Te fundit
Qeveria i drejtohet tregjeve financiare me eurobondin e ri 650 milionë euro
2 Qershor 2020, 18:00Ekonomia
TEMA
Qeveria shqiptare do t’i drejtohet tregjeve ndërkombëtare financiare me një Eurobond prej 650 milionë eurosh.
Ministrja e Financave dhe Ekonomisë, Anila Denaj, e pranishme në Komisionin Parlamentar të Ekonomisë deklaroi se eurobondi do të jetë me maturim 7 deri 10 vite.
Sipas saj, financimi i siguruar nga eurobondi do të shërbejë për të shlyer (rifinancuar) eurobondin e marrë në vitin 2015 dhe për të plotësuar nevojat për financim për vitin 2020.
“Janë organizuar një sërë takimesh me bankat/institucionet ndërkombëtare për të marrë informacion mbi mundësitë dhe kushtet e emetimit të një eurobondi në tregjet ndërkombëtare gjatë vitit 2020.
Nga vlerësimet paraprake të bankave ndërkombëtare kjo para situatës së përhapjes së COVID-19 në Europë dhe në vendin tonë, pritej që Eurobondi i ri të emetohej me një normë interesi më të favorshme se ajo e emetimit pararendës.
Por ndërkohë me përhapjen e sëmundjes dhe shpalljen e pandemisë, tregjet ndërkombëtare të kapitalit u ndikuan nga situata e cila reflektoi një nivel të lartë luhatshmërie dhe pasigurie në normat e interesit, të cilat çdo ditë dhe javë pësojnë luhatje”, është shprehur ministrja.
Kjo është hera e katërt që vendi ynë i drejtohet tregjeve ndërkombëtare të kapitalit me instrumentin e eurobond.
Eurobondi i parë është emetuar në vitin 2010 (me vlerë 300 milionë euro, maturim 5-vjeçar dhe interes 7,5%) dhe është shlyer në vitin 2015.
Eurobondet e mëpasshme dhe të cilat janë ende aktive (të pashlyera plotësisht) janë Eurobondi i emetuar në vitin 2015 (me maturim 5-vjeçar), në vlerë prej 450 milionë eurosh dhe me një normë interesi 4,75%, Eurobondi i emetuar në vitin 2018, në vlerën prej 500 milionë euro, me maturim 7-vjeçar dhe normë interesi 3,5%.
2 komente në “Qeveria i drejtohet tregjeve financiare me eurobondin e ri 650 milionë euro”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Artiste e bija e botës.
Gjyshi im tregonte nje histori qe thonin me ironi.
Një mushkë kishte marrë njëri nga Kuçi i Vlorës dhe nuk linte më bythë peme pa u fërkuar. .
Edi na gjeti minkstren nga Kuçi.
Mbulon mutin me shurrë.
Dmth lajmë borxhin me borxh.
Se nuk e lajme dot ndryshe..
Se ju duhen ca para klanit te Edit per tu injektuar ne ekonomi neper kanale ku “thithin” shumë shpejt vetë per veten e tyre.
Duke rritur indirekt borxhet.
Talent o talent.
Këta po synojnë miliardin € me një të rame të lapsit.
Do bëjmë shtet, de more de.
HAJDE RILINDJE HAJDE !!!
Shtetet e be-se kane vite qe po kerkojne te shpikin nje eurobond dhe nuk gjejne kompromis ndersa kjo katranjosja na thote qe kemi “emetuar” (nji dreq e di c’dmth) qe ne 2010
O zonje po kerkojme borxh thuaj por askush nuk na jep se nuk shohin siguri sidomos kur i ve ate emer qe vete europa se ka, pshurren fare nga e qeshura