Te fundit
Gimi i Puros trondit SHBA, me analizën për Kurtin
29 Maj 2020, 20:32Antena
TEMA
Pas vendimit të Gjykatës Kushtetuese në Kosovë, e cila i jep të drejtë shumicës së re parlamentare të formojë qeverinë, pas rrëzimit të Albin Kurtit, Gimi i Puros, si diplomat i vjetër me përvojë ndërkombëtare, dha këtë opinion në emisionin “Klinika 5” të Tur Zhejit:
“Albin Kurti kishte dy rrugë përpara. Ose të vazhdonte si revolucionar, ose të vazhdonte si shtetar.
Meqë gjykata e shkarkoi nga shtetar, ai do vazhdojë si revolucionar.
Do të shikojmë që Kurti ka një çështje të drejtë, që ka ikur me të padrejtë, dhe kjo i jep atij të drejtë, që këtë sulm të padrejtë ta kthejë në udhë të drejtë, përmes revolucionit.
Sa i takon qëndrimit amerikan rreth kësaj çështje, unë kam pasur një bisedë sot në mëngjes me një mikun tim në Uashington, i cili ka zënë mike në palestër gruan e një kongresmeni, që ka kontakte të afërta me zotin Grenell.
Ajo i ka treguar këtij mikut tim, se politika amerikane këto kohë për Ballkanin është inkoherente për shkak të koronavrusit, dhe nuk janë të orientuar qartë.
Por miku im më mori përsipër që në rastin më të parë që do të shkojë në palestër dhe mund të takojë gruan e atij kongresmenit, do t’i thotë asaj, t’i thotë atij, që ai t’i thotë zotit Grenell, se me Kurtin janë sjellë gabim.
Ai sapo kishte hequr dorë nga revolucioni dhe ju e shtytë prapë të nisë revolucionin.
Kjo nuk është në natyrën e politikës amerikane.
SHBA zakonisht i demotivon revolucionet, duke i futur në pushtet revolucionarët.
Ky është rasti i parë që i stimulon.
Dhe kjo, me prapavijë të qartë, pasi në një të ardhme të afërt, SHBA-së do t’i duhet revolucion në Kosovë dhe për këtë po e përgatit Albinin.
Sidoqoftë ky ishte një vendim i padrejtë, për një çështje të drejtë, që padrejtësisht ishte drejtuar kundër vullnetit të popullit, që ishte në të drejtën e tij.
Keni për të parë që do të ndodhë siç them unë.”
2 komente në “Gimi i Puros trondit SHBA, me analizën për Kurtin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Haha Mero e forte la nam ky djali i Gaqos,kemi nje problem te madh, ketu tek ne nuk ka asnje specialist ne fushen e politikes se jashtme, se kane mbaruar shkolla ku jep leket dhe e porosit vet ngjyren e diplomes,
Ky gimi i puros ,është bash vetë ai miku amerikan,ndërsa ajo gruaja e kongresmenit që ka takuar gimi i puros është baxhella e leshelisë që do i thotë “kongresmenit”palo president like floriri që sëbashku si dy revolucionarë të devotshëm të vet fundosjes e leshelisë të destabilizojnë kosovën e shqipërinë.
Bravo gimi i puros miq të mëdhenj ke në
“Amerikë”veçse amerika nuk i qas as ke dera e halesë,këta revolucionarët e tu
hajdutë,vrasës,hipokritë,e tradhëtarë të demokracisë,në sfel të gomerve ti dhe revolucionarët e tu do i çojë vota e popullit,demokracia nuk është monopol revolucionarësh,demokracia është votë ,është shtet ligjor prej të cilit kanë frikë revolucionarët e tipit like floriri e albin kurti.