Te fundit
Jari në mëdyshje për listat e hapura
31 Maj 2020, 18:41Antena
TEMA
Pas një debati të madh kombëtar që ka shpërthyer mbi listat e hapura apo të mbyllura, Jari ka mëdyshjet e veta.
Meqë shumë demokratë i kanë kërkuar atij mendimin si president i Këshillit të PD, Jari vendosi të flasë:
“Të dashur demokratë,
Jari ju sqaron!
Debati mbi listat e hapura është një debat i nxitur nga Edi Rama.
Ai si me lista të hapura, si me të mbyllura, njësoj e ka garën, se nuk ka lënë njeri brenda PS-së që të ngrejë kokën.
Debati është për ne demokratët, që kemi parti të vërtetë demokratike dhe mendim të lirë.
Unë mendoj se listat e hapura kanë avantazhet e tyre.
Përshembull, nëse e zëmë se mua Basha më vendos të 15-in në listën e Tiranës, dhe nëse qytetarët e Tiranës do lihen të lirë të zgjedhin brenda listës, mua me siguri që do më votojnë dhe do dal i pari.
Ose i dyti, nëse është dhe Doktori në listën e Tiranës.
Pra kjo ka të mirën e vet.
Po kështu, dhe nëse Gridën e vendos të 7-n në listën e Durrësit, njerëzit do mobilizohen dhe ta votojnë të parën.
Shembuj të tillë mund të marrim plot.
Por kjo vlen vetëm për partitë ku nuk mungon demokracia dhe sistemi i vlerave.
Unë kam besim se Luli është demokrat i vërtetë dhe di t’i vlerësojë drejt vlerat e PD-së.
Ai mendon njësoj si populli.
Ai jeton me popullin, ka përfaqësuar gjithnjë mendimin e popullit dhe besoj se nuk ka nevojë ta korrigjojë populli atë që thotë ai.
Kështu që unë besoj se dhe lista e Lulit do jetë, Doktori i pari, unë i dyti e kështu me radhë.
Pra në këtë pikë, nëse ne kërkojmë lista të hapura, duket sikur nuk besojmë tek ndershmëria e Lulit.
Kjo e dëmton shumë fushatën dhe humbet besimin e njerëzve tek Luli.
Ndaj mendoj se teorikisht listat e hapura janë të mira, por praktikisht, me këtë lider të ndershëm, të sinqertë dhe popullor që ne kemi, nuk është e nevojshme, pasi ai zgjedh pikërisht ata që do populli dhe ashtu siç i do populli.”
Lini një Përgjigje
Më të lexuarat
24 oret e fundit
Javen e fundit
Blog Tema
