hassan) Rouhani, shokun dhe kolegun tim, Udhëheqësin Suprem Ajatollah (Ali) Khamenei … dhe të gjithë Iranin, nga zemra, për solidaritetin e tij, për mbështetjen e tij“, tha Presidenti Nicolas Maduro.
Megjithë pasurinë e saj të naftës, Venezuela po përjeton mungesa të mëdha të karburantit. Rënia e ekonomisë së saj së bashku me sanksionet amerikane kanë shkatërruar pothuajse aftësitë e saj të rafinimit.
Irani ka rënë dakort të dërgojë më shumë se një milion e gjysëm fuçi benzine dhe pjesë këmbimi për Venezuelën.
As Shtëpia e Bardhë dhe as Departamenti i Shtetit nuk patën ndonjë koment të hënën. Por, një zyrtar i lartë i administratës Trump tha javën e kaluar se Shtetet e Bashkuara po mendojnë se si të përgjigjen.
Sanksionet e Shteteve të Bashkuara i ndalojnë Iranit të shesë naftë. Janë vendosur gjithashtu sanksione mbi ekonominë e Venezuelës, përfshirë kompaninë e saj shtetërore të naftës, si pjesë e një përpjekje për të larguar Maduron nga pushteti.
5 komente në “Kina kërcënon Shtetet e Bashkuara të Amerikës, Irani i sfidon”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me keta eshte rreshtuar edhe MonaLikja,me gjithe shpurren e tyre,sfidojne durimin e DSHA,ku perfaqesohen nga ambasada e USA ne Tirane.
na kishe care karin kjo amerika,saksjone sa andej ketej sikur i ka dhene te drejte kombet e bashkuara qe amerika duhet te beje komande,erdhi dita qe mos ta pjerdhi me njeri,fut hundet sa ne rusi,kine,iran,turqi,korene e veriu,venezuel siri irak afganistat libi etj sikur te gjithe jane kolonit e amerikes,kohet e fundit ky palloshi trum e ka ven edhe me europen,por erdhi koha qe mos ta pjerdhi me njeri kete shtet kriminel qe edhe ne shqiperi per 30 vjet istaloi nje qeveri kriminele dhe sote po vuajme pasojat e amerikes qe ne fillim te viteve 1991 kujtuam se erdhi dita jone te jetojme ne liri me ndihmen e ketyre krimineleve amerikan,mire do i behet kesaj amerike te iki ne pith te kurves te shkaterrohet,shtet plere qe i duket vetja qe ka te drejten absolute te komandoje cdo shtet,krruje tani me kinen plera.
E re Loni te erdhi dita te kritikosh Ameriken ne internet. Amerika si ka bere ndonje here keq Shqiperise. Sigurisht sepse ka patur dhe interesin e saj. Ne saje te Amerikes ke 2 shtete shqiptare sot, se pa te nuk do ekzistonte as Shqiperia dhe as Kosova. Antiamerikanet me te medhenj ne kete moment jane Ilir Meta dhe Sali Berisha bashke me bishtat e tyre. « Cuditerisht » keta te dy jane njerezit qe kane demtuar me shume Shqiperine keto 30 vitet e fundit. Sa per ne arenen nderkombetare ne si shqiptare nuk kemi goje te flasim per sa kohe kemi pare vec te mira prej Amerikes.
Ioni qenke rrote k komplet. Pi ndonje kafe se ta ka hap Ramsi lokalin te lagja edhe flit pak per politiken e jashtme se te brendshem e keni qare. Po pjerdh Amerika per kercenimet e Kines apo Iranin. E pe si ja vrau Gjeneralin Iranit me dron o gjitholog. Kina ska interes ta kruaje se pa Ameriken vdes.
Po kur jeton ne Albanistan Amerika ta ka fajin. Europa na ka ndihmuar shume si komb.
Era lufte….. e ka nje lufte nga mbrapa cdo krize ekonomike…. vetem se kjo do te jete lufta e fundit nese ndodh.